3. Ұйым қызметінің тиімділігін және іскерлік белсенділігін талдау
3)Кәсіпорын қызметінің тиімділігін қамтамасыз ету үшін оның іскерлік белсенділігін дұрыс басқару қажет. Іскерлік белсенділікті басқару дегеніміз қолданылатын ресурстарды үнемдеп және шығындарды азайта отырып, өнім өндіру (көрсетілген қызмет, атқарылған жұмыстар) өндіру көлемін арттыруға байланысты іс-шараларды қолдану. Алайда, шығындардың азаюы шығарылатын өнімнің сапасына әсер етпеуі қажет. Ол өз кезегінде кері нәтижеге алып келуі мүмкін.
Сапасы төмен өнімге деген сұраныс төмендейді, сәйкесінше, сату көлемі де төмендейді. Яғни, іскерлік белсенділікті басқару бар нарықты кеңейту және жаңа сату нарықтарын жаулап алу; жаңа шикізат пен материал жеткізушілерді тарту; материалдық-өндірістік корларды оңтайландыру; активтер мен капиталдың айналым жылдамдығын арттыру; пайдаланатын ресурстар тиімділігінің төмендеуіне ықпал ететін сыртқы және ішкі факторлардың әсерін жою; кәсіпорын қызметінің рентабельділігін арттыру мақсатында белгілі бір шаралар қолдану.
