Дәріс Экскурсияның тақырыбы, мақсаты және міндеттері
жүктеу/скачать 17,21 Kb.
|
Дәріс 3
Дәріс 3, Дәріс 3, Дәріс 3, Мейрамхана және қонақ үйдің бәсекеге қабілеттілігін бағалау Орын-engime.org, 40962, pdf 20211017 162141 0000, 00059f20-755b4593
|
Дәріс 3. 3. Экскурсияның тақырыбы, мақсаты және міндеттері Мақсаты: экскурсияның тақырыбын таңдаудың маңыздылығын және оның мақсаттары мен міндеттерінің өзара байланысын көрсету. Міндеттері: мақсат қоюды және экскурсия міндеттерін қалыптастыруды үйрену. Қолданылатын формалар мен әдістер: талдау, сипаттау, көшпелі сабақ. Негізгі сөздер: экскурсияның мақсаты, экскурсияның міндеттері, экскурсияға қатысушылардың жүруі, экскурсия жетекшісінің орны, экскурсия жетекшісінің портфелі. Практикалық сабақтың мазмұны: Әрбір экскурсияның өзінің белгілі бір тақырыбы мен мақсаты болады- бұл оның негізінде жатқан, көрсету мен әңгімелеуге арқау болатын дүние. Ол экскурсиялық нысандарды іріктеу үшін критерий болып табылады, экскурсия жетекшісі әңгімесінің, әсіресе ауқымды ақпараты бар және бірнеше әр түрлі экскурсияға енгізуге болатын көп жоспарлы нысандарды көрсеткен әңгіменің мазмұнын ашып көрсетеді. Ескі қаланың архитектурасы, осы қалада өмір сүрген әдебиетшілердің шығармашылығы, қаланың аса маңызды көшелерінің бірінің тарихы, архитектуралық ескерткіштер арқылы көрсету, даланың емдік щөптері, қаланың жасыл алқасының экологиялық жағдайы , оның экономикалық дамуы және т.б. экскурсия тақырыбы болуы мүмкін. Тақырып көп жағдайда экскурсия атауының өзімен ашылып тұрады, сондықтан атаудың нақты, анық, экскурсияға қатысушылардың естерінде қалатындай болуы маңызды. Экскурсияның атауын анықтаған кезде төмендегілерден қашуға тырысу керек: - тақырыпты жауапкершіліктен айыратын әртүрлі дара сөз орамдарын қолданудан; - қысқарған сөздерді пайдалану; - жағымсыз байланысты туындатуы мүмкін шет тілдерінің сөздерін қолданудан. Экскурсияның атауына қойылатын жалпы талаптар болып келесілер саналады: даралық, нақтылық, бейнелілік, есте сақтау мен айтудың жеңілдігі, әуезділігі, жағымсыз байланыс тудыратын түсініктердің болмауы, мазмұндық мәні. Мақсат –бұл бір нәрсеге ұмтылу, бір нәрсеге қол жеткізуге тырысу. Дұрыс қалыптастырылған мақсаттың экскурсияны ұйымдастыруда да, сол сияқты ары қарай экскурсияны өткізуде де маңызы өте зор. Экскурсия кезінде әр түрлі себептерге байланысты көрсетілген нысандырдың бірін жіберіп алуға болады, бірақ қандай да бір мақсатқа қол жеткізуге ұмтылмастан экскурсияны жүргізуге болмайды. Экскурсия барысында көрсетілетіндер мен айтылатындардың барлығы мақсатқа бағынады. Экскурсияның мақсатттары болуы мүмкін: сол елдің мәдениетінің ерекшеліктерімен, әдет-ғұрыптары және салт-дәстүрлерімен танысу; патриоттық тәрбие; интернационалдық тәрбие; еңбекке тәрбиелеу; эстетикалық тәрбие; экологиялық тәрбие; ел экономикасындағы қаланың жетістіктерін көрсету; көрнекті архитектордың шығармашылығымен таныстыру; өлке табиғатының ерекшеліктерімен және т.б. таныстыру. Экскурсияның даму жолы оның мәнінің өзгеруімен тікелей қабысады. Бастапқыда ол практикалық міндеттері бар серуен болды, мысалы, дәрілік шөптерді іздестіру,т.б. Бұдан кейін ол алдына ғылыми міндеттерді:мысалы, өлкетану музейлеріне арнап жәдігерлер іздестіруді,т.б.қойды. Біліктілікті арттырудың жаңа тұрпаттарын іздестіру экскурсия алдына жалпы білім беру мақсатын шығарды. Ал тәрбие жұмысын жақсартуға деген ұмтылыс экскурсияны мәдени-ағарту жұмыстарының біріне айналдырды. Сөйтіп, қазіргі таңда экскурсия сөзінің арнайы функциясы мен белгілері, өзіндік жеке-дара әдісі бар біртұтас жүйе ретінде бағаланады. Ол мазмұны жүргізу тәсілдері мен материалдарды жеткізу әдісі бойынша кемелденген және де идеялық-тәрбиелік және мәдени-бұқаралық жұмыстың келелі бір бөлігі ретінде сипатталынады [2](кесте 2) Кесте 2. Экскурсия мақсаты мен міндеттері
Экскурсия, органикалық аяқталған процестің қызметтің басқа түрлерімен-оқу, тәрбие, үгіт-насихатпен байланысты өзіндік құрылымы бар. Бір уақытта оның өзіндік спецификалық айырмашылықтары болады. Композициялық жағынан алғанда экскурсия алғы сөзден, негізгі бөлім мен қорытындыдан тұрады. Ұзақтығы бойынша алғы сөз бүкіл экскурсияның, оның тақырыбы мен түрлерінің ұзақтығына байланысты 3 минуттан 15 минутқа дейін жалғасуы мүмкін. Әрине егер экскурсия 1 академиялық сағатқа(45минут) созылатын болса, алғы сөзге уақыттың 15 минутын бөлу ақылға қонымсыз болар еді. Жаяу экскурсия туралы да дәл осылай айтуға болады. Мәліметтерді жүйелеуге арналған алғы сөз екі бөлікке бөлінеді: ұйымдастырушылық және ақпараттық. Экскурсияның ұйымдастырушылық бөлімі кәсіпорын, экскурсия жетекшісі, экскурсияның мақсаты мен міндеттері, ұзақтығы, ұзындығы, өткізу ерекшеліктері туралы мәліметтерді қамтиды. Экскурсияның ұйымдастырушылық бөлімінде экскурсия аяқталатын жер хабарланып, бағыттағы қауіпсіздік бойынша нұсқамалық жүргізіледі. Сондай-ақ экскурсиялық көлікте бір орында отыру қажеттегін, жүріп келе жатқан кезде автобустың ішінде ары-бері жүруге, шылым шегуге, ескертусіз алысқа ұзап кетуге болмайтындығын, автобусқа мініп-түскен кезде асықпай, мұқият болуларыңызды, бағдаршамның тек жасыл түсі жанған кезде ғана көшені қиып өтуді, экскурсия жетекшісінің әңгімесін бөлмеуді және өзара әңгімелеспеулеріңізді естеріңізге саламыз. жүктеу/скачать 17,21 Kb. Достарыңызбен бөлісу:
| ||||||||||||||||||||||||||||||||