Инфекциялық процестің өзіндік түрі инаппарантты инфекция болып табылады. Аурудың осындай түрі кезінде микро- және макроорганизмде өзара әсерлесуіне байланысты клиникалық симптомдары болмайды, бірақ-та тропты мүшеде (немесе мүшелерде) өзіне тән морфологиялық өзгерістер байқалады, ал қан құрамында арнайы антиденелер жиналады.
Персистентті инфекция
Микро- және макроорганизмнің өзара әсерлесуінің нәтижесінде персистентті инфекция болуы мүмкін. Бұл өз мағынасы бойынша қатерсіз ағымдағы созылмалы жұқпалы ауру. Инфекцияның осындай түрі жиі вирусты гепатит В, ұшықтық инфекцияларда, цитомегалия, іш сүзегі және т.б. жұқпалар кезінде кездеседі.
Қызылша вирусының персистенттілігін зерттеу өзекті мәселе болып табылады.
Персистентті инфекция әдетте балалардың жасушалық және гуморалдық иммунитетінің депрессиялық жағдайдаларында қалыптасады, сонымен қатар вирустардың және бактериялардың L-формасы типі бойынша микроорганизмдердің ақаулы бөлшектерінің репродукциясымен байланысты болуы мүмкін.
