- Ми қыртысының функциясының орналасуында қандай көріністер пайда болады?
Қозғалыс, сезімталдық, көру және иіс сезу проекциялық аймақтары қай жерде орналасқан?
Проекциялық аймақтар өткізгіш жодардың перифериясымен байланысты, осыған байланысты мына иірімдер келесі қызметтердің орналасу алаңы болып табылады:
Алдыңғы орталық иірім (қатпар) – пирамидалық жолдың негізін қамтып, ерікті қозғалысты қамту орталығы болып табылады
Артқы орталық иірім – жалпы сезімталдық жолының бітетін жері және сол орталық болып табылады
Сынатәрізді және тіл иірімі – көру анализаторының ми қыртысында аяқталатын жері, көздің торлы қабығымен екіжақты байланыс жасай отырып, көру орталығын құрайды. Мидың шүйде бөлігінің ішкі бетіндегі көру анализаторының қыртыстық соңы зақымдалғанда қарама-қарсы беттегі көру алаңының гемиаанопсиясы, қарапайым көру галлюцинациялары пайда болады.
Теңіз аты иірімі мен аммон мүйізі – иіс сезу анализаторының аяқталатын жері және иіс сезу орталығы болып табылады.
Бас миының үлкен жартышарлары қыртысының қандай бөлімі зақымдалғанда, моторлы, сенсорлы және амнестикалық афазия туындайды?
Ассоциативті аймаққа байланысты айтар болсақ, афазиялар ми сыңарының сол жақ бөлігі зақымданғанда дамиды. Бірақ әр афазияның пайда болуында өз зақымдалу бөлімдері бар: 1) моторлы афазия – сол жақ төменгі маңдай иірімінің артқы бөлімі зақымдалғанда; 2) сенсорлы афазия – сол жақ жоғарғы самай ірімінің артқы бөлімі зақымдалғанда; 3) амнестикалық афазия – мидың сол жақ самай және төбе бөліктерінің артқы бөлімдері зақымдалғанда туындайды.
