2-БИЛЕТ 1. Обербек маятнигінің көмегімен айналмалы қозғалыс үшін динамика заңдарын зерттеу әдісі туралы айтыңыз.Мақсаты: Бұрыштық үдеудің күш моментіне эксперименталдық тәуелділігін алу және маятниктің инерция моментін динамикалық әдіс арқылы анықтау.Құрал-жабдықтар:Обербек маятнигі, секундомер, сызғыш, жүктер жиынтығы.ҚОНДЫРҒЫНЫҢ СИПАТТАМАСЫ ...Қондырғының негізгі бөлігі О осі бойында азғантай үйкеліспен қозғала алатын, крест түріндегі маятниктен тұрады (суретке қара). Крестовиналық таяқшаларға (стерженьдерге) массасы қозғалмалы цилиндрлер орнатылған. Крестовиналық осьтің біреуіне r радиустары әртүрлі 1 және 2 шкивтер орналастырылған. Маятникті қозғалысқа келтіру үшін шкивтің біреуіне оралған және 4 блок арқалы тасталған жіптің ұшына 5 массасы m жүк ілінген. Жүктің h қашықтықты жүріп өтуін секундомермен өлшейді. Бастапқы жағдайда маятникті электромагнит ұстап тұрады. Секундомердің «Пуск» пернесін басқанда электромагнит ажыратылады, жүк қозғала бастайды және онымен бір мезгілде секундомер іске қосылады. Жүк соңғы жағдайға келгенде секундомер көрсеткіші тоқтайды. Секундомер іске қосылуы үшін, қондырғыдағы винттің көмегімен жүк белгіленген шеңберге түсетіндей орналастыру керек. Бұл шеңбердің астында секундомерді өшіретін датчик орнатылған.h қашықтық қондырғының жоғары бөлігінде орналасқан сызғыш арқылы өлшенеді, ол қондырғыдағы жүктің бастапқы орнын көрсетеді.
