Синтопиясы.Алдыңғы жағынан несеп қуығымен,артқы жағынан тік ішекпен байланысып жатыр.
Құрылысы. Жатырдың жоғарғы жағы — Жатыр денесі немесе Жатыр түбі, төменгі жағы Жатыр мойны деп аталады. Жатыр денесі: сыртқы — сір, ортаңғы — бұлшық етті, ішкі — шырышты қабаттардан, ал Жатыр мойны қынаптан және мойын өзегінен тұрады. Жатырдың сір қабығы іш перденің бір бөлігі, Жатырдың алдыңғы және артқы жағын жауып жатады; бұлшық етті қабатының әйел босанған кезде маңызы зор, оның жиырылу қасиетінің салдарынан нәресте босану жолдарынан тез өтеді; Жатырдың шырышты қабатында етеккір айналымының барлық циклдік өзгерістері өтеді. Шырышты қабатқа енген ұрық, тоғыз ай бойы ана организмінен тиісті қоректік заттарды плацента арқылы алып, өсіп жетіледі.
Қызметі.Жатыр көбею және етеккір қызметтерін атқарады.
Қанмен қамтамасыз етілуі.Жатырды ішкі мықын артериясының тармақтары-жұп жатыр артериясы,a.uterina қанмен қамтамасыз етеді.
Нервтенуі.Жатырды төменгі құрсақасты өрімнің ішкі мүшелік жамбас нервтері нервтендіреді.
