Қазақстанның Қызыл кітабы – Қазақстан Республикасы
аумағында жойылып кету қаупі бар және сирек кездесетін жануарлар мен
өсімдіктердің сипаттамасы берілген арнайы басылым. Бұл кітапқа сирек
өсімдіктер мен жануарлар түрлері, аң-құстар, жәндіктер тізімі енген.
Қызыл кітапқа барыс, аққу, бүркіт, бірқазан, тырна, қызыл қасқыр,
т.б. аңдар мен құстар кіреді. Солардың ішіндегі барыс – Қазақстандағы ең
үлкен жабайы мысық. Саны 200-ден аспайды.
14-жаттығу. Сөздерді пайдаланып, сөйлемдерді толықтырыңыздар.
Ақбөкен, киік – бөкендер туысына жататын, тұлғасы ірі, қойға
ұқсас, дөңес тұмсықты, түз ... .
Үкі – орманды мекендеп, жемін көбіне түнде аулайтын ... құс. Басы
үлкен, ... бақырайған, қауырсындары жұмсақ.
Қызыл ... енген жан-жануарлар мен аң-құстар, өсімдіктерді сақтау –
біздің міндетіміз.
