Күрделі етістіктердің жасалу жолдары
Екі я одан да көп сөзден құралып, бір ғана мағынаны білдіріп, бір
сұраққа жауап беріп, сөйлемнің бір ғана мүшесі қызметін атқаратын
етістіктер күрделі етістіктер деп аталады. Әдетте күрделі етістіктің
кұрамындағы бірінші етістік негізгі етістік болады да, негізгі мағынаны сол
білдіреді, одан кейінгісі көмекші етістік болады. Кейде көмекші етістік біреу
емес, бірнеше болуы да мүмкін (жоғарғы сөйлемдердегі жатыр екен, отыр
екен, қоямын деп). Негізгі етістік көбінесе көсемше тұлғасында (келе жатыр,
барып қалды т. б.) және есімше тұлғасында (барған екен, жүретің болды,
айтпақ болды т. б.) болып келеді де, көмекші етістік сөйлемдегі орны мен
мағынасы, қызметіне қарай етістіктің барлық түрлерімен тұлғаланып
қолданыла алады.
|
