2. Пән бойынша оқу бағдарламасы – sillabus

1. Өнер процесінің ерекшеліктері.

2. Өнер және оның дамуы.

3. Табиғи дарындылықты дамыту жолдары.

болашақ ұрпақтарды тәрбиелейтін бүгінгі студенттеріміздің бойында рухани – адамгершілік қасиеттерді жетілдіру қоғам талабы. Ол үшін И.П. Юнгер, Л.Г. Кирилюк, К.Роджерс, Спилберг, Ханин т.б. әдістеріне сүйене отырып, рухани-адамгершілік құндылықтарын өзін-өзі тану негізінде қалыптастырудың критерийлері жасалынды: Бірінші критерий:

- педагогикалық жүргізілетін шаралардың барлығы студенттің тұлғасына арналуы шарт.

- педагогикалық процесте рухани-адамгершілік құндылықтар мазмұнын кеңейту;

- студенттерді рухани дүниесін байытуда жаңа тәсілдер мен құралдардың дамуын қамтамасыз ету;

- моральдық жүйлерді тәрбие процесінде шыңдау;

Студент тұлғасының бойында рухани-адамгершілік құндылықтарды қалыптастыруға қажетті сапалар:

• 
  студенттердің моральдық жігерлік сапасы;
  
• 
  рухани-адамгершілік тәрбиені алу мақсатына талпыныс;
  
• 
  өзін-өзі бағалау және сыни тұрғыдан өзін түзетуге талпынысы;
  
• 
  өз-өзіне шынайы әділ баға беруге ұмтылысы;
  
• 
  өз қылықтарын саралап ақылға жеңдіру нәтижесінде адами қасиеттерді дамытуға ұмтылыс жасау.
  

Әлемге деген көзқарастар сапасы: барлық дүниені сүйе білу, патриотизм, ізгілік.

Студент бойындағы бұл көрсеткіштерді педагогикалық процес барысында талдау, өзін-өзі сраптау, экспертті бағалау әдістемесі арқылы анықтауға болады.

Екінші критерий- рухани-адамгершілікке тәрбиелеу барысы сыртқы орта ерекшеліктеріне тікелей байланысты. Ол келесі көрсеткіштерді қамтиды: университет ұжымының моральдық – психологиялық жай-күйі; студент жанұясының моральдық психологиялық атмосферасы; студенттердің сыртқы және ішкі қарым-қатынас шеңбері т.б. Бұл көрсеткіштер жайлы мәліметтерді бақылау әдісімен студенттің өзімен терең қарым-қатынас жасау, жанұя жағдайын ескеру, басқа психолог, педагогтардың көзқарасын есепке алу арқылы жетуге болады.

Үшінші критерий-педагогикалық шаралардың іске асуын қадағалау. Оның тиімділігін жүргізілген шараларға студенттердің қатысуы, өзіндік көзқарасы т.б. арттыруға болады.

Рухани-адамгершілік құндылықтарын студент бойында өзін-өзі тану негізінде қалыптастыру нәтижесінде студенттердің өзіндік танымы жоғарылайды, өз іс-әрекетіне сыртқы көзқарастардың ықпалына көңіл аудара отырып, өзіндік баға беру; “Мен” тұлғасын қалыптастыру; ішкі сезімдерін үнемі сарапқа салып, өзге адамға қарағандай өз “Меніне ” тереңділікпен, жан-жақты зерттеп шынайы “Мен”, өзгелер алдындағы “Мен” бейнесі, қарым-қатынас дамудағы “Мен” ұғымдарын жетілдіруге осылай интеллекті дамудың жоғары деңгейіне жету.

Нәтижесінде студенттердің өзін-өзі тануы арқылы қалыптасқан рухани-адамгершілік құныдылықтарына мыналарды жатқызуға болады:

• 
  өзінің қадір-қасиетін сақтау, (яғни кісінің кісілігін сақтап,
  

• 
  жауапкершілікті арттыру; (адал болу, ақиқатты көздеу, жалғандық, алдап-арбаудан аулақ болу);
  
• 
  батылдылық; (қорқынышты, бойындағы үрейді жеңе білу;)
  
• 
  ұстамдылық; (өзін-өзі бірқалыпты ұстау, өз ойын, сезімін, талап-тілегін, іс-қылықтарын үйлесімділікте ұстай білу;)
  

• 
  өз бойындағы жаман әдеттерден тазару;
  
• 
  қайырымды, әділ, әдепті, болу; (тән және жан сұлулығын қалыптастыру, өмірдің құндылығын сезіну, денсаулығын сақтап нығайту).
  

