Аппақ сақал қараңғыда айдай боп көрінеді
Бөлтірік ауылының бір кісісі ұрлыққа түсуін қартайғанша қоймапты. Ұрлық болғанда біреудің ұсақ-түйегін жымқырып кете береді екен. Бір күні түнделетіп Бөлтірік шешен көрші ауылдағы тойдан келе жатса, әлгі шал ұшырай кетеді.
Оны танып қалған Бөлтірік:
Түнделетіп неғып жүрсің? – десе, анау:
Жай, әшейін, Бөлтеке, – деп қипақтайды.
Арқалап алғаның не?
Қауын-қарбыз еді.
Оны қайдан алдың?
Мына ауылдың қауыны пісіп жатыр екен, содан ала салдым.
Ұрлап алғаның жарамайды ғой, ақсақал.
Қараңғыда кім көрер дейсің?
Аппақ сақал қараңғы түнде айдай көрінеді.
Қап, мына сөзің өңменімнен өтті-ау, енді қойдым, қойдым!-депті.
Сол-сол екен , әлгі ақсақал ұрлық қылуын пышақ кескендей қойып кетіпті деседі ел. Нұржігіт Айдархан
Достарыңызбен бөлісу: |
