Ойын технологиялары (имитациялық модельдеу технологиясы). Бұл технологияның өзіндік ерекше сипаты оның өмірде маңызды жағдаяттарды модельдеу, соларға ұқсастырылған, еліктеп құрастырылған жағдаяттар түзу және оларды шешу жолдарын іздеу арқылы жүзеге асатындығында. Ойын технологиясының жетекші әдісі – ойын.
Ойындардың іскерлік, рөлдік, оқиғалық, саяхаттық, дидактикалық сияқты түрлері бұл технологияның ұйымдастыру формалары болып табылады.
Коммуникативтік технология деп оған қатысушылардың барлығының мүмкін болған құрал-жабдықтарды, ақпарларды қолдана отырып, өзара белсенді тілдік-танымдық қатынас әрекетіне ену негізінде оқу үрдісін құруды айтады. Оның жетекші әдісі – тілдік өзара қарым-қатынас. Қолданылатын жұмыс түрлері: ынтымақтастықта оқу, өзара оқыту (бір-бірін), жұптық құрамда және топтық құрамда жұмыс істеу (олардың құрамы ауыспалы болуы шарт), оқу диалогі, білімдік пікір алысу.
Инновациялық интарактивті оқыту технологиялары жеке тұлғаның белсенділігін, талабын және өз бетінше дербестігін оқу процесінде мейлінше жүзеге асыруға, қолдануға бағытталады. Олардың бәрінің аса маңызды міндеті – осы мақсаттарға жетуге жағдай туғызу.
Достарыңызбен бөлісу: |