Біз зерттеу барысында өзін-өзі тану арқылы рухани-адамгершілік құндылықтарын қалыптастырудың жолы арқылы бүгінгі білім беру құндылықтарын түсінудің, білімді студентке игертудің субъектілік бағытталған жолдарын іске асырудың мазмұнын, әдіс тәсілдерін айқындау мақсатын көздеген болатынбыз. Өзін-өзі тану арқылы білім беруді жүзеге асырушы субъектінің Ш.А. Амонашвили, В.В. Сериков еңбектерінде тұлға ретінде өзін тану үшін, өз құндылық бағдарын таңдап алуы керек, білім әлеміне ену, ғылыми және өмірлік проблемаларды шешудің шығармашылық тәсілдерін меңгеру оның өзіндік «Мендік» рефлексивтік дүниесін ашуға ықпал етеді делінген. Осыған сәйкес зерттеушілер идеяларына сүйенсек өзін-өзі тану негізінде рухани- адамгершілік құндылықтарын танымдық, әрекет-шығармашылық және тұлғалық компоненттерді қамтуы керек болады:

-құндылық компонент студенттердің құндылықтар әлеміне бойлап, дербес тұлғалық мәнді құндылықтардың жүйесін таңдап алуына жағдай жасалады;

- танымдық компонент-студенттердің рухани-адамгершілік құндылықтарды тани отырып даму негізі ретінде адам, мәдениет, табиғат, ноосфера туралы ғылыми білімдерін қамтамасыз етеді;

- әрекет-шығармашылық компонент – студенттерде тұлға ретінде өз алдына еңбек етіп, ғылым, көркем өнер және басқа әрекет түрлерінде өз бойындағы құндылықтарды жүзеге асыруына қажетті әртүрлі әрекет тәсілдерін, шығармашылық қабілеттерін қалыптастыру арқылы жүзеге асырылады.

Біз зерттеу барысында студенттердің өзін-өзі тануы негізінде рухани-адамгершілік құндылықтарын қалыптастыру арқылы бүгінгі білім беру құндылықтарын түсінудің, білімді студентке игертуге бағытталған жолдарын іске асырудың мазмұнын, әдіс тәсілдерін айқындау мақсатын көздеген болатынбыз. Рухани- адамгершілік құндылықтарды өзін-өзі тану негізінде қалыптастыруды жүзеге асырушы субъектінің өз тұлғасын дамыту оның белсенді әрекеттерін қажет ететін орта тудыру арқылы мүмкін болады, өйткені қолайлы ортада ғана өзін-өзі тануы ішкі күй өзгерісінің қалпын түсінуі, өз жүрегіне зер салу, жаман мен жақсыны айра алу өмір құндылықтарын игеруге жол ашылады. Студенттің белсенді әрекеті қажеттіктер тудырады, сондықтан адамның өзінің субъектілік позициясы өз қажеттіліктерін қанағаттандыра алатын және оны керек ететін деңгейдегі жағдай туғызылуы тиіс.

Рухани-адамгершілік құндылықтарды өзін-өзі тану негізінде қалыптастыру білім беру үрдісіне қатысушылардың интерактивті, субъектаралық қарым-қатынасқа бағытталған әрекеттері арқылы жүргізіледі. Оның бірнеше сипаттарын анықтауға болады. Олар:

1/ ізгілік сипаты- адамды құрметтеу, оған сенім білдіру, студент пен оқытушыға деген тұтастық көзқарас және оларды дамыту бағытын мықтап ұстану;

2/ дамытушылық сипаты-университеттің үнемі дамып отыратын әлеуметтік-педагогикалық жүйесін көрсетеді, оны дамытудың басты құралы студенттің өзін өзі тануы; рухани - адамгершілік құндылықтары;

3/ сенімдік сипаты - оқытудың ізгіліктік және демократиялық болуы педагогикалық ұжым мүшелерінің, студенттердің өз шешімдері үшін жауапкершілігін арттыратын сипат береді;

4/ құндылық сипаты - университет жағдайына өзінің рухани-адамгершілік құндылықтарын жетілдіруге жағдай жасау, студентке сапалы білім беруге ынталандыру жатады.

