Шығыс Қазақстан облысы, Аягөз ауданы, Мамырсу ауылдық округінің 2018-2020 жылдарға арналған кешенді даму жоспары Мамырсу ауылы, 2018 ж

жергілікті Қоғамдық жиналысының

«15» наурыз 2018 жылғы

№1 хаттамалық шешімімен

1. 
   КІРІСПЕ
   

Мамырсу ауылдық округі «Сергиополь ауылдық округі» болып 1996 жылы жылы құрылған, 2007 жылы ауылдық округ және ауыл атауы Мамырсу болып өзгертілді. Ауыл шаруашылығы жерлерін қоса алғанда ауылдық округтің жалпы ауданы 186 880 га. Округ құрамына 3 ауыл кіреді: Мамырсу, Бозай, Батпақ. Ауылдық округ бойынша жалпы халық саны – 3169 адам, оның ішінде Мамырсу ауылында – 2673, Бозай ауылында – 443, Батпақта – 53 адам. Жұмысқа қабілетті экономикалық белсенді азаматтар саны 1629. Мамырсу ауылдық округінің аумағында 2 мектеп (біреуі Мамырсу ауылында, екіншісі Бозай ауылында орналасқан), 1 дәрігерлік амбулатория және 1 фельдшерлік-акушерлік пункт, мәдениет үйі және оның жанындағы кітапхана, учаскелік полиция пункті, «Қазпошта» АҚ-ның байланыс бөлімшесі ауыл экономикасының дамуына, тұрғындардың мемлекеттік қызметті алуына қолайлы жағдай тудырып отыр. Ауыл шаруашылығы құрылымдарының негізгі бағыты – мал шаруашылығы болып табылады.

2. 
   Талдау
   

Ауылдық округтің экономикасының негізгі басымды бағыттарының бірі шағын және орта бизнес, және ауыл шаруашылығы. Бүгінгі таңда ауылда 11 сауда нысаны, 62 шаруа қожалығы, 40 жеке кәсіпкер, 2 АӨК, «Ақ бота» өндірістік кооперативі жұмыс істейді. Ауыл шаруашылығындағы басымдылық мал және мал өнімдерін өсіруге бағытталған.

Ауылдық округтің экономикалық саласының бірі – ауыл шаруашылығы. Округ аумағында 62 шаруашылық, 2 ауыл шаруашылық өндірістік кооперативі, 1 өндірістік кооператив мал өсірумен, мал өнімдерін өндірумен айналысады. Шаруа қожалықтарында және ауылдың қосалқы шаруашылығында барлығы 5072 бас ірі қара, 2170 бас жылқы және 8219 ұсақ мал, 1755 үй құстары тіркелген.

Аудан орталығына жақын орналасуы ет-сүт өнімдерінің нарығына сұранысты арттырады, сондықтан ауыл шаруашылығының өнімдерін өндіру мүмкіндіктері бар. Ауылдық округ бойынша мал шаруашылығы саласының қожалықтарына қажетті орын - 2 мал сою пункті бар.

Мал шаруашылығы саласы фермерлерінің жаңа технологияларды қолдануға бейімдеу және білімдерін жетілдіру, тәжірибе алмастыру деген сияқты шаралар жүргізілу қажеттілігі де бар.

Мамырсу ауылында құс шаруашылығы дамымаған сала. Дегенмен құс шаруашылығы - мал шаруашылығының ең тез жетілетін, әрі тиімді бір саласы. Бұл саланың өркендеуіне тиісті жағдайлар жасалса, аса қысқа уақыттың ішінде еңбекті де, азықты да, қаржыны да аз жұмсап, жұғымдылығы жоғары өнім - етті және жұмыртқаны жылдың төрт мезгілінде де көп мөлшерде өндіруге болады.

