Креативті ойлау нені білдіреді?

PISA-2021 зерттеуінде [Framework..., 2018] ұсынылған тұжырымдамалық шеңберден кейін креативті ойлау инновациялық (жаңа, жаңашыл, басқаларға ұқсамайтын ерекше, әдеттен тыс, үйреншікті емес және т.б.) және тиімді (пәрменді, нәтижелі, үнемді, оңтайлы және т.б.) шешімдерге қол жеткізуге және/немесе жаңа білімді немесе тиімді (әсерлі, шабыттандыратын, ерекше, таңқаларлық және т.б.) қиялды сипаттауға бағытталған идеяларды әзірлеу, бағалау және жетілдіру процесіне нәтижелі қатысу қабілеті ретінде қарастырылады. Креативті ойлау қабілетіне пәнді білу, білімге құмарлық, өз күшіне сенімділік, мақсатқа, нәтижеге жетуді көздеу, мақсатқа жетуге ынталандыратын күш сияқты ішкі факторлар [Любарт және т.б., 2009], сондай-ақ сыртқы жағдайлар [Amabile, 1983] әсер етеді. Креативтілік дербес іс-әрекет немесе бірлесе күш-жігер жұмсаудың нәтижесінде іске асуы мүмкін.