Университетте рухани-адамгершілік құндылықтарын өзін-өзі тану негізінде қалыптастыру педагогикалық – бағдарламалардың мазмұнын да ішнара өзгертеді. Бұл жағдайда сабақта жаңа әдістемелерді /тренинг, ойындар, интерактивті әдістер т.б./ қолданудың мәні мен ерекшеліктері, тереңдігі студенттердің белсенділігін ұйымдастыру арқылы игеріледі. Сондықтан мазмұндық компоненттің студент үшін көкейтестілігіне назар аудару, жаңа талаптар мазмұнының білім беру бағдарламасы, стандарттарымен үйлесімді кірігуін ескеру маңызды мәселе. Студенттің әдістемелік даму деңгейіне, тұлғалық қажеттілігі мен сұранысына негізделе отырып, инновациялық жаңа талаптарға сай тәрбиелеу жүйесі нәтижелі болатыны белгілі.

Осымен өмірге қадам басқан “Өзін өзі тану” сабағы, философия, мәдениеттану, саясаттану пәндерінен оқытылатын факультативтік, педагогика, психология пәндерінен жүргізілетін арнайы курс, семинарлар жаңа рухани-адамгершілік құндылықтармен ұштасқан, адамгершілік игіліктерге, жалпыадамзаттық пен азаматтықты қалыптастыратын ғылыми негіздер. Негізгі мақсатында – адамның өзін-өзі тануына, танытуға талпыну, өзгелермен бірге болу, өзін-өзі адамгершілік тұрғыдан бағалауға үйренуі адамзаттық рухани құндылықтармен сәйкес келеді. Егер осы күннен жас ұрпақ дағдысына “Өз өмірің -өз қолыңда” деген ұғым-дағдыларға қазірден қалыптастырсақ, бұл адами қалыптағы өмір сүру этикасын меңгерту болып табылады.

Өйткені, жоғарыда аталған ғылымдар мен зерттеуші ғалымдардың барлығы да рухани –адамгершілік құндылықтарды өзін-өзі тану негізінде қалыптастырудың маңыздылығы туралы көзқарастары мен ой – тұжырымдары біздің ғылыми тұрғыда зерттеуімізге негіз бола алады.

Осылай, студенттердің рухани-адамгершілік құндылықтарын өзін-өзі тану негізінде қалыптастырудың төмендегідей педагогикалық ерекшеліктері айқындалды:

• 
  білім беру үрдісі ізгіліктік және өзін-өзі тану мен өзін-өзі тәрбиелеу заңдылықтарына негізделді;
  
• 
  Студенттердің оқуға деген белсенділігі мен рухани-адамгершілік құндылықтарын қалыптастырудың тиімділігін арттыруды көздейді;
  
• 
  оқу-тәрбие үрдісінің тиімділігі қажетті құрал-жабдықтарды жаңартудан емес, рухани - адамгершілік құндылықтарды өзін-өзі тану арқылы жаңаша ұйымдастырылуынан көрінеді;
  
• 
  тәрбиенің өзін-өзі тану мазмұны білім беру үрдісіндегі тұлғалардың /студент, оқытушы/ өзіндік дамуын қамтамасыз ететін жаңа әдістемелер арқылы жүзеге асырылады.
  

7. 
   Қазақстан мектебіндегі тәрбие мақсаты.
   
8. 
   Тәрбие мақсатының түрлі құжаттар мен оқу құралдарынан көрініс табуы.
   
9. 
   Тәрбие мен білім берудің үйлесімділігі.
   

Жеке тұлғаны қалыптастыру барысында оның өзіне тән ерекшелігін ескере отырып, көзқарасындағы даралықты анықтап, өмірде болып жатқан өзгерістерге, қоғамның дамуына немқұрайлы қарамайтын шын мәнінде өмірдегі өзін қоршаған адамдарға жанашырлықпен, сүйіспеншілікпен, жауапкершілікпен қарау рухани-адамгершілік сезімін бойына сіңіру үлкен абройлы іс. Осы орайда педагогика ғылымдарының докторы Ә. Мұқанбетжанова өзінің «Дүниенің ғылыми бейнесін қалыптастырудың теориялық-әдіснамалық негіздері» - атты монографиясында: «… дүниені қабылдау, тану, сезіну адамның тек тұлға ретіндегі сана мүмкіндігі болып табылады»- деп тұжырымдайды.

