Әділет аттестациялау комиссиясы (Аттестационная комиссия юстиции) – адвокаттық не матеиалдық қызметпен шұғылданғысы келетін үміткерлерді аттестациядан өткізу туралы ҚР заңдарына, ҚР Үкіметінің қаулыларына сәйкес тестілеу және әңгімелесу негізінде заңнама нормалары туралы білімді тексеру және бағалау, сондай –ақ осының негізінде үміткер адамға қатысты белгілі бір шешім шығару мақсатында құрылған тәуелсіз мекеме (құрамына ҚР Әділет органдары, ҚР Адвокаттар одағы, Республикалық нотариалдық палата өкілдері, ҚР Парламенті қос палатасы депутаттары және ғалым-заңгерлер санатындағы жеті адам кіреді).
Адвокаттық қызметті реттейтін заңнама (Законодательство, регулирующие адвокатвою деятельность )- адвокаттық қызметтің тәртібі мен мазмұнын анықтайтын ретте, Қазақстан Республикасы Конституциясында белгіленген тәртіппен қабылданған нормативтік құқықтық актілер жиыны.
Адвокаттық қызметті ұйымдастыру нысандары (Формы организации адвокатской деятельности)- адвокаттың өз қызметін заң консультациясы немесе басқа да адвокаттар мен бірлесіп адвокат кеңсесін құру арқылы не дербес, сондай-ақ заңды тұлғаны тіркемей жеке дара жүзеге асыру құқығы.
