Ақпаратты визуалдаудағы кескіндердің рөлі

Бертін келе ғимарат құрылысы немесе бұйымдарды жасағанда кескіндер орнына сызба қолдана бастаған. Әрине, ол сызба қазіргіге қолайсыздау болған. Ол заманда сызба болашақта салынатын ғимараттың орнында, әдетте жерде, дәлме-дәл өлшемде орындалған. Сол уақытта алғашқы сызба құралдары: ағаштан жасалған өлшегіш шеңберсызар (циркуль) және түйілген арқан пайда болды. Шеңберсызармен керекті өлшемдер жасалса, арқанды пайдаланып тікбұрыш салған.

Одан әрі сызбалар папирус, пергамент, кейінірек қағазға түсіріле бастады. Бейнелер көз мөлшерімен, ешбір масштаб сақталмай орындалған. Сызбада нәрсенің көрнекі пішінімен қатар өлшемдерін де көрсетуге тырысқан. Сызбадағы кескіндер жартылай нобай ретінде берілді. Қағаз бетінде жазбаша түсіндірмелер көп жазылады. Мұндай сызбаларды оқу қиындық тудырған.