Әрі қарай өзінің монографиясында Ә.Мұқанбетжанова …”тұлға ” ұғымы тек қоғамдық қатынастар жүйесінде, адамның әлеуметтік рөлі туралы ғана айтуға болатын жағдайда емес, әрі оның даралығын сақтауда да мағынаға ие болады- деп тұлғаның өз бойындағы даралық қасиеттерінің өмірдегі маңызына тоқталады. Тұлға тек жай –жеке тұлға ретінде ғана емес, ол - өзін-өзі тану арқылы рухани ішкі дүниесін байыту арқасында жан-жақты жетілгенде ғана дара, шын мәніне ие болатындығын көруге болады.

Тұлғаның негізгі даму ерекшеліктерін толықтай қарастыра келе, А.В. Петровскийдің “Тұлға” ұғымына жасаған көзқарасын зерттеу негізіне алып бөліп көрсетуге болады:

1. 
   Тұлға - оның “жеке” дүниесінің мазмұнын құрайтын өзінің мотивтері мен ұмтылыстары жағынан, яғни тұлғалық мағыналарының ерекше жүйесімен, сыртқы әсерленуі мен ішкі толғаныстарын тәртіпке келтірудің жеке өзіндік тәсілдерімен сипатталуы мүмкін.
   
2. 
   Тұлға – салыстырмалы тұрақты, сырттай байқалатын даралық, сипаттамалар, яғни субъектінің өзі туралы пікірлерінде , сол сияқты ол туралы басқа адамдар пікірінде сақталатын белгілер жүйесі ретінде қарастырылады.
   
3. 
   Тұлға- субъектінің қайраткерлік -әрекеттік “мені” ретінде бастапқы жоспарынан тыс оның мінез-құлқын тәртіпке келтіретін жоспарлар, бағыттар, мағыналық құрылымдар жүйесі ретінде сипатталады.
   
4. 
   Тұлға- даралану субъектісі, яғни индивидтің басқа адамдарда өзгеріс тудыратын қасиеттері мен қабілеттері ретінде қарастырылады.
   

Тұлғаның рухани-адамгершілік құндылықтарының қалыптасу жолын өзін-өзі түсіну мен өзін-өзі тану үрдістерінен бөліп-жарып қарауға болмайды. “Адам жаны өзін-өзі тек өз іс-әрекеттері үстінде ғана тани алады, оның өзі туралы білімі, сыртқы табиғат құбылыстары туралы білік секілді, қадағалаудан құралады”, - деп жазды.

Бұл жерде гуманист А.Швейцердің өмірді қастерлеу туралы ілімін көрсетіп кетуге болады: “… Адам өзінің ішкі ұмтылысында өмірге қолынан келгенше көмектесуге тырысқанда ғана, кез-келген тірі нәрсеге зиян келтірмеуді ұстанғанда ғана нағыз адамгершілігімен көрінеді”-деп сипаттайды. Бұл ойлардан рухани-адамгершілік құндылықтардың тұлға бойында қалыптасуы адамның ішкі талпынысына, өзін-өзі тануына тікелей байланыстылығын өрнектейді. Адамгершіліктің бастамасы ең алғаш пайда болған моральдық уағыздардың өзі “өзіңе қаламаған нәрсені-өзгеге жасама”,, “өз жақыныңды өзіңді-өзің сүйгендей сүй” – деген ойлардан адамгершілікті дамыту үшін өзінің ішкі дүниесіндегі ізгілікті дамыту керек екендігі айқын көрінеді.

К.Д. Ушинский, - “Адам жанының өз іс-әрекетттерін осылай қадағалауы неғұрлым жоғары болса, олар да соғұрлым тұрақты да нақты болады, адам бойындағы психологиялық такт неғұрлым толығырақ, дұрысырақ, түзуірек болады”. Сөйтіп, ұлы ғалымның пікірінше, өзінің болашақ мақсатына жетуде өзін-өзі түсіну ғана өз ісінің шебер тұлғасын қалыптастырудың механизмі болып табылады.