Осы артықшылықтарына байланысты құс өсірудің экономикалық жағдайлары мал шаруашылығының басқа салаларының экономикалық жағдайларына қарағанда едәуір тиімді болып табылады. Құстан ет және жұмыртқа алу үшін өсіргенде оған жұмсалған қаржы сиыр етін өндіруге жұмсалатын қаржыдан 8-9 есе тез өтеледі.
ШАҒЫН ЖӘНЕ ОРТА БИЗНЕС

Ауылдық округте 40 жеке кәсіпкер тіркелген. Тойхана, шеберхана, көлік жөндеу цехы, наубайхана, азық түлік дүкендері, такси қызметі бойынша шағын бизнес нысандары бар. Шағын бизнестің қарқынды дамуына аудан орталығы Аягөз қаласына жақын орналасуы да әсер етіп отыр.

• 
  шаруа қожалықтары, мал шаруашылығы өнімдерін өндірушілер мемлекеттік қолдауларды тиімді пайдаланулары қажет
  
• 
  Ауылда малдың ет-сүт, құс өнімдерін өңдеуді дамыту – ет және ет өнімдері, сүт және сүт өнімдері, құс және құс өнімдерін өндіру арқылы ауыл шаруашылығы өнімінің қосымша құнын арттыру
  
• 
  Аягөз қаласының сауда нүктелерінде Мамырсу ауылдық округінің ет-сүт өнімдерін өткізу ауыл бизнесінің экономикаға қатысу тетіктерін әзірлеу болып табылады
  

Мамырсу ауылдық округінде жалпы білім беру мекемелері Мамырсу ауылындағы «С. Ғаббасов атындағы ЖББОМ» КММ мен Бозай ауылындағы «Сергиополь ЖББОМ» КММ - мен ұсынылған. Мектептерде оқу екі маусымда ұйымдастырылған. Материалдық-техникалық базалары толықтай талапқа сай қамтылған, интернетке қосылған.

Мамырсу ауылында дәрігерлік амбулатория, Бозай ауылында фельдшерлік – акушерлік пункт ауыл тұрғындарына қызмет етуде. Отбасылық дәрігерлік амбулаторияда 1 терапевт дәрігер, 1 жалпы тәжірибелік дәрігер және фельдшерлік – акушерлік пунктті қоса алғанда 10 орта буынды мамандар қабылдау жүргізеді. Заманауи жабдықтармен қамтамасыз етілген. Амбулаторияда жоқ мамандарға пациенттер Аягөз қаласының аудандық емханасына жолданады. 1 жедел жәрдем көлігі бар.

Ауылда материалдық-техникалық базасы музыкалық аппаратурасымен жабдықталған мәдениет үйі және ауыл кітапханасы бар.

Ауыл ішінде жаңа спорт кешені бар. Мұнда балаларға волейбол, футбол, шахмат, тоғызқұмалақ, қазақша күрес спорт секциялары және әр түрлі спорттық іс – шаралары ұйымдастырылады. Мамырсу ауылында «Қазығұл мешіті» орналасқан.
ЖҰМЫСПЕН ҚАМТУ ЖӘНЕ ӘЛЕУМЕТТІК ҚОРҒАУ

Мамырсу ауылдық округі бойынша барлығы 390-нан астам адам әртүрлі деңгейдегі зейнетақы мен жәрдемақыларын алып отыр. Әлеуметтік қорғау бағдарламаларына қатысуға және қолдау алуға жағдай толық бар.

Мамырсу ауылдық округінде қоғамдық қауіпсіздік және құқықтық тәртібіне жауапты учаскелік полиция қызметкері бар, ол арнаулы көлігімен қамтамасыз етілген.

• 
  Кудерин – Ғаббасов көшелерін жарықтандыру
  
• 
  Мамырсу ауылын абаттандыру Street Workoot
  
• 
  Өңірлерді дамыту
  

Ауылдық округ тұрғындарын электр энергиясымен қамтамасыз ету «ШҚ АЭК» АҚ Аягөз электр желілері арқылы жүзеге асырылып отыр. Мамырсу, Бозай, Батпақ ауылдарының тұрғындары 100 % тоқпен қамтылған.

Мамырсу ауылдық округіндегі байланыс және коммуникациялармен Казахтелеком АҚ қамтамасыз етеді. Ұялы байланыс операторларының да қызметі 100 % қамтылған. Интернет байланысымен қамту 80%-ды құрайды. Мамырсу ауылында «Қазпошта» АҚ-ның байланыс бөлімшесі жұмыс істейді. Тұрғындарға жергілікті және республикалық басылымдарға жазылу және жеткізуге жағдай жасалған.

