704. 'Иілген түтіктің бір ұшы дөңгелек жұқа ағаш тақтаймен жабылған және суы бар ыдысқа батырылған . Ағаш тақтайша қалқып шыға ма?
705*. Су құйылған ыдыстың ішінде бір кесек
мұз қалқып жүр. Егер ол еріп кетсе, ыдыстағы
судың деңгейі өзгере ме?
706*. Су кұйылған ыдыстың ішінде арасында ауаның көпіршігі
бар мұз қалқып жүр. Мұз еріп кеткенде ыдыстағы су деңгейі өзгере ме?
707*. Су құйылған ыдыста арасына кішкентай болат шарға жап-
сырылған мұз қалқып жүр. Мұз еріп кетсе ыдыстағы су деңгейі өзге-
ре ме?
708. Жанып жатқан керосинді неге су шашып сөндіруге болмайды?
709. Жердің жасанды серігінде Паскаль заңы және архимед күші әсер ете ме?
710. Суға массасы 10 г мыс кубик және массасы сондай жұқа мыс пластина батырылған. Екі жағдайда кері итеруші күштер бірдей ме?
711. Мәрмәр кесегінің салмағы мыстан жасалған гір салмағымен бірдей. Осы екеуінің қайсысын суда ұстап тұру оңай?
712. Көлемдері бірдей 100 м3 ағаш білеуше мен темір білеушеге суда әрекет ететін кері итеруші күштер бірдей ме?
713. Ауада өлшегенде салмакқа түзету енгізбеу үшін гірді қандай заттан жасау керек?
714°. Үстел үстінде қондырғы жиналған. Егер суға 20 г тұз ерітіп, таразының табағына 20 г гір салса, таразының тепе-теңдік күйі сақтала ма? Жауапты негіздеп, тәжірибемен тексеру қажет.
7 15. Көлемі 10 дм3 гранит тас өзен түбінде жатыр. Оны суда, ауада көтеру үшін қандай күш жұмсау керек?
716. Өлшемі 3,5x1,5x0,2 м3 темір бетонды тақта толық суға батырылған. Тақтаға әсер ететін архимед күшін есептеп шығарыңдар.
717. Бос шелекті ауада және суға толы шелекті суда ұстап тұру үшін бірдей күш жұмсау керек пе?
718. Су бетінде ағаш білеуше, тығын және мұз қалқып жүр. Қайсысы тығын, қайсысы мұз екенін көрсетіңдер.
7 19. Қара бидайдың дәндерін улы қарамықтан айыру үшін олардың қоспасын суға салады, екеуі де суға батады. Сонан соң суға тұз себеді. Сонда қарамык су бетіне қалқып шығады да, қара бидай түбінде қалады. Осы кұбылысты түсіндіріңдер.
Достарыңызбен бөлісу: |