А.С. Макаренко: “Өз мақсатын терең саралай алатын тұлға бойында өзін шығармашылық тұрғыдан байытуға деген қызығушылықтың дамуы, оның осы тұрғыда тереңнен жетілуіне жол ашары сөзсіз”. Ол талантсыз бола тұрып-ақ өз-өзімен шұғылданып, үнемі осы жолда өз-өзін дамытып отырса, көздеген мақсатында шеберлікке қол жеткізуге болатындығын баса көрсетті. Сыртқы оқу-тәрбиелеу үрдісі адамға пайдалы заттарды, өнер туындыларын және ой жүйелерді тудырып адамға тікелей ықпалын тигізгенмен, бұл игіліктің қабылдануы тұлға бойындағы ерекшелікке, өзіндік танымының деңгейіне байланысты. Сондықтан әрбір тұлғаны жетілдіру барысында үнемі тұлға бойындағы табиғи ерекшеліктері мен өзін-өзі тану, түзете алу, қадағалау қабілеттеріне аса көңіл бөлген дұрыс болар еді.

Бұл жөнінде В.А. Сухомлинский болашақ маман иесінің жеке жұмысының табыстылығы көп жағдайда тұлғаның өз жетістіктері мен кемшіліктерін өз бетімен сараптау әдісін қаншалықты игергендігіне тәуелді екендігі туралы бірнеше рет айтқан болатын.

Қазақ тарихындағы ғұламалардың ой пікірлері жеке тұлғаның өзін-өзі дамытуға арналады. А.Йассауи, А.Құнанбаев, Ш. Құдайбердиев, Ы. Алтынсарин, М.Жұмабаев, Ж. Аймауытов, ұлы ғұламалар адамды аса жоғары құндылық ретінде бағалайды, оны табиғаттың, тірі дүние дамуының керемет нәтижесі, сондықтан да ол керемет пен марапатқа әбден лайық деп түсіндіреді. Мысалы А.Йассауи өз еңбегінде «…өзін - өзі танымаған адам, өзгені де тани алмайды». Қазақ ойшылдарының шығармаларындағы адам және қоғам мұраты проблемасын тарихи дамуына орай бірнеше кезеңге бөлуге болады. Оның біріншісі-Асан қайғы, Шалкиіз, Бұқар жырау және тағы басқа да ақын –жыраулардың, ойшылдардың көзқарастары. Олар аталған проблеманы өмір салтымен, жер мұратымен, бостандық , теңдікпен, ел билеушілер мен төрелердің, батырлардың, қарапайым адамдардың жеке басымен, от басындағы қарым-қатынасымен, үлкендерге, әйелдерге деген құрметпен тікелей байланыстыра қарастырады. Мысалы, Асан қайғы Желмаяға мініп, ну орманды, көкорай шалғынды, сулы жер- қой үстіне бозторғай жұмыртқалайтын жерұйық қонысты іздеп, соған жетуді арман етеді. Сондай-ақ, ол халық үшін “Жерұйықты” іздеп табуға бар күш-жігері мен ақыл-ойын жұмсайтын адамды мұрат тұтқан.

Немесе Абай «ұғымынша адамтануды өрбітетін негізгі игіліктер: сезім, сана, ой; адамдықты көрсететін қасиеттер мен құндылықтар: жан мен рух; мінез, әрекет, тәжірибе, білім, өнер, кәсіптік икемділік. Құндылықтардың осы төрт тобы салыстырмалы түрде адамды өз-өзін тануға итермелейді, оны өз-өзімен табыстырады…»… әрі қарай адам туғаннан ер жету және бүкіл өмірінде негізінен тәрбие арқылы өзгерістерге ұшырайды. Өмір қоршаған орта оның дамуына, қалыптасуына, дүниетанымына, өзін-өзі тануына әсер ететіндігі сөз болады.

Абай бүкіл шығармашылық күш-қуатын адамдық ақиқатты, адамдық болмысты іздеуге, адамға лайық өмірге ұмтылуға сарп етсе, оның ізбасарлары – Шәкәрім Құдайбердіұлы, Әлихан Бөкейханов, Ахмет Байтұрсынов, Міржақып Дулатов, Мағжан Жұмабаев, Жүсіпбек Аймауытұлы өздерін ұлы қазақ ойшылының шәкірттеріміз деп есептеп, оның ісін ілгері жалғастырды.

Сонымен Абай адамның жан-жақты жетілуіне толық адам болуы үшін адамға ең керегі: “ақыл, қайрат, жүрек” деп, адамның ішкі дүниесіне үңілуге өзін-өзі тануға шақырады.

