Арыс қаласының мәдениет және тілдерді дамыту бөлімі мемлекеттік мекемесі /2017 жылдың 9 ай есебі

Көше атаулары жазылған тақтайшалардың дұрыс жазылып, дұрыс орналастырылуымен қатар қаламызда және ауылдық елді мекендерде біріңғай үлгіде жасалынуы көшелеріміздің сәулетін, көркін, арттырып, тарихи, мәдени танымдық тәрбие беретіні анық. Осы орайда республикалық деңгейде, республикалық, облыстық, аудандық маңызы бар қалалардағы, астанадағы, кент, ауыл және басқа да елді мекендердегі көше аншлагтарын жазу және орналастыру жөнінде ұсыным бекітілген, ұсыным ды басшылыққа ала отырып, жұмыс жүргізу жөнінде тұрғын үй-коммуналдық шаруашылық, жолаушылар көлігі және автомобиль жолдары бөліміне, ауылдық округ әкімдеріне хат жолданды. Бүгінде Жиделі ауылдық округі әкімі аппараты осы ұсынымды басшылыққа ала отырып, демеуші көмегімен көше атауларын ілу жұмыстарын жүргізді.

2015 жылы ҰОС 70 жылдығына орай ҰОС–да ерлік көрсеткен батыр аталарымыздың есімін беру туралы Қазақстан Республикасы Премьер-Министрінің тапсырмасына сәйкес атауы жоқ нөмірленген үш көшеге ҰОС ардагерлері-Ә.Жұпарбеков, С.Балабаев, Я.Ысқабаевтың есімдерін беру жөнінде қалалық ардагерлер кеңесінен ұсыныс түскен болатын, ұсыныс республикалық ономастика комиссиясына жолданып, оң шешімін алған көше құжаттары биылғы жылы облыс әкімінің қаулысы және облыстық мәслихаттың шешімімен бекітіліп, әділет басқармасына тіркелді. Арыс қаласындағы Көктем 2 шағынауданындағы №2 көшеге Ә.Жұпарбеков, №3 көшеге С.Балабаев, №4 көшеге Я.Ысқабаевтың есімдері берілді.

Дермене ауылдық округіне қарасты Шаян елді мекенін облыс тұрғындары Бәйдібек ауданының орталығы Шаян ауылымен жиі шатастыратындығын айта келе, елді мекен тұрғындары тарихи маңызы бар Қызылкөпір атауымен қайта атау туралы өтінішіне сәйкес жұмыстар жүргізіліп, 2015 жылы облыс әкімдігі қаулысы мен облыстық мәслихаттың бірлескен шешімін шығаруға тиісті құжаттар жинақталған болатын, 2017 жылы оң шешімін тауып, облыстық әділет басқармасынан тіркеуден өтті. Шаян елді мекенінің атауы Қызылкөпір атауымен ауыстырылды.

Бүгінгі күннің өзекті мәселесі жарнама мен көше бойындағы көрнекі ақпарат құралдарымен жұмыс үнемі жүргізіліп келеді. «Қазақстан Республикасындағы тіл туралы» ҚР Заңының 21-бабын орындау мақсатында жыл басындағы бекітілген жоспарға сәйкес, Арыс қаласындағы жарнамаларды реттеу және қадағалау жұмыстарын жүргізу үшін арнайы топпен коммерциялық нысан иелеріне түсіндіру жұмыстары жүргізілуде. Арыс қаласында халыққа қызмет көрсету орындарының жарнама мәтендерінің заң талаптарына, эстетикалық нормаларға сай болуын, қатесіз жазылуын зерделеу, үйлестіру және қоғамдық бақылауды күшейту мақсатында насихат топтарымен бірлесе отырып, «Сауатты жарнама-қала көркі» акциясы аясында 21.02.2017ж, 14.03.2017ж, 20.04.2017ж, 18-19.05.2017ж. 02.08-04.08.2017ж. аралығында көшелерді аралау жұмыстары жүргізілді. Арыс қаласының көшелеріндегі көрнекі жерлерінде, ғимараттарда, мекемелерде жазылған атаулардың, жарнамалардың қазақ тілінде дұрыс жазылуын қадағалау мақсатында қаланың белсенді жастарының қатысуымен «Көрнекі ақпарат – тіл тазалығының айнасы» атты акция ұйымдастырылды.

14 наурызда мәдениет және тілдерді дамыту бөлімінің бастамасымен, сәулет және қала құрлысы бөлімі, білім бөлімі, тұрғын үй-коммуналдық шаруашылық, жолаушылар көлігі және автомобиль жолдары бөлімі, тілдерді оқыту және дамыту орталығының қызметкерлерінің қатысуымен «Қала - көркі жарнама» акциясы ұйымдастырылды. Акция барысында «Қазақстан Республикасындағы тіл туралы» Қазақстан Республикасының 1997 жылғы 11 шілдедегі №151 Заңының 21-бабы бойынша түсіндіру жұмыстары жүргізіліп, үндеу таратылды.

Бөлім тарапынан «Арыс ақиқаты» газетінде 22.04.2017 жылы №19 санында «Сауатты жарнама-қала көркі» және 29.04.2017 жылғы №20 санында «Сауатты жарнама-жан азық» мақалалары жарық көрді.

Жол бойында көптеп кездесетін жалюзи және натяжной потолок жарнамасы бойыншада жұмыстар жүргізілді, қаланың сәулеттік келбетіне жауапты тұрғын үй-коммуналдық шаруашылық, жолаушылар көлігі және автомобиль жолдары бөліміне бөлімнен хат жолданды.