қосымша оқуға арналған материал Споралы өсімдіктер. Жер бетінде тіршілік ететін ағзаларды үлкен екі
топқа: тұқымды және споралы деп бөледі. Споралы өсімдіктерге мыналар жа-
тады:
мүктер, қырықбуындар, плаундар және
қырықжапырақтар . Көбінесе
қырықбуындар, плаундар және қырықжапырақтарды
қырықжапырақтәрізділер тобына біріктіреді. Споралы өсімдіктер дің ең маңызды белгісі –
спора түзуі.
Споралар – көбеюге қабілетті, қолайсыз жағдайлардан қорғайтын қалың
қабықшамен қапталған, мамандандырылған жасуша. Көптеген өсімдіктердің
споралары ұзақ уақыт құрғақшылық пен суыққа төзе алады. Олар ондаған
және мыңдаған жылдар бойы тіршілік қабілетін жоғалтпайды. Споралы
өсімдіктер денесі әртүрлі ұлпалар мен мүшелерден тұратын, алғаш рет жер
бетінде тіршілік етуге бейімделген жоғары сатыдағы өсімдіктер болып табыла-
ды. Құрлықта тіршілік етуге бейімделген споралы өсімдіктер – көпжасушалы
жасыл балдырлардың тікелей ұрпағы.