Өзін-өзі тану әдіснамасын зерделеу арқылы оқу үрдісіндегі тәрбиенің заманға сай бағыт бағдарын дүниетанымдық жаңа ұстанымдарын қалыптастыру білім беру жүйесіндегі жаңаша тәрбие беру қырларын ашу өзекті мәселенің бірі.
№15 дәріс тақырыбы: Болашақ бүгіннен басталады.

Тірек ұғымдар: Мәдениет, өркенитті қоғам, тәрбие принциптері

Жоспары:

1. Әлем даму заңдылықтарына сипаттама.

2. Өмір теңіз сен сүрінбей өте біл…

3. Таңғажайып үзінділер. Адам жерді гүлдендіруге тиіс. Төрт ана(М.Шаханов).

“Қазір қоғам адам болмысындағы мейірім, шапағат, төзім, махаббат… сияқты құндылықтардың жаңғыруына зәру болып отыр”.

Адамдарға сенім арту және оларды сүйе білу, олардың сыртынан ғайбат сөйлемеу, олар туралы жағымсыз танымына, тұлға мен ортаның дамуы көзқарасы мен қарым-қатынасына тікелей байланысты болып отыр. Адам өз бойындағы қараулықты, жалқаулықты, масаттануды, ашкөздікті, үрейді, екіжүзділікті, менмендікті жеңе білудің жолы ол адамның өзін-өзі тануы болып табылады.

Тұлғалық өзін-өзі тану бағыттарын саралау оның ішкі дүниесіне өзінің үңіліп, болашаққа берік сеніммен, биік адамгершілік тұрғыдан дайындалуына негіз болады. Бұл тұрғыда Ә.Мұқанбетжанова “Тұлғаны дамыту-өзекті мәселе” –атты, Қазақстан мектебі журналында жарық көрген мақаласында Ш. Амонашвилидің тұлға туралы айтқан ой пікірін келтіреді: “… тұлға өз-өзімен күресте болады, өзін-өзі тану және өзін-өзі анықтау үрдісінде туады, тәрбие және оқыту тұлғаның тұрақтану жолына бағытталады, сол жолда жеңіске жету үшін көмек беруге тиіс…” – деп келтіреді. Сөйтіп, студент тұлғасының бойында рухани-адамгершілік құндылықтардың қалыптасуы тұлғаның өзін-өзі тануына бағытталуы оның ең тиімді құрылымы бар өзіндік даму жүйесінің болуын қажет етеді.

Осы орайда студенттің өзін-өзі тануы мен өзін-өзі түсінуінің қалыптасуын зерттейтін салалар тұлғаның біліктілігін көтеру мен оларды өмірге даярлау сапасын көтерудің тың көкжиектерін ашады. Себебі психикалық өмірдің бұл жағын қалыптастыру тұлғаның еңбек, қарым-қатынас және таным субъектісі ретіндегі адамгершілік тұрғыдан жетілуінің алғы шарты болып саналады . Өзін-өзі танудың тағы бір қырын жеке тұлғаның белгілі бір іс-әрекетке бағыттаушы, бағдарлаушы ролін арнайы зерттеу ісін Ю.Н. Кулюткин, Г.С. Сухобская, В.Д. Шадринов және т.б. [95,96,97]. бастады. Болашақ маман ретінде өзін-өзі осы жолға бағыттап отырған студенттердің өзін-өзі тану дегеніміз нақты осы жолдағы оқу түрінің шарттары мен талаптарын, сонымен қатар болашақ мамандық иесінің мінез –құлық пен қатынастарының белгілі үлгісін қабылдау мен ұғынуды ғана емес, таңдап алынған әлеуметтік қарым-қатынастар саласындағы тұлғаның өзінің ролін, міндеттері мен мүмкіндіктерін тану мен пайымдауды білдіреді. Бұл процесс тұлғаның өзін іс-әрекет субъектісі ретіндегі тану үрдісіне негізделген. Бұл субъектінің нәтижелік жағын “Мен бейнесінің” студенттің тұлғалық аспектілерін құрайды – деп Васьковская С.В. өзінің психология ғылымдарының кандидаттық диссертациясында дәлелдейді.

