Арал аудандық мәдениет және тілдерді дамыту бөліміне Арал аудандық орталықтандырылған кітапханалар жүйесі бойынша

Бөген ауылдық кітапханасында Отбасы күніне орай «Отбасы – ұлағат ұясы» атты дөңгелек үстел болып өтті.Шараның мақсаты: Қоғамдағы отбасының рөлін айқындау, ата-аналардың бала тәрбиесіндегі жауапкершілігін арттыру, отбасындағы тәрбиенің маңыздылығын, алатын орнын айқындау, қоғамдық орта, отбасының тұлға қалыптастырудағы міндеттерін жүйелі де нәтижелі жүзеге асыруға бағыттау. Шараға ата аналар,оқушылар ,барлығы-12 адам қатысты.

Осындай шаралар: «Отбасы-Отан айнасы», «Отбасы- өмір аясы»тренинг,қалалық №4 кітапхана,Жақсықылыш қыстақтық кітапхана,«Ұлағатты отбасы-Ұлт құндылығы»өнеге сағаты,қалалық №3 кітапхана.

«Өнегелі –имандылық тәрбиесі» Қалалық №3-ші кітапхананың ұйымдастыруымен  «Қыз бала – ұлттың ұяты, халықтың шырайы» атты дебат болып өтті.Мақсаты: Қазақ қызының бойындағы ұлттық дәстүрімізге сай әдептілік, көріктілік, ептілік, инабаттықылық, кішіпейілділік, сұлулық т.б. жан-жақты ұлттық қасиеттерін таныта білу;Қазақ халқының әдет – ғұрпы арқылы қыз бала тәрбиесіне тән қасиеттерді бойына сіңіру, жаман әдеттерден бойларын аулақ сақтап, жақсы қасиеттерді дарыта білу. Қатысқандар саны-13 оқырман.

Қызылжар ауылдық кітапханасының ұйымдастыруымен Мұханбедин Исаұлының «Иман мен дәстүр хикметтері» атты кітабына кітапқа талдау өткізілді. Шараның мақсаты:«Рухани жаңғыру – болашаққа бағдар» атты бағдарламалық мақала аясында қазақ халқының тарихындағы ислам діні мен дәстүрін насихаттау.Шараға 25 оқырман қатысты.

Қалалық № 1 кітапханада «Лаңкестік-халыққа қарсы қылмыс» атты оқырмандармен ой толғау өткізілді. Кештің мақсаты: Оқырмандарға қоғамның әлеуметтік құқықтық,діни сипаттарын ұғындыра отырып,терроризм,лаңкестік және діни экстремистік бағытта арандатуға жол бермеу туралы түсінік беру.Өмір қауіпсіздігі,жанашырлыққа,бейбіт рухтағы адами қасиеттерге тәрбиелеу. Іс-шараға қатысқандар саны:23.

«Ата заң-еліміздің басты құндылығы»

Қалалық № 4 кітапханада «Айбыныңды асырған, айшықты Ата Заң» атты құқық сағаты өткізілді..Шараның мақсаты: Оқырман қауымға адам құқықтары туралы түсінік бере отырып,әр азаматтардың міндеттерімен құқықтарын білуге,өзіндік шешім қабылдай алуға,Отанын сүйетін,ұлтжанды ұрпақ тәрбиелеу.Қатысқан оқырман cаны 12.

Осындай шаралар: «Ата Заң - қоғамның айнасы»тренинг Жаңақұрылыс ауылдық кітапхана,

«Асқақтатар асқар елді-Ата Заң»дөңгелек стол,қалалық № 3 кітапхана, «Ата заң кемел болашақ кепілі»тақырыптық кеш ,Жақсықылыш қыстақтық кітапхана, «Айбары асқақ Ата заң»

Мерекелік кеш,Бөген ауылдық кітапхана,

«Астана-Тәуелсіз елдің нышаны»

Қалалық № 4 кітапханада «Рухы биік Астана» атты таным сағаты ұйымдастырылды.Кештің мақсаты: Астана қаласы туралы кеңінен мәлімет беру. Астана қаласының қазіргі келбетімен, жетістіктерімен таныстыру. Отан алдындағы жауапкершілікті сезіну қабілеттерін, еліне деген сүйіспеншілік пен құрметті нығайту.Қазақстанның түрлі саладағы жетістіктеріне мақтанышын және жеке табыстарға жетуіне деген ниетін қалыптастыру.

