Өсімдік клеткасының негізгі компоненттерінің бірі лигнин болып табылады, ол клетка қабығының 2-ші қабатына кіреді. Жас клеткаларда олар аз, бірақ жетілу процесінде лигнин мөлшері жоғарылайды. Табиғатта лигнин байланысқан жағдайда болады. Олар суда ерімейді, көбі органикалық еріткіштер және микроорганизмдер әрекетіне тұрақты. Лигнинді микроорганизмдер біртіндеп бұзады.
Лигнинің ыдырауы аэробты жүреді, оның ішінде мезофильді, термофильді түрлер бар. Лигнин топыраққа сіңеді, сосын гумысты заттарды түзудің негізі болып табылады.
Спирттік ашу
спирттік ашу – көмірсулардың анаэробтық жолмен ыдырап, нәтижесінде этанол (Спирт) мен көмірқышқыл газының түзілуі. Бұл құбылыс көбінесе ашытқы саңырауқұлақтардың қатысуымен жүреді. Спирттік ашудың өнеркәсіптік маңызы зор, сондай ақ адам баласы бұл құбылысты ежелден ақ алкоголді өнімдер мен нан пісіруде қолданылып келе жатыр
С6Н120Н = 2С2Н50Н + 2С02
Сірке қышқылды ашу
Сіркеқышқылды ашу – аэробты жағдайда жүретін құбылыс. Көп жағдайда алкоголі әлсіз шараптарда жүреді. Онша толтырылмаған ашық ыдыстарда қалдырылған мұндай шараптар көп ұзамай ақ сірке суына (уксус) айналады, былайша айтқанда ашиды. Шараптың уксусқа айналуы ежелден белгілі құбылыс. Алайда Л.Пастер мұның микробиологиялық құбылыс екенін тапқан, оның қоздырушысын «сірке саңырауқұлағы» (Mycoderma aceti) деп атады.
Сіркеқышқылды бактериялар этил спиртін ғана сірке қышқылына айналдырып қоймайды, сондай ақ, пропил спиртін пропион қышқылына, бутил спиртін май қышқылына айналдырады.
Сүт қышқылды ашу
Сүт қышқылды ашу – ақырғы өнімі сүт қышқылы болып табылатын ашудың бір түрі. Екі түрі бар: гомоферментативті және гетероферментативті сүт қышқылды ашу. Алғашқысында сүт қышқылы 90 %-ды, кейінгісінде жартысын ғана құрайды. Ашудың бұл түрі сүтқышқылды өнімдерді алу үшін кең қолданылады. Мұның микробиологиялық құбылыс екенін Л.Пастер ашқан.