Интернет жылдамдығы жақсы, жұмыс жасауға кедергі туғызбайды. Теле - 2 ұялы байланыс базалық станциясы бар. Мамырсу ауылында орналасқан пошта бөлімшесі жеке ғимаратта орналасқан, бірақ күрделі жөндеуді қажет етеді.
Көліктік қолжетімділік және ауыл ішілік жол

Мамырсу ауылы аудан орталығынан 5 км, ал облыс орталығынан 315 км қашықтықта республикалық автотрассасының бойында орналасқан. Ауыл жолдарының жалпы ұзындығы 7,8 шақырым. Жолдардың жағдайы – қанағаттанарлық. Ауылдың Көшкімбаева – Ғаббасов көшелерінің жолдарына орташа жөндеу жұмыстары жүргізілген.

Ауылдағы жол жиектеріне ескерту, шектеу белгілері орнатылған.

Қысқы уақытта жолдарды «Аягөз жолдары» мекемесі қардан тазартып отырады.

Ауылдық округ тұрғындары аудан орталығына қатынау үшін тасымалдаушылардың (такси) қызметтерін пайдаланады, Мамырсу ауылынан аудан орталығы Аягөз қаласына қоғамдық тасымал қызметі – автобус жүреді.
Абаттандыру және экология

Мамырсу ауылында мәдени-демалыс орындары саябақ, балалардың ойын алаңдары, тротуарлар бар. Мамырсу ауылдық округінде абаттандыру маңызды мәселелердің бірі болып табылады. Жергілікті бюджеттен ауылды абаттандыруға және көгалдандыруға қаржы бөлінеді, жасалған жұмыстың сапасы тұрғындардың көңілінен шығып отыр. Ауылда малдардың жайылуы үшін табын ұйымдастырылған, иесіз қаңғыған иттер жоқ. Көше аттары берілген, үйлер нөмірленген. Ауылды көгалдандыруға тұрғындарды тарту үшін «Ең жасыл көше» немесе «Ең үздік аула» деген сияқты әр түрлі байқаулар ұйымдастыру ұсынылады.

• 
  ауылды абаттандыру бойынша одан әрі жұмыстар жүргізу – парк, балалар алаңдарын, көшелерді жарықтандыру, көгалдандыру, селден қорғау құрылғылары
  
• 
  Ресурстарды үнемдеу, ауылды абаттандыру, ауылдағы инфрақұрылымдық жобалардың жобалануын және іске асырылуын қоғамдық бақылау мәселелеріндегі ауыл тұрғындарының қоғамдық белсенділігін арттыру
  

Бәсекеге қабілеттілігі жоғары шағын және орта бизнесі дамыған қызмет саласы бар және ет –сүт өнімдерін өндіру жолға қойылған, жоғары жұмысбастылық орын алған ауылдық округ.

Ауылдық округ - ауылға жақын орналасқан аудан орталығы Аягөз қаласындағы сауда нүктелерінде, жәрмеңкелерінде сапалы ауыл шаруашылық өнімдерін шығаруда.

Елді мекеннің тұрғындары әлеуметтік инфрақұрылымның барлық қызметтерімен қамтылған. Балаларды мектепке дейінгі мекемелер қызметтерімен және мәдениет үйіндегі үйірмелермен, спорт кешеніндегі секция қызметтерімен қамтамасыз етілген. Ауылдың балаларының жабдықталған жайлы мектептерде оқуға мүмкіндігі бар.

Ауылдың халқы заманауи жабдықпен қамтылған медициналық мекемелерге бару қол жетімділігіне ие, мәдени-тынығу қызметтері дамыған, саябақтар, балалар алаңқайлары сияқты бұқаралық демалыс орындары бар. Мамырсу – сумен, ауыл ішілік жолдарымен, ауыл ішінде де, ауылдан тыс жерде де қоғамдық көліктік қатынаспен қамтылған, жарықтандырылған және абаттандырылған көшелері, саябақтары, тынығу орындары бар өмір сүруге қолайлы жағдайлар жасалған ауылдық округ.

2. 
   Мақсаттар және басым бағыттар
   
   1. 
      Шағын және орта бизнес
      

Шағын бизнес бірінші кезекте қызметтер нарығы. Бұл тұрмыстық және сервистік қызметтер, сонымен қатар бөлшек сауда саласы. Әкімдіктің шағын бизнесті қолдаудың мәні мемлекеттік қолдау шараларына ие болуға жәрдемдесу, ауыл халқын шағын бизнес негіздеріне оқытуға жәрдемдесу болып табылады.

1-ші басым бағыт. Ауылдағы шағын және орта бизнестің одан әрі дамуын ауылдағы шағын және орта бизнестің өндіріс көлемдерін, ШОБ жұмыспен қамтылғандар санын арттыру арқылы қолдау
Міндет:

Келесі бағыттар бойынша ШОБ одан әрі дамуы:

• 
  Қызмет көрсету саласы (тұрмыстық)
  
• 
  Кәсіпкерлердің әлеуметтік жауапкершілігінің дамуы
  

1. 
   ші басым бағытқа жету индикаторлары:
   

• 
  мемлекеттік бағдарламаға қатысып, қолдау алған кәсіпкерлер саны
  
• 
  жаңа кәсіпкерлер санының артуы, соның ішінде жастар
  
• 
  әлеуметтік жауапкершілігі жоғары кәсіпкерлер саны
  

2. 
   Экономика және ауыл шаруашылығы
   

Мал ұстайтын шаруа қожалықтары болғандықтан, барлық күштерін ауыл шаруашылығында ауданның нарықтарына бағыттап, ет және сүт өнімдерін шығаруды ұйымдастыруға жұмылдырылғаны жөн.

Міндет:

• 
  көкөніс өнімдерін өндіруді ұйымдастыру
  
• 
  ет өнімдерін өндіруді дамыту
  
• 
  сүт және сүт өнімдерін өндіруді дамыту
  
• 
  ауыл шаруашылығы саласы бойынша өзге өңірлердегі озық тәжірибелермен алмасу
  
• 
  мемлекеттік бағдарламаларды кеңінен насихаттау және қатысуға қолдау көрсету
  
• 
  Мал шаруашылығы саласының ветеринарлық қауіпсіздігін қамтамасыз ету бойынша.
  

1-ші басым бағытқа жету индикаторлары:

• 
  Ауылда өндірілетін көкөніс өнімдерінің көлемдерін ұлғайту
  
• 
  өндірілетін сүт өнімдерінің көлемін ұлғайту
  
• 
  өндірілген ет өнімдерінің көлемдерін ұлғайту
  
• 
  ауыл шаруашылығында пайдалануға бөлінген жерлер көлемін ұлғайту
  
• 
  шаруа қожалықтар кооперативтерінің санын арттыру
  
• 
  мемлекеттік бағдарлама бойынша қолдау алған шаруа қожалықтары мен кооперативтер
  

Стратегиялық мақсатқа Мамырсу ауылдық округінің әкімшілігі, комммуналдық мекемелер және ауыл тұрғындары арасындағы бірлескен және үйлестірілген қызмет есебінен қол жеткізілетін болады. Бұл ретте, аталған барлық мүдделі тараптар айқындаған жобалардың іске асыру басымдығы болады. Осындай әріптестіктердің арқасында жергілікті халық ауылдық округті инженерлік инфрақұрылымдармен қамтамасыз етудегі ең маңызды және басым проблемаларды айқындауға және олардың шешімін іздестіруге қатысатын болады. Әкімдік белсенді тұрғындармен бірлесіп, қолда бар ресурстарды оңтайлы пайдалану, инфрақұрылым саласындағы жобалардың іске асырылуын қоғамдық бақылаудың тиімділігін көтеру, халықтың өз елді мекенін абаттандыруға деген қызығушылығын арттыру мәселелері бойынша ауылдық округ тұрғындарының арасында үгіттеу іс-шараларын өткізетін болады.