  Қалалық №3 кітапханада Астана қаласының 20 жылдығына орай «Елдігімізді ұлықтаған -Бас қала» атты мерекелік кеш өткізілді.Мақсаты: Астана қаласының 20 жылдығы екендігін хабардар ету, жастардың бойына Отанға ,туған елге сүйіспеншілік пен мақтаныш сезімдерін қалыптастыру,ұлтжандылыққа тәрбиелеу, әсемдікке ой-өрісін кеңейту.Шараға 12 оқырман қатысты.

Осындай шаралар: «Астана – Отанымыздың жүрегі, тәуелсіздігіміздің тірегі»тақырыптық кеш,Орталық кітапхана, «Ертегімсің, сен менің, шыңға айналған Астанам»ертеңгілік ,орталық балалар кітапханасы, «Туған күніңмен Астана!»мерекелік кеш,қалалық балалар кітапханасы,

Жаңақұрлыс ауылдық кітапханада «Туған жер» бағдарламасы аясында «Батыр туар ел үшін, жақсы туар жер үшін» атты таным сағаты өткізілді. Мақсаты: Жаңақұрылыс елді мекенінің белгілі тұлғалары: Сарыайғыр батыр,Пұсырман би, Тәбекен би, Тәжі палуан т.б. тұлғалардың өмірі мен еңбек жолдарын,ерліктерін кейінгі ұрпаққа насихаттау,таныстыру,үлгі ету.

Шараға клуб үйінің қызметкерлері мен мектеп оқушылары,барлығы-20 адам қатысты.

Сексеуіл қыстақтық кітапханасында Сыр өңірінің бас қаласы- Қызылорда қаласының 200 жылдығына орай «Шежірелі Сыр елі» атты библиографиялық шолу өткізілді. Мақсаты: оқырман қауымға Шежірелі Сыр елінің тарихын, мәдени мұраларын етене таныстыру. Іс – шараға қатысқан оқырман саны: 23 оқырман.

Қалалық балалар кітапханасында белгілі ғалым, жазушы, аудармашы, түркітанушы, профессор Немат Келімбетовтың «Үміт үзгім келмейді» кітабын талдау арқылы , жастарды патриоттыққа және адамгершілікке тәрбиелеу, оқу мәдениетін дамыту және рухани жаңғыруға баулу, адам жанының қайсарлығы жан-жақты баяндалған шығарманы жастарға оқыту арқылы, оларды қайсарлыққа тәрбиелеу мақсатында «Сірә, өмірден үміт үзгім келмейді» атты кітапқа талдау өткізілді.Шараға қатысқандар : 28 оқырман.

Қаңтар айында қаладағы №64 орта мектебінің 5-6 сынып оқушылары мен ұстаздарының қатысуымен Халық жазушысы Әбдіжәміл Нұрпейісовтың «Сең үстінде..» шығармасынан оқу-конференциясын өткізілді.

Қаңтар айының 23-ші жұлдызында «Әбдіжәміл әлемі» атты кітаптар көрмесі өткізілді. Көрмеде, Әбдіжәміл Кәрімұлының өмір жолдары мен шығармашылығы

таныстырылды.

Қаладағы №220 орта мектебінің 7 сынып оқушылары мен ұстаздарының қатысуымен Халық жазушысы Әбдіжәміл Нұрпейісовтың «Ақ бидай туралы аңыз» шығармасынан лекция оқылды. Жазушы қаламынан туындаған шығарма оқушыларға жақсы әсер қалдырды.

Ақпан айында қаладағы №2 санитарлық мектеп интернатының 5 сынып оқушылары мен ұстаздарының қатысуымен Қазақ халқының әйгілі әнші –композиторы, ақын Ақан Сері (Ақжігіт) Қорамсаұлының дүниеге келгеніне 175 жыл толуына орай өмір жолдары туралы лекция оқылды

Наурыз айының басында №220 орта мектеп оқушылары мен ұстаздарының қатысуымен 1 наурыз Алғыс айту күніне орай «Ризашылық пен алғыс» атты танымдық сабақ өткізілді. Шара барысында ризашылық пен алғыс туралы, үлкен – кішіге деген сүйіспеншілік, сыпайылық қарым-қатынасын туралы түсінік берілді.

