Қарын(желудок) — ventriculus, s. gaster — азық қорыту түтігінің қапшық тәрізді кеңейген бөлігі. Ол сөл болу, механикалық (азықты қозғау, араластыру, сығу) және биологиялық (микроорганизмдердің көмегімен көп бөлімді қарынның алдыңғы бөлімдерінде) өңдеу, қорыту (сөл қүрамындағы ферменттердің қатысуымен күрделі органикалық заттарды белоктарды қарапайым құрамына ыдырату), қорытылған қоректік заттарды сіңіру, ыдырау өнімдерін бөлу (экскреция) қызметтерін атқарады.
Қарын бөлімдерінің санына байланысты: бір бөлімді және көп бөлімді қарын болып екі топқа, ал кілегейлі қабығының құрылысына сәйкес: безсіз, безді және безсіз-безді немесе аралас қарын болып үш топқа бөлінеді.
