а – кранымен; б – қысқышымен; в – оливiмен.
Бюреткалар аналитикалық химияда титриметриялық анализде титрлеуге кеткен титранттың дәл көлемiн анықтау үшiн пайдаланылады.
Сурет 4. Пипеткалар
а – Мор пипеткасы; б – градуирленген пипетка
Пипеткалар аналитикалық химияның титриметриялық анализінде анализденетін ертіндінің немесе стандарт ертіндінің дәл көлемін өлшеп алу үшін пайдаланылады.
Пипеткалардың екi түрi болады:
1. Сұйықтың әртүрлi көлемiн өлшеп алуға арналған градуирленген пипеткалар.
2. Сұйықтың белгiлi бiр көлемiн өлшеп алуға арналған шектелген сыйымдылығы көрсетiлген пипеткалар (Мор пипеткалары). Олар: 5, 10, 15, 20, 25, 50, 100 миллилитрлiк болады.
Өлшеуіш колбалар (сурет 5) судың белгілі көлемінде заттың дәл массасын еріту арқылы титрі белгілі ерітінді дайындау үшін қолданылады. Өлшеуіш колбалардың бүйірінде олардың сыйымдылығы көрсетілген: 50, 100, 200, 250, 500, 1000 миллилитрлік. Өлшеуіш колбалар титриметриялық анализде стандартты ерітінделер дайындау үшін пайдаланылады.
Сурет 5. Өлшеуiш колбалар
Химиялық зертханада шыныдан жасалған әртүрлi шүмектер (сурет 6) кең қолданылады:
- конусты шүмектер;
- ұнтақтық шүмектер;
- бөлгіш шүмектер.
Достарыңызбен бөлісу: |