Зерттеу барысымызда студенттердің өзін-өзі тануын зерттеген ғалымдар еңбектеріне шолу жасау, студенттің өзін-өзі тану барысында қандай қырларын дамытып жетілдіру керектігін шыңдай түсуге көмектеседі.

6. ПРАКТИКАЛЫҚ НЕМЕСЕ СЕМИНАР САБАҚТАРЫНА ӘДІСТЕМЕЛІК ЖАСАҚТАМА

№	Тақырыбы	Сұрақтары	Апта	Әдебиеттер
1.	Өзін-өзі тану ғылым ретінде және оның зерттеу әдістері	1. Педагогика ғылымы, оның маңызы. 2. Педагогиканың даму тарихы, дамуына үлес қосқан педагогтар	1 апта	1. Өзін-өзі тану. Студент дәптері. Өзін-өзі тану Хрестоматия. Қосымша әдебиет кітаптар: 2. Әбиев Ж. Бабаев С., Құдиярова А. Педагогика. А., 2004. 3. Қоянбаев Ж.Б., Қоянбаев Р.М. Педагогика. А., 2000. Психология. Жарықбаев
2.	Ғылыми-педагогикалық зерттеу әдістері.	1.Эмпирикалық деңгей әдістері. 2.Теориялық деңгей әдістері.	2 апта	1.Лихачев Б.Т. Педагогика. М.,1998. 2.Педагогика. Абай ат. ҰПУ. ұжымы.А., 2003. 3.Подласый И.П. Педагогика. М.,1996.
3.	ЖОО өзін-өзі тану процес сіні ұйымдастырылуы	1.Мектептегі педагогикалық процесс мәні. 2.Педагогикалық процесс мұғалім іс-әрекетінің обьектісі ретінде. 3. Педагогикалық процесстің кезеңдерінің ерекшеліктері.	3 апта	1.Подласый И.П. Педагогика начальной школы. М.,2000. 2.Сластенин В.А., Исаев И.Ф. Педагогика. М.,1997.
4.	ЖОО өзін-өзі танудың педагогикалық процес пен байланысы, оның заңдылықтары	1. Педагогикалық процесс және педагогикалық ситуациялар туралы түсінік. 2. Педагогикалық процесстің құрылымы. 3. Педагогикалық процесстегі жобалау. 4. Педагогикалық процесстің заңдылықтары.	4 апта	1.Құрманалина Ш.Х, Мұқанова Б.Ж., Ғалымова А.У., Ильясова Р.К. Педагогика. Орал, 2004. 2.Харламов Н.Ф. Педагогика. М., 1999.
5.	Қазақстан мектебіндегі тәрбие мақсаты	1.Қазақстан мектебіндегі тәрбие мақсаты. 2.Тәрбие мақсатының түрлі құжаттар мен оқу құралдарынан көрініс табуы. 3.Тәрбие мен білім берудің үйлесімділігі.	5 апта	1.Қазақстан Республикасы бастауыш білімнің мемлекеттік стандарты. А., 1998. 2.ҚР “Білім туралы” заңы. Қазақстан мұғалімі. 25 ақпан. 1998. 3.ҚР орта білімді дамыту тұжырымдамасы. А., 1997.
6.	Жеке тұлға дамуының негізгі заңдылықтары	1.Жеке тұлға дамуының қозғаушы күштері. 2.Тұлға дамуының заңдылықтары. 3.Тұлға дамуының факторлары.	6 апта	1.Коменский Я.А.Ұлы дидактика. А., 1993. 2.Қоянбаев Ж.Б., Қоянбаев Р.М. Педагогика. А., 2000. 3.Қоянбаев Ж.Б. Педагогика. А.,1992.
7.	Тұлғаны дамытудың және тәрбиелеудің жас және жекелік ерекшеліктері	1.Жеке тұлғаның дамуында жеке ерекшеліктерді есепке алу мәселесі. 2.Жеке тұлғаның дамуында жас ерекшеліктерді есепке алу мәселесі. 3.Мектеп жасындағы оқушыларды тәрбиелеу ерекшеліктері.	7 апта	1.Құрманалина Ш.Х, Мұқанова Б.Ж., Ғалымова А.У., Ильясова Р.К. Педагогика. Орал, 2004. 2.Педагогика сөздік. Молдағалиев.Б.А.Орал-2008.