Наурыз айының 19-ында Арал аудандық мәдениет және тілдерді дамыту бөлімінің басшысы Тәңірберген Дәрменов,Арал аудандық орталықтандырылған кітапханалар жүйесінің әдіскері Қапақова Толқын және №13 орта мектебінің 9- сынып оқушыларының қатысуымен «Қазақ халқының салт-дәстүрлері» атты этнографиялық көрме болып өтті.

18-сәуір –Халықаралық ескерткіштер мен тарихи орындар күніне орай «Ескерткіштер –ел тарихы, халық мұрасы» атты көрме өткізілді. Көрменің негізгі мақсаты: Ескерткіштерді құрметтеуге, қорғауға тәрбиелеу. Көрмеге Арал индустриалды-техникалық коледжінің №82 байланыс құрастырушы , кабельші студенттері, қазақ тілі мен әдебиеті пәнінің оқытушылары қатысты.

23-сәуір Жазушы, Ұлы Отан Соғысының ардагері, халық қаһарманы «Қасым Қайсеновтың туғанына 100 жыл» толуына орай өмір жолдары туралы лекция оқылды.Лекцияға қаладағы № 220 орта мектебінің 2 «а» сынып оқушылары мен сынып жетекшісі Өтегенова Нұрбибі қатысты.

Мамыр айының 5 жұлдызында Кеңес одағының батыры Балмағанбетов Мақаштың(1914-1977) өмір жолдарын насихаттау мақсатында «Қазақ батыры» атты лекция оқылды.Лекцияға Жалғыз ағым бастауыш мектебінің 3-4 сынып оқушылары қатысты.

9-мамыр-Жеңіс күніне орай «Батыр бабалар» атты фотокөрме өткізілді. Көрмеге қаладағы №262 мектеп-гимназиясының қазақ тілі мен әдебиеті пәнінің мұғалімі В. Жантөреева мен 8 сынып оқушылары қатысты.

31 мамыр – саяси қуғын-сүргін құрбандарын

еске алу күніне байланысты «Жазықсыз жазаланғандар» атты фотокөрме өткізілді. Кеңес Одағы кезіндегі Қазақстанда салынған еңбекпен түзеу лагерьлерінің тарихына шолу жасау. Көрмеге қаладағы №13орта мектебінің 9 «А» сынып оқушылары қатысты.

4 маусым – Мемлекеттік Рәміздер күніне орай «Мемлекеттік рәміздер – ұлттық мақтаныш» тақырыбында фотокөрме өткізілді. Көрмеге Арал аудандық ішкі істер бөлімі, қаладағы №13орта мектебінің 9 «А» сынып оқушылары, Тоқабай ауылы №248 орта мектебінің 7- сынып оқушылары қатысты.

Тамыз айының 2 жұлдызында аралығында Елбасы Н.Ә.Назарбаевтың «Болашаққа бағдар: рухани жаңғыру» бағдарламалық мақаласы аясында «Туған жердің тұғырлы перзенттері» атты фотокөрме өткізілді. Көрмеге Арал қаласының тұрғындары қатысты.

Қыркүйек айының 4 жұлдызында Жазушы Тәкен Әлімқұловтың туғанына 100жыл толуына орай «Халқым деп соқты жүрегім» атты тағылымдық кеш өткізілді. Кеш қала тұрғындарының қатысуымен өткізілді.

6 наурыз күні Көңілдерге қуаныш пен шаттық сыйлай келетін көктем – аяулы аналарымыз бен әпке-қарындастар үшін ерекше мезгіл. Себебі, сұлулық пен әдеміліктің, жарасымдықтың жаршысындай – 8 наурыз Халықаралық әйелдер күні мерекесі. Мерекеге орай аудандық мәдениет үйінде «Ана–өмір шәрбаты, Ару–әлем сымбаты» атты салтанатты шара өтті. Ғасырдан асқан Жонай Таңымбетова батасынан бастау алған мерекелік кешке аудан әкімі М.Оразбаев қатысып, өз лебізін білдірді.

