Қаптаушы дәрiлiк заттар – суда ісініп, сілемей тәрізді коллоидты ерітінділер түзетін қасиеті бар индифферентті заттар.
сілемейлі қабаттың бетін жауып, сезімтал нерв ұштарын тітіркенуден қорғайды.
Қаптаушы заттар сіңірілмейді, сондықтан олардың резорбтивті әсері болмайды.
Шығу тегі бойынша 2 топқа бөледі:
1) бейорганикалық типті қаптаушы заттар (алюминий тотығының гидраты, магний трисиликаты);
2) органикалық типті қаптаушы заттар (картоп, жүгері, бидай крахмалы, зығыр дәнінің шырышы, күріштің шырышы, алтей түбірінің түйнегі, кисель).
Фармакологиялық әсерлері: а) қабынуға қарсы; б) іш өтуге қарсы (антидиареялық); в) аналгезиялық; г) жартылай сорғыш.
Қолдануға арналған көрсетімдер: АІЖ-ның қабынбалы процесінде; тітіркендіргіш қасиеті бар заттарды қолданған кезде (крахмал шырышы); клиникалық токсикологияда удың сіңірілуін азайту мақсатында.