Жоспарланған кезеңде ауыл тұрғындарының алдында ауыл ішілік жолдарды жөндеу және жаңа жолдар салу және көліктік қолжетімділікті арттыру, абаттандыру, кәріз жүйесі, көшелерді жарықтандыру, экология бойынша проблемалар өзекті күйінде қала бермек.

Жоспарланған кезеңде стратегиялық мақсатқа жету үшін, жұмыс мына басым бағыттар бойынша жүзеге асырылатын болады:

Міндет: 1-басым бағытты іске асыру бойынша жұмыс:

• жолды жөндеу және жаңаларын салу есебінен ауылдық округтегі автожолдарды одан әрі дамыту арқылы жүргізіледі
1-басым бағытқа қол жеткізу индикаторы:

• Ауыл ішіндегі жақсы және қанағаттанарлық жай-күйдегі автомобиль жолдарына асфальт, қатқыл табанды және қара жол төселген.

Міндет: 2-басым бағытты іске асыру бойынша жұмыс:

• Жүргізілген су құбырлары желісі арқылы ауыз сумен толық қамтамасыз ету арқылы

• 
  Су кәріздері желілерін салу арқылы ауылдың жайлылығы мен экологиясын жақсарту арқылы
  

• 
  Халықты орталықтандырылған сумен жабдықтаумен қамту
  
• 
  Мамырсу ауылын кәріз жүйесіне қосу
  
• 
  Ауыл тұрғындарының жергілікті коммуналдық қызметіне қанағаттанушылық деңгейінің өсуі
  
• 
  Апаттық жайлардың орын алмауы
  

Ауыл тұрғындарын электр энергиясымен қамтамасыз етудің жоғары сапасына қол жеткізу

Міндет: 3-басым бағытты іске асыру бойынша жұмыс:

• 
  Электр энергия трансформаторларын жаңғырту
  
• 
  электр беру желілерін жөндеу
  
• 
  энергия үнемдейтін технологияларды енгізу жөнінде іс-шаралар өткізу
  

4-басым бағытқа қол жеткізу индикаторлары:

• 
  Трансформатор қуатын 100%-ға дейін көтеру
  
• 
  электр энергиясымен қамтамасыз ету, желілер мен трансформаторларға қызмет көрсетудің сапасын 100 % ға арттыру
  

• 
  ауыл тұрғындарының мәдени-демалыс орындарын (парктер, балалар алаңдарын және басқаларын) жайлылығы мен қауіпсіздігін қамтамасыз ету үшін іс шаралар ұйымдастыру арқылы
  
• 
  дренаждық арықтар салу
  
• 
  көгалдандыру, ауыл көшелерін абаттандыру
  
• 
  «С. Ғаббасов ЖББОМ» КММ жанынан автокөлік жолына жасанды кедергілерді орнату
  
• 
  жобаланып және іске асырылып жатқан жобаларды қоғамдық бақылауды арттыру арқылу
  
• 
  қоғамдық қауіпсіздікті қамтамасыз ету және құқық бұзушылықтың алдын алу үшін жолдағы кедергілермен қамтамасыз ету арқылы
  
• 
  тұрғындарды абаттандыруға тартуға бағытталған түрлі конкурстарды өткізу арқылы халықты ауылдық округті абаттандыру үдерісіне тарту
  

4-басым бағытқа қол жеткізу индикаторлары:

• 
  көгалдандырылған көшелердің үлесі 60% құрайды
  
• 
  Ауылдық округ тұрғындарының жаңа парктер мен қоғамдық орындарды пайдалануға қанағаттанушылық деңгейі 100%-ға дейін өседі
  
• 
  Тротуарлармен қамтамасыз етілген көшелердің үлесі 50% құрайды
  
• 
  Жаңадан салынған балалар алаңдарының саны және қанағаттанушылық деңгейінің өсуі
  
• 
  Конкурсқа қатысқан көше, аула санының өсуі
  

Міндет: 5-басым бағытты іске асыру бойынша жұмыс:

• 
  Байланыс операторларының қызметін жақсарту іс шараларын ұйымдастыру арқылы
  

• 
  Байланыс операторлары желілердің жұмысын күшейту үшін қосымша қондырғыларын орнату
  

жетімді, сапалы әлеуметтік қызметтер және жағдайларды қамтамасыз ету

Өткізілген талдауға сәйкес аумақтың білім беру (мектептік), спорт пен мәдениет және денсаулық салаларын жақсарту басым бағыты болып табылады. Аталмыш салалардағы жақсартулар ауылдың әлеуметтік тұрақтылығын қамтамасыз ету үшін қажет.

