Назар аударыңыз! Сынып жетекші мектеп таңдаған интернет-платформаның функционалдық мүмкіншіліктерін түсіндіруі қажет (оқу тапсырмаларын қалай алу керек, Интернет-платформаның мүмкіндіктерін, ата-аналарға арналған функционал, оқушыларға арналған функционал және т. б. ТЖБ және БЖБ орындау).
Оқушылардың оқу күнін ұйымдастыру бойынша ұсыныстар
Сынып жетекшімен байланыста болу;
Оқу материалдарын оқу, игеру және белгіленген кестеге сәйкес пәндер бойынша оқу тапсырмаларын орындау;
Жауаптарды Интернет-платформалардың, электрондық журналдардың мүмкіндіктері арқылы тіркеу немесе электрондық пошта арқылы жіберу;
Тапсырмаларды орындау мұғалімнің түсініктемелерін оқып, ұсыныстарын орындау;
Мұғалімдермен қолжетімді режимде жұмыс істеу, қажет болған жағдайда мұғалімге туындаған сұрақтарды жіберу;
Компьютерлік жабдықтың үздіксіз жұмыс істеу ұзақтығына қатысты санитарлық нормаларды сақтау.
Қашықтан оқытудың қосымша ресурсы - ТВ-сабақтар
Оқу форматына қарамастан «Балапан» арнасында қазақ тілінде және «Ел-Арна» арнасында орыс тілінде оқитын оқушыларға дүйсенбіден жұмаға дейін сағат 9.00-ден 18.00-ге дейін қосымша білім беру ресурсы ретінде телевизиялық сабақтар арқылы оқуға мүмкіндік беріледі.
Телевизиялық сабақтар теледидар эфирінде, әлеуметтік желілерде жарияланған кестеге сәйкес өткізіледі.
Телевизиялық сабақтардың ұзақтығы 10-нан 15 минутке дейін. Телевизиялық сабақтар жаңа тақырыптың негізгі тұстарын түсіндіруге арналған. Сабақтардағы тақырыпты әр мұғалім бекіту жұмыстарымен толықтырады.
Телевизиялық сабақтар ҚР Білім және ғылым министрлігінің online.edu.kz ресми арналарында тегін қолжетімді болады.
Достарыңызбен бөлісу: |