16 наурыз күні «Ән көңілді әжелер» атты әжелер ансамбльдерінің арасында аудандық байқау өткізілді. Әжелер ансамбілін құру мақсаты, халық әндерін насихаттап халық арасына тарату. Әжелер ансамбілі ұрпақтар сабақтастығына дәнекер болу мақсатында ізін басып келе жатқан жас буын жастарға қазақ әндерін, дәстүр салтын, болмысын, мінезін, бір сөзбен айтқанда ұлттық құндылықтарды насихаттау мақсатында.

21 наурыз күні Ұлыстың Ұлы күні – әз Наурыз мерекесіне орай «Ұлы Наурыз-Қасиетті күн көктем» атты қойылым қойылды. Орталық алаңда ретімен құрылған киіз үйлер сән түзеп, алыстан көз тарта алаң ажарын ашып, мерекелік шараларға ерте жиналған қауымға мерекелік көңіл күй сыйлады.

Қамбаш елді мекенінде "Көңілашар" халықтық мәдени-үгіт бригадасының жанынан құрылған "Нұр шуақ" балалар үгіт тобы Қазақстан Республикасының Президенті Н.Ә.Назарбаевтың 2018 жылдың 10 қаңтар күні Қазақстан халқына жолдаған "Төртінші өнеркәсіптік революция жағдайындағы дамудың жаңа мүмкіндіктері" атты жолдауы аясында "Елбасы жолдауы-Ел үні" атты қойылым-концертпен өз өнерлерін көрсетіп қайтты.

18 сәуір - Халықаралық ескерткіштер мен тарихи орындар күніне орай Арал аудандық мәдениет үйі ауласында орнатылған Жетес би мен Қызжібек пен Төлеген ескерткіштерге мәдениет үйінің қызметкерлері тазалық жұмыстарын жүргізді. Ескерткіштер маңы тазалаынып, әктеу және сырлау жұмыстарын жүргізіп, алдағы уақытта гүл егіліп безендіріледі.

Сонымен қатар «Ескерткіштер-ел тарихы» атты таным сағаты өтті. Шараның негізгі мақсатты ескерткіштер туралы оқушыларға мағлұмат беру, түрімен таныстыру, көненің көзі, болашаққа аманат екенін түсіндіру, ұлттық тарих үшін ерекше маңызы бар елеулі мәдени-тарихи және сәулет ескерткіштері арқылы оқушыны ұлтжандыққа тәрбиелеу.

№2 санаторий интернат оқушыларына Арал қаласындағы ескертіштердің шығу тарихымен таныстырылды. Атап айтар болсақ: аудандық мәдениет үйі жанындағы Жетес би ескерткіші, Қызжібек пен Төлеген, Зейнолла Шүкіров, Кеңестік дәуірдегі Аралдың атын әлемге танытқан, өскелең ұрпақ үшін ұлы дала тарихының аңыз адамы Төлеген Медетбаевты ұлықтау мақсатында орталық алаңындағы «Жастар аллеясына» бюсты, орталық алаңдағы Рәміздер алаңы мен 1941-1945 Ұлы Отан соғысына қатысып қайта елге оралмаған ардагерге арналған ескерткіштерге көрсетіліп, мағұлыматтар берілді. Аудан әкімдігі мен аймақтық «Рухани жаңғыру» орталығының ұйымдастыруымен ХХ ғасырда қазақ әдебиетіне зор үлес қосып, асқар биігіне шыққан Қазақстанның Халық жазушы Әбдіжәміл Нұрпейісовтың шығармашылығынан облыстық қазақ тілі мен әдебиеті пәні мұғалімдері арасында «Теңіз тағдырын толғаған туынды» тақырыбында Ә.Нұрпейісовтің «Соңғы парыз» романы бойынша дебат өткізілді. Дебат аясында "Ә.Нұрпейісовтың шығармалары арқылы оқырмандық қызығушылықты қалыптастыру тәжрибемізден" атты көрме ұйымдастырылған болатын.

Қазақстан халықтарының бірлігі күні мерекесін айдынды Арал жұрты да өзіндік сән-салтанатымен атап өтті. Береке мен бірліктің туы желбіреп, еңбек пен достықтың күйін шертетін «Қазақстан – бірлік пен татулық бесігі» атты мереке ұйымдастырылды. Орталық алаңда қаладағы мектептер мен мекемелердің қатысуымен мерекелік шеру болды.

