Қазіргі күнде ғаламторға қосылған компьютер, интерактивті проектор немесе тақта, қарапайым және 3Dпринтерлер, компьютерлік бағдарламалар (мысалы, AutoCad, SketchUp, 3D SweetHome, Компас 3D LT, Inscape, CIMP, Paint NET, 3D LT Viso жіне басқалар) техникалық сызбалар мен нобайларды орындаудың негізгі құралдары саналады.
Графика (грек сөзі, grapho –жазамын, сурет саламын) – жазықтықта бейнелеумен байланысты визуалды шығармалықтың бір түрі. Мұнда графикалық туындылар көркемөнер, техникалық, ғылыми және басқа түрлерге бөлінеді. Осы салалардың әрқайсысы жеткізілетін ақпаратты визуалдаудың өзіне тән құралдары мен әдістеріне ие.