§53. қазақстандағы селекция жетістіктері Маңызды мәдени өсімдіктер іріктемелері мен үй жануарларының
қолтұқымын сипаттау
Қазақстанның ең ірі аграрлық саласы – өсімдік шаруашылығы.
Ауылшаруашылық дақылдарының егістік алқаптары бойынша дәнді
дақыл дар – 66%, олардың ішінде қатты бидай – 62% құрайды. Елімізде
басқа да дәнді дақылдар: арпа, сұлы, тары, күріш, жүгері, дәнді-бұршақты
дақылдар және т.б. өсіріледі.
Сырдария, іле және Қаратал өзендерінің сағаларында күріштің
суғармалы алқаптары бар.
Қазақстанның оңтүстігі мен оңтүстік шығысында техникалық
дақылдар өсіріледі. Олардың ішінде мақта өсімдігі, қант қызылшасы,
зығыр, күнбағыс және т.б. аса маңызды. Сонымен қатар бау-бақша және
жүзім шаруашылығы да дамыған.
Қазақстан Республикасы ауылшаруашылық жерлерінің төрттен
үш бөлігін жайылым алып жатыр. Малшаруашылығы – еліміздің
ауылшаруашылығының ежелгі және негізгі саласының бірі. Оның
маңызды саласы – қойшаруашылығы мен ірі қара өсіру. Сондай-ақ құс,
жылқы, түйе өсіру де жақсы дамыған.