7 мамыр – Отан қорғаушылар күні «Отанды қорғау-нағыз ердің міндеті» атты мемлекеттік мерекеге орай аудандық мәдениет үйінде салтанатты шара өткізілді. Қазақстан Республикасының Жоғарғы Бас Қолбасшсы, Мемлекет басшысы Н.Ә.Назарбаевтың қатысуымен өткізілген Жауынгерлік парадты тамашалаудан бастау алды.

9 мамыр- Ұлы Жеңіс күні. Жанқияр ерліктің, еңселі елдіктің рухы өрлеген күн. Осы орайда Желбіре жеңіс жалауы» атты меркелік концерт аудан орталығында өткілді. Ерлік жалауы желбіреген шақ.  Жеңіс күні жиынға тыл ардагерлері және мемлекеттік органдар мен әскери бөлімдердің, құқық қорғау органдарының өкілдері және қала тұрғындары қатысты. Айтулы күнді атап өту ең алдымен Арал қаласындағы Семей полигоны мен Чернобыль апатын қалпына келтіруге қатысқан азаматтар құрметіне арналған ескерткіш тақтаға гүл шоқтарын қою рәсімінен бастау алды.

12 мамыр күні Астана қаласының 20 жылдығы, Қызылорда қаласының 200 жылдығы аясында –өткен жылдан бастап дәстүрлі түрде өткізіліп жатқан «МЕН ҚАЗАҚПЫН» дәстүрлі әншілер, термешілер мен күйшілердің телевизиялық мега жобасының аудандық іріктеу туры өткізілді. Байқаудың мақсаты атадан балаға мұра болып келе жатқан төл өнеріміз дәстүрлі ән-күй, термелерді одан әрмен дамытып. Ауданымыздың атынан жобаға 18-40 жас аралығында сегіз өнерпаз қатысып өнерлерін көрсетті.

«Үздік әдіскер-2018» қалалық, аудандық, ауылдық клуб кәсіпорындары әдіскерлерінің арасында облыстық байқаудың аудандық іріктеу туры өткізілді. Байқаудың мақсатты клуб кәсіпорындардағы әдіскерлердің кәсіби денгейін, кәсіби шеберлігін және мәртебесін арттыру, шығармашылық әлуетін неғұрлым толық жүзеге асыруына, олардың қызыметіндегі тйімділігін нығайту үшін жағдай жасау әдіскерлердің үздік іс-тәжірбиесін анықтау мақсатында ауылдық клуб үйлерінен 7 әдіскер қатысып өнер көрсетті. Облыста өткізілетін байқауға Бөген ауылдық клуб үйінің әдіскері Ділжанова Әйгерім, Құланды ауылдық клуб үйінің әдіскері Қарасаева Пернегүл жолдамаға ие болды.

15 мамыр Халықаралық отбасы күніне орай «Отбасы – өмір аясы» атты М.Сыдықовтың отбасылық ансамбльімен кездесу кеші болды. Кеште отбасы мүшелерімен сұхбат жүргізіліп, жанұялық ансамбльдің қызығы мен шыжығы туралы ой бөлісті және өз өнерлерін көрсетті.

20 мамыр күні Мәдеиет пен өнер күніне орай төл меркені атап өту мақсатында «Мәдениет –мәңгілік, өнер өміршең» атты салттанаты кеш өтті. Мерекелік шара барысында мәдениет саласының қызметкерлері марапатталды. Мәдениет саласының өнерпаздарының өнерімен жалғасты.

24 мамыр күні Ерен ерлікті, айбынды жерлесіміз, Қазақстанда жасақталған 73- гвардиялық двизияның ту ұстаушысы, Кеңес Одағының батыры Мақаш Балмағанбетовты еске алуға арналған «Ерлігі-елге мұра» атты рухани тағылымды кеш өткізілді кешке баттырдың ұрпақтары арнай шақыртылды.

4 маусым – ҚР-ның Мемлекеттік рәміздер күні аясында Тәуелсіздігіміздің басты нышаны саналатын Рәміздер алаңының ашылу салтанаты болды.

