Тәлімгер портфолиосы Топ: 302 Мамандығы: 0111000 «Негізгі орта білім» Біліктілігі: 0111083 «Шет тілі мұғалімі»

Тәлімгердің міндеттері

• 
  Балалар қоғамдық ұйымдары мен бірлестіктерінің қызметінің дамуына ықпал жасайды.
  
• 
  Балалар мен жасөспірімдердің қоғамдық ұйымдары мен бірлестіктерінің бағдарламаларын жасауға көмектеседі, олардың қызметінің мазмұны мен түрлерін жаңартуға ықпал етеді.
  
• 
  Балалар мен жеткіншектердің бастамасын, жас ерекшеліктеріне сәйкес қызығушылықтары мен қажеттілігін ескере отырып, жұмысын жоспарлайды.
  
• 
  Ұжымдық-шығармашылық қызметті ұйымдастырады.
  
• 
  Балалар мен жасөспірімдерді жұмыс істеп жатқан ұйымдар, бірлестіктер туралы кең көлемде ақпараттандыруға жағдай жасайды.
  
• 
  Балалар мен жасөспірімдердің азаматтық және адамгершілік ұстанымдарын арттырады, өздерінің қызығушылықтары мен қажеттілігін іске асыру үшін қажетті жағдай жасайды.
  
• 
  Білім беру ұйымдарында жалпы мәдени-бұқаралық, патриоттық жұмыстар жүргізеді, сынып жетекшілеріне тәрбие жұмысын ұйымдастыру, балалардың танымдық демалысын олардың бос уақыттарын қызықты да пайдалы өткізуге ұйымдастыруға ықпал етеді.
  
• 
  Өзіне сеніп тапсырылған білім алушылармен тәрбиеленушілер, балалардың денсаулығы мен қауіпсіздігіне қамқоршылық жасайды.
  
• 
  Демалыс кезінде олардың демалуын ұйымдастырады.
  
• 
  Балалар мен жасөспірімдермен жүргізілетін алдыңғы қатарлы озық іс-тәжірибені зерделейді және қолданады.
  
• 
  Балалардың ұйымдары мен бірлестіктері алғашқы ұжымдарының басшыларын (ұйымдастырушыны) дайындау және іріктеу бойынша жұмыстар жүргізеді.
  
• 
  Білім беру ұйымдарының педагогикалық ұжымының өзін-өзі басқару органдарымен, қоғамдық ұйымдармен, оқушылардың ата-аналарымен немесе оларды ауыстырушылармен тығыз байланыста жұмыс істейді.
  

Тәлімгерлерге психологиялық кеңес.

• 
  Тәлімгер әр баланы тыңдай және түсіне білуді үйренуі керек.
  
• 
  Есіңізде болсын! Тәрбиеде ұсақ-түйек болмайды.
  
• 
  Жақсы орынды әзіл балалармен қарым-қатынасты жақсарта, жақындата түседі.
  
• 
  Бұйырмаңыз, өтініңіз, себебі балалар қысымшылықты ұнатпайды.
  
• 
  Есіңізде болсын! Қарсылық көрсету, күштілігіңіздің емес, әлсіздігіңіздің белгісі.
  
• 
  Балалардың жақсы жақтарын көре біліңіз және олар да Сіздің көзқарасыңызға лайық болуға тырысады.
  
• 
  Әр баланы назарда ұстап, қамқор болуға тырысыңыз. Оны балалар міндетті түрде бағалайды.
  
• 
  Балалар арасында болатын қақтығыс, кикілжіңдерді шешу барысында әділ болыңыз, себебі жалған шешімді балалар ұмытпайды.
  
• 
  Дөрекілікке дөрекі жауап беруден аулақ болыңыз, керісінше баланың осындай әрекетке бару себебін анықтаңыз.
  
• 
  Өзіңізді бақытты, қуанышты немесе бақытсыз, көңілсіз баланың орнына жай қойып көріңіз.
  
• 
  Балаларға нотация оқымаңыз, бәрібір балалар оны қабылдамайды, оның орнына мәселені тыныш талдап қорытынды жасаңыз.
  
• 
  Баланы қандай болса, солай қабылдаңыз.
  
• 
  Балалардан бөлінбей, олардың өмірімен бірге өмір сүріңіз.
  
• 
  Жиі өзіңіздің балалық шағыңызды еске түсіре отырып, үлкендердің дұрыс не бұрыс жасаған әрекеттерін салыстыра, қорытынды шығарыңыз.
  
• 
  Баланы Сіз сөзбен емес, ісіңізбен тәрбиелейтіндігіңізді ұмытпаңыз!
  
• 
  Баланы жақсы көріңіз, бірақ арақашықтықты сақтаңыз.
  
• 
  Әдептен озбаңыз, қандай жағдай болмасын шыдамдылық танытыңыз.
  
• 
  Ата-ана, әкімшілікпен қарым-қатынаста сөйлеу мәдениетіңіз бен қолданбалы қабілетіңіздің қалыптасып келе жатқандыңызды көрсетіңіз.
  
• 
  Егер, бала Сізге ғашықтық сезіммен қарайтын болса, араңызда жас ерекшелігіне сай айырмашылық бар екендігін, сезімі, көзқарасына Рақметті екендігіңізді білдіріңіз.