- Қазақстан Республикасы Ішкі істер органдарының қызметінде адамның құқықтары мен бостандықтарын қамтамасыз ету мәселелері бойынша өз көзқарасын қисынды сауатты білдіру және негіздеу;
- нормативтік-құқықтық актілерді түсіндіру және қолдану;
- заңдық маңызы бар жағдайларды сауатты бағалау және заңды фактілерді саралау;
- Қазақстан Республикасының қолданыстағы заңнамасына сәйкес әртүрлі құқықтық іс-әрекеттерді саналы түрде жасау.
«Қазақстан Республикасының ІІО қызметінде адамның конституциялық құқықтары мен бостандықтарын қамтамасыз ету»курсының мәні, пәні және әдісі.
Қазақстан Республикасының Конституциясында Қазақстан мемлекеті өзін құқықтық мемлекет ретінде орнықтырады, яғни бұл ереже бағдарламалық сипаттағы элементтерден тұрады және шын мәнінде біз құқықтық мемлекет құру жолында тұрамыз деп жазылған. Бұл мемлекеттің өткен дәуірлердің жағымсыз сарқыншақтары, заңдарды елемеу және жекелеген жағдайларда жаппай сипатқа ие болатын заңдарды бұзу түріндегі үлкен кедергілерді қарсы ала отырып бекітетін қасиеттерінің бірі.
Құқықтық мемлекеттің тән ерекшеліктерінің бірі – адам құқықтары мен бостандықтарының кепілдіктері, олардың нақтылығы және қорғаудың тиімді тетігі. 1995 жылғы Қазақстан Республикасының Конституциясында жүзеге асырылған адам құқықтары туралы идеялар кенеттен бос орында пайда болған жоқ. Бізге жеткен құқық ескерткіштері әлемдік қоғамдастықтың халықаралық-құқықтық актілер мен тиісті ұлттық құжаттарда олардың ең маңыздысын бекітіп, адам құқықтары мен бостандықтарына бұрын назар аударғанын айғақтайды. Әрбір дәуірдің алдыңғы қатарлы ойшылдары адамның құқықтары мен бостандықтарына байланысты теориялық мәселелерді зерттеді, бұл өз кезегінде осы актілерде көрініс тапты. Адам және оның құқықтары мен бостандықтары туралы осы идеялар Қазақстан Республикасының Конституциясына автоматты түрде көшірілген жоқ. Қазіргі Қазақстанда адам құқықтары мен бостандықтарының озық, бәрін қамтитын жүйесін дамыту мен бекітудің өзінің ішкі алғышарттары болды.
Қазақстанда адамның құқықтары мен бостандықтарын қамтамасыз етуде белгілі бір жетістіктерге қол жеткізгеніне қарамастан (объективті бақылаушылардың пікірі осындай) әлеуметтік салада оларды қорғаудың, адам құқықтарын қылмыстық қол сұғушылықтан, шенеунік бюрократизмнен қорғаудың көптеген кемшіліктері мен проблемалары әлі де қалып отыр. Бұл проблемаларды шешу алдағы жылдардағы мемлекеттік органдар қызметінің маңызды бағыттарын құрайтын болады.
