Негізгі бетті - ойынның әрбір сайысына арналған парақты ашу үшін пайдаланылатын мәзір ретінде қолданатын боламыз. Алдымен бұл бетті тақырыпқа сай безендіреміз. Безендіру үшін Ресурстар Кітапханасын пайдаланамыз.
Ойын аты мен сайыс турларының тақырыбын жазу үшін Мәтін құралын пайдаланамыз.
Әрбір тур тақырыбын шерткен кезде сәйкес тапсырмалар дайындалған парақтар ашылу керек. Ол үшін объектіге сілтеме тағайындау мүмкіндігін пайдаланамыз.
Флипчартқа дыбыс қосу мүмкіндігін пайдаланып, ойын аяқталғанша ойналатын әуенмен сүйемелдейміз.
2-бет. «Бәйге» сайысына арналған сұрақтар
«Бәйге» сөзіне шертсек, осы сайысқа сәйкес сұрақтар жазылған бет ашылу керек. Алдымен парақты безендіреміз: фон түсін бояп, сұрақ ретінің нөмірін көрсету үшін Ресурстар КітапханасыныңТаңбалар категориясынан қажет суреттерді таңдап, «1-сұрақ, 2-сұрақ, т.с.с.» мәтіндерін Қалам құралы көмегімен жазамыз.
Бұл бетте сұрақтар мен олардың жауаптары Мәтін құралы көмегімен жазылып, жауаптарын Қаламды пайдаланып бояймыз. Оқушылар жауап берген соң, Өшіргіш арқылы дұрыс жауапты көрсетуге болады.
