Сіңірілген амин қышқылдарының жұмсалуы. Қанға сіңірілген амин
қышқылдары портал көктамыры жүйесі арқылы бауырға кеп түседі де, осы жерде бірқатар
өзгерістерге ұшырайды. Амин қышқылдарының біршама бөлігі бауыр көктамырынан қан
айналымының үлкен шеңберіне өтіп ағзаның әр мүшелеріне, ұлпаларына және
жасушаларына жеткізіледі. Біраз бөлігі лимфа жүйесіне түседі.
Ұлпа ақуыздарының ыдырауы. Ұлпа ақуыздары үздіксіз жаңартылып
отырады. Мысалы, бауыр ақуыздары 8-12 тәулік сайын жартылай жаңартылса, қан
плазмасының ақуыздары жартылай 18-45 тәулікте жаңарады. Жас адам ағзасында
тәулігіне шамамен 100г, жемдеуге қойылған ірі қарада – 120-200г, ал сауынды сиырдың
сүтімен – 600-1200г ақуыз түзіледі. Ақуыздардың жаңартылуы әр ұлпада әртүрлі
жылдамдықпен жүреді.
Ұлпа ақуыздарының ыдырауын протеолиздік ферменттер жүйесі –
