«Текстиль өндірісінің технологиясы» кафедрасы институт ректорының бұйрығы бойынша 1994 жылдың 1 қыркүйегінде ашылған болатын.Ол жылдары кафедраның атауы «Текстиль өндірісінің технологиясы» болды. Ол ашылған жылдары «Механикалық және автоматтандыру» факультетінің құрамына жататын кафедраның бірі болып табылатын. Сол жылдары «Текстиль өндірісінің технологиясы» кафедрасы 4102 «Иіру технологиясы» мамандықтары бойынша ғана мамандар дайындайтын.Қазіргі уақытта кафедра «Тоқыма өнеркәсібінің технологиясы және материалтану» деп аталады. Кафедрада 5В073300-«Тоқыма материалдарының технологиясы және жобалауы» және 5В071000-«Материалтану және жаңа материалдар технологиясы» мамандықтары бойынша мамандар дайындайды.Кафедрада 8 оқу аудиториялық бөлмелері бар: соның ішінде оқу-зертханалық бөлмелер 4-102, 4-104, 4-105, 4-107, 4-108, ал оқытушылар бөлмесі 4-101, кафедра меңгерушісінің бөлмесі 4-103 бар, 4-106 -препораторлық.. Оқу-зертханалық бөлмелер зертханалық жұмыстарды орындауға арналған қажетті құрал-жабдықтармен, шикізат түрлерімен, аспаптармен және қабырға стендтерімен жабдықталған. Кафедраның алып жатқан жалпы ауданы 720м2 –ді құрайды.
Тоқыма бұйымдар мен материалдар өндіретін кәсіпорын құрылымы туралы білім, шикізат түрлері,оларды қабылдау және сақтау ережелері.Кілем тоқу өнері
І-өндірістік тәжірибеге келген әр студенттің мақсаты-өзінің мамандығына сәйкес дағдыны меңгеру болып табылады. Ал бұл мақсатқа жету үшін шикізат түрлері, оларды қабылдау, сақтау және талшық өнімдерінің өндейтін технологиялық процестермен танысу қажет.Кілем—әсемдік үшін, сондай-ақ үйдің жылылығын сақтау, дыбысты бәсеңдету үшін пайдаланылатын түрлі-түсті ою-өрнек салып тоқылған бұйым. Кілем бір немесе бірнеше қабатты, түкті немесе тықыр болып келеді. Түкті кілем бірнеше қабаттан тұрады. Мұндай кілемнің негізі және арқауы жекеленген жіптерден, бірақ бір-біріне тығыз орналасқан түйіндерден тұрады. Жіптердің ұшы біркелкі қырқылғаннан кейін пайда болатын қалың түк мұндай түйіндерді көрсетпей жауып тұрады. Түктің ұзындығы 3 мм-ден 18 мм-ге дейін болады. Ол кілемнің қалыңдығын, мықтылығын арттырумен бірге оны жеңіл (барқыт тәрізді үлпілдек) етіп көрсетеді. Тықыр кілем (кілем, палас, сумаха, шпалер, терме алаша және т.б.) бір өріс жібінен бір қабатты екі жақты тығыз етіп тоқылады. Түгі қырқылмаған, кейде түгінің жартысы қырқылып, жартысы қырқылмаған аралас кілемдер де шығарылады.
