1билет Рефлексия

Кері байланыс – белгілі бір оқиға немесе әрекетке жауап беру, үн қату, пікір білдіру. Оқыту мен оқу үдерісінде ұсынылатын кері байланыстың түріне келетін болсақ, олар ауызша және жазбаша беріледі. Кейде смайликтер, жұлдызшалар, бас тармақ әдістері арқылы да беріліп жатады. Бұл кері байланыстардың қайсысы тиімді? Ал қайсысы тиімсіз? Бұл сұрақтарға жауап берерде кері байланыстың ұсыну мақсатын анықтаған абзал. Егер сіз оқушының жұмысына смайлик арқылы кері байланыс ұсынсаңыз, сіздің мақсатыңыз қандай? Ал егер сіздің мақсатыңыз оқушының жұмысын жақсарту болса, ал сіз оған смайлик арқылы кері байланыс берсеңіз қалай болады? Сіз ұсынған смайлик қаншалықты жұмысты жақсартуға ықпал етеді? Осы орайда «Сіз кері байланысты не үшін бересіз?», «Кері байланыс берудегі сіздің түпкі мақсатыңыз қандай?» деген сұрақ туындайды. Сонымен кері байланыс ұсынушының мақсаты әртүрлі болуы мүмкін: 1. сынау; 2. өзінің білетінін көрсету; 3. сенімін арттыру; 4. баға беру; 5. деңгейін көрсету; 6. жетілдіру; 7. ынталандыру; 8. жұмысын жақсарту үшін.