2. Тапсырма.Зерттеу жұмысын жүргізу тақырыбы бойынша анкета құру.
Әдістемелік нұсқау.Әрбір студент жеке дара диплом жобасының тақырыбы бойынша анкета дайындап ұсынады. Құрастырылатын анкета тақырып бойынша қысқа және нұсқа 10 сұрақтан аспауы тиіс. Сұрақтарды кестеге салып жинақтап, ықшамдап жазған жөн. Анкетаның құрылымы 3 бөлікті қамтуы тиіс. Бірінші бөлігі – кіріспе бөлімі (анкетаның құрылу мақсаты, не үшін жүргізілуде, кімдер жүргізіп жатқандығы туралы ақпарат беріледі), екінші бөлігі – негізгі бөлім (зерттелетін мәселе бойынша басты сұрақтар қарастырылады), үшінші бөлігі – реквизиттік бөлім (респондентің аты-жөні, жынысы, жасы, табысы т.с. сұрақтарды қамтиды). Анкета сұрақтары 12 шрифтпен жазылып, 2-3 беттен аспауы тиіс. Осы форматта әзірленген анкетаны студент ZOOM платформасында қорғайды.
