Оқу жүктемесін анықтау үшін мұғалімдердің жеке деректерін зерттеу (материалды кадр қызметкерлері дайындайды);
МЖМБС, мектептің жұмыс оқу жоспарына және сынып-комплектінің санына сәйкес әрбір пән бойынша оқу сағаттарын есептеу (директор және директордың орынбасары);
Мұғалімдердің оқу жүктемесінің көлемі мектептің жұмыстық оқу жоспары мен оқу бағдарламалары бойынша сағаттар санына және мектепте кадрлармен қамтамасыз етілуіне қарай айқындалады;
Оқу жоспары, әрбір параллель сыныптар бойынша сағат санын есептеу жүргізіледі. Сонымен бірге, белгілі бір пәндер бойынша топтарға бөлу ескеріледі. Топтарға бөлу сыныптардың толықтырылуына қарай жүргізіледі;
Әрбір мұғалімнің оқу жүктемесін айқындау кезінде оқу жоспарында белгіленген оқу қызметінің түрлері (вариативтік компонент) бойынша білім алушылармен өзара қарым-қатынас жасай отырып, оқу қызметінің орындалуы мен оның көлемі белгіленеді;
Санаудан кейін педагогикалық жүктемелердің саны және бақылау табелі анықталады;
Жеке әңгімелесу өткізу жолымен (директордың орынбасары, әдістемелік бірлестіктердің басшылары) оқыту сапасы және кадрлармен қамтамасыз етілуін ескере, сыныптарда пәндерді оқыту сабақтастығын сақтай отырып, әрбір мұғалімнің оқу жүктемесін алдын ала айқындау;
Келесі міндетті мәліметтерді қамтитын: мектеп мұғалімінің аты-жөні; атқаратын лауазымы; білім деңгейі; жүктеме көлемі – аптасына барлық сағат саны; қосымша жұмыс түрлері үшін қосымша ақылар; тұрақты жеке үстемеақылар (магистрлік үшін және т.б.) жиынтық тарификациялау тізімін құрады.
