Пайда және рентабелділік. Шаруашылық жүргізуші субъектілердің пайдасының мөлшеріне әсер ететін факторлар.
Шаруашылық жүргізуші субъектілердегі қаржылық жоспарлау және жоспарлау жүйесіндегі бюджеттендіру.
1. Пайда және рентабелділік. Шаруашылық жүргізуші субъектілердің пайдасының мөлшеріне әсер ететін факторлар
Пайданың экономикалық мәні, оның көлемі мен кәсіпорын шеңберінде пайдалану шекаралары көбінесенарық жағдайындағы пайда табу ынтасының ықпалынан тәуелді болады. Меншік формасының өзі меншік иелеріне пайда көлемін арттыру бойынша шаралар қабылдауға мүмкіндік береді.
Пайдакүрделі экономикалық категория болып табылады және сыртқы көріністеөзгертілген форма белгілеріне ие болады.
Экономикалық категория ретінде пайдажалақы төлеуге қатысты кәсіпкерлер (кәсіпорындар) мен жұмыскерлер арасында, тауар айырбас операциялары бойынша кәсіпкерлердің (кәсіпорындар) арасында, бюджет және мемлекеттік орталықтандырылған қорларға қатысты кәсіпкерлер (кәсіпорындар) мен мемлекет арасында, кәсіпкерлер (кәсіпорындар) мен инвестициялық институттар арасында күрделі экономикалық қатынастарды сипаттайды.
Ақша қаражаттарының көзі ретінде пайда ұдайы өндіріс процесінің өндіріс кезеңінен тұтыну кезеңіне дейінгі барлық кезеңдерін байланыстырады.