23 маусым – мемлекеттік қызметшілер күніне орай «Мемлекеттік қызмет - абыройлы міндет» атты мерекелік концерт берілді. Ауданда әр түрлі салада қызмет жасайтын мемлекеттік қызметкерлер марапатталып, ауданға қарасты Райым және Қарақұм ауылдық әкімдеріне қызметтік автокөліктердің кілті табысталды. Мерекелік шарада аудандағы жас мемлекеттік қызметшілер мен өнерпаздар өнер көрсетті.

Аудандық мәдениет үйінде полицейлердің кәсіби мерекесі орай «Полиция – ел қорғаны» атты концерт берілді. Салтанатты шараға аудан әкімі арнайы қатысып, ел қорғандары – полиция қызметкерлеріне табыс, сәттілік және абырой тілейтіндігін жеткізіп, бірқатар аудан полицейлерін марапаттады. Арал аудандық ішкі істер бөлімінің бастығы әріптестерін мерейлі мерекесімен құттықтап, арнайы алғыс хатын табыс етті.

Салтанатты кеш одан әрі аудан өнерпаздарының мерекелік концертіне ұласты.

«Төртінші өнеркәсіптік революция жағдайындағы дамудың жаңа мүмкіндіктері» атты Елбасының жолдауы аясында, Астана қаласының 20-жылдығы қарсаңында аудандық мәдениет үйінде «Астана-болашақтың қаласы» атты аудандық үгіт топтары байқауы өткізілді.

6 шілде - Астана күні мерекесіне орай ауданымыздың орталық алаңында Астана қаласының 20 жылдығына арналған «Төбесінде жарқырап, күн байлаған Астанам!» атты мерекелік қойылым концерт өтті.
Мерекелік кеште аудан өнерпаздары мен талантты жастар өз өнерлерін ортаға салып, көпшіліктің ыстық ықыласына ие болды. Шара отшашумен аяқталды. Айдынды Арал мекені Қамбаш көлі жағасында елордамыз Астана қаласының 20 жылдығы мен Қызылорда қаласының 200 жылдығы қарсаңында шілде айының 12-13 күндері «Арал өңірі балықшыларының IV-слеті» өтті. Шараға облыс әкімі Қырымбек Көшербаев, ҚР Ауыл шаруашылығы министрлігінің өкілдері, ҚР Парламент мәжілісінің депутаттары және қоғам қайраткерлері мен аймақтағы балық шаруашылығының ардагерлері қатысты.

Қазақстан Республикасының Конституциясы күніне орай «Әділеттің ұраны-Ақиқаттың тұрағы» атты салтанатты кеш өткізілді. Ата заңымыды айқындап елдігіміздің егемендігінің белгісінде ата заңымыздың абыройы асқақтауда. Кеште ауданымыздың өнерпадары кеңінен өз өнерлерін көрсетіп қалықтың ықыласына бөленді.

Елбасы Н.Ә.Назарбаев «Болашаққа бағдар: рухани жаңғыру» бағдарламасында өз өмірін халқының болашағына арнаған, өмір жолы өнеге мен тағылымға толы тұлғаларды ұлықтау оларды жас ұрпаққа насихаттау жөнінде баса айтқан болатын. Осы орайда, Тоқабай елді мекенінде Қазақ ССР-нің Мемлекеттік сыйлығының лауреаты, Арал ауданының құрметті азаматы Қуаныш Бердімағанбетовтың 85 жылдығына орай еске алу шарасы өткізілді. Шара аясында ауыл орталығындағы жаңадан ашылған

демалыс саябағында Қ.Бердімағанбетовтың ескерткіш мүсіні ашылып, орталық көшеге еңбек майталманының есімі берілді.

Театрландырылған қойылымнан басталған шарада марқұммен қызметтес болған, көзін көрген ақсақалдар еске алып, естеліктерімен бөлісті.

21 қыркүйек күні аудан тұрғындарына жаңа нысан футбол, волейбол, баскетбол ойындарын өткізетін алаң пайдаланылуға берілді.Спорт алаңының ашылу салтанатына қатысқан облыс әкімінің орынбасары Р.Рүстемов бұқаралық спортқа ден қойған жастардың жаңа алаңдағы футбол ойынын бастап берді.