Әрине, ауылдың барлық осы мәселелерді шешу үшін жеткілікті қорлары жоқ. Өңірлерді дамытуға және әлеуметтік қызметтер сапасын жақсартуға (мысалы, денсаулық сақтау және білім беру саласында) арналған мемлекеттік бағдарламаларды іске асыруға белсенді қатысу, сонымен қатар үкіметтік емес ұйымдар және бірлестіктердің қорларын тарту қажет.

Осы себептермен атталмыш саланың дамуы келесі бағыттарда шоғырланатын болады:

Міндет: 1-басым бағытты іске асыру бойынша жұмыс:

• 
  С. Ғаббасов орта мектебіне математика кабинетін алу
  
• 
  С. Ғаббасов орта мектебіне химия кабинетін алу
  
• 
  С. Ғаббасов орта мектебіне робототехника кабинетін алу
  
• 
  С. Ғаббасов орта мектебінің жанындағы шағын орталыққа қажетті құрал-жабдықтар алу
  
• 
  Сергиополь орта мектебін ағымдағы жөндеуден өткізу
  
• 
  Сергиополь орта мектебіне химия кабинетін алу
  
• 
  Білім саласы мекемелерін мамандармен қамтамасыз ету
  

• 
  Ауылдық округтегі оқушы орнының тапшылығын 0% ға дейін қысқарту
  
• 
  2-тен 6 жасқа дейінгі балаларды мектепке дейінгі қызметтермен қамту
  
• 
  білім саласының мамандар тапшылығын 0% ға дейін қысқарту
  

Спорт, мәдениет салаларын дамыту арқылы ауылдық округ тұрғындары айналысуы үшін қолжетімділікті қамтамасыз ету

• Мәдениет және спорт мекемелерінің материалдық – техникалық базасын дамыту

• мәдениет және спорт саласы мекемелерін мамандармен қамтамасыз ету

• 
  Дене шынықтырумен және спортпен шұғылданатын азаматтардың саны 30% өсті
  
• 
  Ауылдық округтің білім мекемелерінің, спорт алаңдарының заманауи спорт құралдарымен 100 % қамтамасыз етілген
  
• 
  Балалар мен жастардың шығармашылығы мен қабілетін дамытатын мәдениет үйінің, спорт мектебінің қызметімен қамтылған ауыл балалар саны 30% өсті
  
• 
  Спорт түрлері бойынша қолжетімді спорт секциялары мен кешендерінің желісін кеңейту
  
• 
  Бала ойнайтын қауіпсіз алаңқайларды пайдаланатын ата-аналар мен бала саны артты
  

• 
  медициналық қызмет алу мүмкіндігін кеңейту
  

• 
  ауыл тұрғындары заманауи талабына сай медициналық қызметпен қамтылған
  
• 
  медициналық қызмет көрсету орталықтары білікті мамандармен қамтамасыз етілген
  

• 
  Жедел жәрдем қызметі ауыл тұрғындарына қол жетімді
  

• 
  Жұмыспен қамтуды, әлеуметтік көмектің және әлеуметтік қызметтер көрсетудің тиімділігін арттыру
  

• 
  Жұмыссыздық деңгейі төмендейді
  
• 
  Әлеуметтік қызметтер көрсетіледі
  

• 
  Қоғамдық тәртіпті арттырып, Мамырсу ауылындағы «С. Ғаббасов ЖББОМ» КММ жанынан жасанды кедергілерді орнатып, тұрғындардың қауіпсіздігін көтеру
  

• Ауыл ішінің жолдарының қауіпсіздік деңгейі 100 % артты

• Ауылдық округта жол көлік оқиғасынан зардап шеккендер 0 % төмендеді

• 
  Тәртіп бұзушылық 100 % төмендеді