1. ХХ ғасыр басындағы Қазақстанның халықы ұлттық құрамы
Н.Ә.Назарбаевтың «Әлем. ХХІ ғасыр» Манифесі және оның маңызы
жүктеу/скачать 384,23 Kb.
|
1. ХХ ғасыр басындағы Қазақстанның халықы ұлттық құрамы-emirsaba.org
| 85. Н.Ә.Назарбаевтың «Әлем. ХХІ ғасыр» Манифесі және оның маңызы
Америка Құрама Штаттарының астанасы – Вашингтон қаласында өткен Ядролық қауіпсіздік жөніндегі саммит аясында Қазақстан Республикасының Президенті Нұрсұлтан Назарбаевтың «Әлем. ХХІ ғасыр» манифесі жарияланған болатын. Бұл манифест Қазақстан басшысының Карнеги қорының штаб-пәтерінде АҚШ-тың қоғам және саяси қайраткерлерімен өткен кездесуі кезінде жан-жақты талқыланған еді. «Әлем. XXI ғасыр» манифесінде Қазақстан Республикасының Президенті мемлекет басшылары мен саясаткерлердің, адамзаттың болашағы үшін зор жауапкершілікті арқалап отырғандықтарын, болашаққа бастар бейбітшілік жолында ел сенімін абыроймен атқару қажеттігін, бұл үшін нақты істерге көшетін уақыттың жеткендігін баса айтты. Елбасы Нұрсұлтан Назарбаев айтқандай «Әлем. XXI ғасыр» Манифесі өскелең ұрпақтың болашағына деген алаңдаушылықтан, уайымнан туындап отыр. Қазақ халқының ядролық сынақтан көрген қиындықтарын басқа халықтың басына бермесін! Президент Назарбаевтың Манифесі адамзатты бейбіт болашақ үшін ақылпарасатқа жүгінуге итермелейді. Өйткені, жаппай қарулану, ядролық қаруға ұмтылу - түптеп келгенде адамзат баласының түбіне жетуі мүмкін. Айта кетелік, Қазақстанның осы бағыттағы нақты іс-әрекеттері 2015 жылы 7 желтоқсанда БҰҰ Бас Ассамблеясының ядролық қарудан азат әлем орнату туралы Жалпыға бірдей Декларация қабылдауына септігін тигізгені белгілі. «Екі тарихи құжат – Мемлекет басшысы Нұрсұлтан Назарбаевтың «Әлем. XXI ғасыр» Манифесі мен 1991 жылы 29 тамызда қол қойған «Семей ядролық сынақ полигонын жабу туралы» Жарлығы, Қазақстанның бірізді бейбітшіл саясатының бірыңғай алгоритмі іспеттес! Біздің ел осыдан аттай 25 жыл бұрын ядролық қарудан ерікті түрде бас тартып, «ядролық шабадансыз-ақ» халықаралық ынтымақтастық моделін жемісті түрде қалыптастыруға болатындығын көрсетіп берді. Тәуелсіз Қазақстанның ширек ғасырлық тарихы бұған айқын дәлел бола алады», – деді ҚР Президенті Архивінің директоры. Оның айтуынша, Семей ядролық сынақ полигонын жабу оңайға түспеген. Бұған Қазақстан Республикасы Президенті Архивінде сақтаулы құнды құжаттар дәлел. Манифестің соңында Елбасы: «Көптеген тар жол, тайғақ кешуден өткен адам, саясаткер ретінде, Семей ядролық полигонын жабу туралы күрделі шешім қабылдаған мемлекет қайраткері ретінде мен әлемдік лидерлер мен бүкіл халықаралық қоғамдастыққа ақыл-парасатқа жүгініңдер деген табанды талаппен қайрылып отырмын. Адамзатты ажал сепкен соғыс қатерінен мүлде арылту үшін қолымыздан келгеннің бәрін жасауымыз керек. Біз үшін қазір және таяу болашақта бұдан көкейкесті міндет жоқ»-деп сөзін түйіндеді. жүктеу/скачать 384,23 Kb. Достарыңызбен бөлісу:
|