8.	Өзін-өзі және қайта тәрбиелеу.	1.Өзін-өзі тәрбиелеу ұғымы. 2.Қайта тәрбиелеу ұғымы. 3.Тәрбиенің итермелеуші күштерінің процесі.	8 апта	1.Муханбетжанова А.М.,Молдағалиев.Б.А., Ерниязов О.Н.. «Тәрбие теориясы» Орал-2007 2.Муханбетжанова А.М.,Молдағалиев.Б.А., Ерниязов О.Н.. «Дидактика» Орал-2007
9.	Өзін-өзі тану әдістері	1Тәрбие құралдары туралы түсінік. 2.Іс-әрекетті ұйымдастыру әдістері, оларды қолдану. 3. Талап түрлері. 4.Үйрету әдісін пайдалану. 5.Тәрбиелік істер туралы түсінік.	9 апта	1.Қоянбаев Р.М. Білім беру және оқыту теориясы. А., 1990. 2.Қоянбаев Р.М. Тәрбие теориясы. А., 1992. 3.Лихачев Б.Т. Педагогика. М.,1998.
10.	Ұжымдық тәрбие және өзін-өзі танымының дүниетанымын қалыптастыру	1.Ұжымға педагогикалық жетекшілік ету. 2.Оқушылар ұжымын басқарудағы ұстанатын ережелер. 3.Оқушылар ұжымына басшылық жасауда бастауыш сынып мұғаліміне қойылатын талаптар	10 апта	1.Әбиев Ж. Бабаев С., Құдиярова А. Педагогика. А., 2004. 2.Қоянбаев Ж.Б., Қоянбаев Р.М. Педагогика. А., 2000.
11.	Студенттің өз бетімен жүргізетін жұмыстар	1.Студенттің отбасымен жүргізетін жұмыстары туралы түсінік. 2.Өзін-өзі тану, қадағалау, бақылау, өз-өзіне есеп беру 3.Күнделік толтыру	11 апта	1.Қоянбаев Ж.Б. Педагогика. А.,1992. 2.Қоянбаев Р.М. Білім беру және оқыту теориясы. А., 1990
12.	Өзін-өзі тану оқыту әдістері.	1.Оқыту әдістерін жіктеу немесе классификациялау. 2.Танымдық іс-әрекеттің типіне қарай оқыту әдістерін жіктеу. 3.Оқытудың бағдарламаланған әдістері.	12 апта	1.Құрманалина Ш.Х, Мұқанова Б.Ж., Ғалымова А.У., Ильясова Р.К. Педагогика. Орал, 2004. 2.Харламов Н.Ф. Педагогика. М., 1999.
13.	Тренінг ойын түрлерін ұйымдастыру формалары.	1.ЖОО даму тарихында ойын арқылы оқытуды ұйымдастырудың формалары. 2.Оқытуды ұйыдастырудың тренинг-сабақтық жүйесінің ерекшеліктері. 3. Жаңа сабақтардың типтері және түрлері.	13 апта	1.Қоянбаев Р.М. Тәрбие теориясы. А., 1992. 2.Лихачев Б.Т. Педагогика. М.,1998. 3.Подласый И.П. Педагогика. М.,1996.
14.	Өзін-өзі тануды ұйымдастырудың негізгі формасы - сабақ.	1. Оқытуды ұйымдастырудың негізгі формасы – сабақ, оның негізгі түрлері, типтері. 2.Сабаққа қойылатын негізгі талаптар. 3. Мұғалімнің сабаққа дайындалуының негізгі параметрлері..	14 апта	1.Қоянбаев Р.М. Білім беру және оқыту теориясы. А., 1990. 2.Қоянбаев Р.М. Тәрбие теориясы. А., 1992. 3.Лихачев Б.Т. Педагогика. М.,1998. Өзін-өзі тану Студент дәптері
15.	Студенттердің рухани-адамгершілік туралы ұғымдары туралыбілім, білік, дағдыларын есепке алу және бағалау	1.Қадағалау және тексеру ұғымдарына сипаттама беріңіз. 2.Оқығанды тестілеу, тестілеу классификациясы.	15 апта	1.Жұмабаев М. Педагогика. А., 1993. 2.Коменский Я.А. Ұлы дидактика. А., 1993. 3.Қоянбаев Ж.Б., Қоянбаев Р.М. Педагогика. А., 2000. Өзін-өзі тану студент тік дәптер. Хрестоматия