5-сыныбына арналған оқу құралы

саяхат – путешествие

бірінші рет – первый раз

өте ұнады – очень понравился

неше түрлі – разноцветный

Жазғы саяхат

Жазда мен ағаммен бірге Астанаға бардым. Астананы мен бірінші рет көрдім.

Астана – үлкен қала. Жазғы Астана өте әдемі екен. Көшелерде неше түрлі гүлдер өсіп тұр. Ағаштары көп, биік. Қаланың қасында өзен бар. Маған Астана өте ұнады.

1. 
   тапсырма. Сөздердің дұрыс аудармасын табыңдар, мағыналарын түсіндіріңдер.
   

пішен - купаться шабу - прыгать

шомылу - сено

секіру - косить

2. 
   тапсырма. Мәтінен 4-5 сөз тіркестерін теріп жазыңдар, байланысын түсіндіріңдер.
   

3. 
   тапсырма. Мәтін бойынша диалог құраңдар.
   

Жазда



Сөздік

жыңғыл - кустарник сытыр – шорох

шұңқыр - яма

Қалың жыңғыл. Мамыргүл мен Жәмила бұзау іздеп жүр. Кенет сытыр естілді.

«Ойбай, қасқыр!» - деді Мамыргүл көзі бақырайып. Екі қыз бір шұңқырға бұғып жата қалды. Сытырлаған дыбыс жақындай түсті. Міне, дәл қастарына келді. Жыңғылдың арасынан қызыл бұзау мөңіреп шыға келді.

Қыздар қуанып, күліп жіберді. Олар қызыл бұзаудың мойнынан құшақтап жатыр.

1-тапсырма. Сұрақтарға жауап беріңдер.

1. Қыздар неден қорықты?

2. Екі қыз қайда тығылды?

3. Бұзау қайдан шықты?

4. Қыздар неге қуанды?
2-тапсырма. Сөз тіркестерінен сөйлемдер құрастырыңдар.

Қалың орман, жидек теру, сытыр естілді, көзі бақырайды, үш қыз, бір шұңқыр, бұғып жату, сытырлаған дыбыс, жақындай түсу, қарағайдың арасынан, күліп жіберу.

3-тапсырма. Мәтіннен қарсы мәндес сөздердің сыңарын тауып көшіріңдер.

табу -... алыстау - ...

ренжу-... жылау - ...

тұру - ... кету - ...

4-тапсырма. «Жазда» деген мәтіннен баяндауштарды теріп жазыңдар.
Үлгі: Дара баяндауыш: естілді,...

Күрделі баяндауыш: іздеп жүр,..

Ауылға барамын


Сөздік'>Сөздік

ору – косить қамыс – камыш

қырғауыл – фазан жота – спина
Қайрат жазғы демалыста ауылға барды. Атасына шөп орысып жүрді. Бірде қамыс арасындағы соқпақпен үйіне қайтып келе жатты. Күн ыстық. Алдыңғы жақтан пыр етіп қырғауыл ұшты да, қайта қонды. Қайрат тұра жүгірді. Қуалап жүріп ұстап алды.

- Ата, қандай әдемі!..- деді жотасынан сипап, -енді мұны асыраймын.

Атасы қырғауылды қолына алып қарады, аяғы сынған екен. Қалтасынан қол орамалын алып жыртты да, қырғауылдың аяғын таңып, ұшырып жіберді.
1-тапсырма. Мәтіндегі қарамен жазылған сөздердің қай септікте тұрғанын айтыңдар. Түбірі мен жалғауын ажыратыңдар.
2-тапсырма. Сөйлемді өрбітіп жазыңдар.
Мен ауылға бардым. Ауылда киіз үй тұр. Мен тауға шығамын. Таза ауада демаламын. Атам мен әжем мені жақсы көреді. Маған ауылдың табиғаты ұнайды. Себебі ......
3 -тапсырма. Берілген сөздерді жекеше, көпше түрде жіктеп жазыңдар.
Орамал, үй, қалта, қырғауыл.

Жазғы демалыс



Сөздік
жұпар – мускус кілем – ковер

жауқазын – шафран думан – веселье

1-тапсырма. Өлеңді мәнерлеп оқып, мазмұнын ауызша айтыңдар.

Жазғы демалыс

Жұпар атқан жазда Тоғай толы шуға,

Ермек бізге аз ба? Шомыламыз суға,

Жасыл кілем ауламыз, Көл ауылдың көзіндей.

Өзенге де келеміз, Күнде үш ай бойы

Жауқазынын тереміз, Қызық, думан, ойын.

Өрлейміз тауға біз. Жаз өтеді сезілмей.

/ Қ. Ыдырысов /

2-тапсырма. Өлең мәтінінен төл дыбыстары бар сөздерді теріп жазыңдар.
Ү л г і: жұпар
3-тапсырма. «Менің жазғы демалысым» деген тақырыпқа төмендегі сұрақтар бойынша әңгіме құрастырыңдар.

1. 
   Жазғы демалысты кіммен, қайда өткізесің?
   
2. 
   Демалыс кезінде қандай жұмыстар істеп, кімге көмектесесің?
   
3. 
   Қандай кітаптар оқисың?
   
4. 
   Қалай шынығасың?
   

Аққу

жүктеу/скачать 3,98 Mb.

Достарыңызбен бөлісу: