Мұғалім – мектептегі басты тұлға

Мұғалім – мектептегі басты тұлға. Қай мектептің болсын, нәтижелі, жемісті жұмыс істеуі, түптен келгенде, сол оқу орнында еңбек ететін әр мұғалімнің өз міндетіне, қарым-қатынасына, көзқарасына тікелей байланысты. Мұғалім әрқашанда болашақ үшін қызмет етеді. Әр сыныпта ұстаз алдында отырған шәкірттерде сол болашаққа барар жолүстіндегі талапкерлер. Олардың әрқайсының мектеп қабырғасынан аттанып үлкен өмірге араласқанда, одан алатын орны, оған көзқарасы – өздерін оқытқан ұстаздарының берген білімінің, үлгі-өнегісінің , тәрбие тағылымының заңды жалғасы іспетті.

Ұстаздардың өз ісіне жауакершілігі, ізденгіштігі, шәкірттеріне ыстық ықлас-пейілі, кең жүректілігі – олардың өмірге құштарлығының, жастық жігер, жалынының күш-қуат алар қайнар бастауы. Сондықтан өзін, өз еңбегін құрметтейтін ұстаз өзінің алдында егеменді елдің ертеңгі ұл-қыздары отырғанын бір сәт естен шығармауы тиіс.

Педагогтың кәсіби қызметі оның мінез-құлқымен сабақтас. Бұл сабақтастықтан айырлған мақұрым қалмақ. Ал ең алдымен ұстаздың білімділігі жоғары болуы керек. Шәкірт ұстазының бойындағы барлық кемшіліктерді кешіруі мүмкін. Бірақ оның білімсіздігін кешірмейді. Әрбір мұғалім өз пәнінің білімгері болыпқана қоймай, педагогика мен психология ғылымына жетік болуы тиіс.Мұғалім бұлтсыз аспандай ашық, тұнық судай терең, жолы даңғыл, бағыты айқын адам болуы парыз. Педагогтің моральдық қасиеттерінің ең бастыларының бірі – азаматтық пен Отан сүйгіш үлгісінде көрінуі.

Ұстаз – өз халқының перзенті, өз ұлтының қозғаушы күші іспеттес шыншылдық пен адалдық- ұстаз беделінің бастау көзі.

Қай мұғалімнің болсін өз ісіне жауапкершілігі өзінің іс тәжірибесінде оқытудың озат әдіс-тәсілдерін шығармашылықпен қолдана білуімен немесе әр сабағында тыңғылықты әзірлігінен, қоғамдық еңбектегі белсенділігінен ғана емес, ең бастысы, өзіне өзі талап қоя білуінен, өз білімін үнемі жан-жақты байытып, жетілдіруге ынта-ықыласынан, жалықпайтын ізденгіштігінен айқын байқалады. Бұл орайда әр мұғалім әріптестері тарапынан қолдау, жанды көмек , пайдалы ақыл-кеңес күтеді. Өзі еңбек ететін ұжым мүшелерінен дер уақытында сүйеніш тапса, оның еңбекке ынта-ықыласы, өз ісіне жауапкершілігі арта түседі . Сондықтан қолымыздан көмек-қолдауды бір-бірімізден аямаумыз керек.