Бұл бағдарламада медициналық этика мен деонтология, терапиялық стоматология кабинетін жабдықтау, құжаттамаларын жүргізу, санитарлық-дезинфекциялық тәртіп, бет-жақ аймағының анатомо-физиологиялық ерекшеліктері, тістердің анатомиялық ерекшеліктері, олардың шығу мерзімдері, гистологиясы, тіс тіндерінің құрамы, қызметі, тістердің ажырату белгілері, тіс формулалары, тістесудің физиологиялық және патологиялық түрлері, стоматологиялық практикада қолданылатын құрал-жабдықтар мен материалдар, стоматологиялық науқастарды тексеру әдістері туралы ақпараттар қарастырылады.
Кіріспе:
Бұл бағдарлама білім алушыларға пән бойынша қажетті білім мен дағдыларды қамсыздандыруға, қашықтықтан оқыту жағдайында оқу нәтижелеріне қол жеткізуге арналған.
- Бағдарлама BLM.KZ автоматтандырылған ақпараттық жүйесі арқылы жүзеге асырылады. Пәнді игеру үшін BLM.KZ-ге енгізілген материалдар қолданылады.
- «Тапсырма» модулі сабақ өткізу үшін байланыс құралы ретінде қолданылады (сауалнама, тапсырмалар, дәрістер, тестілер, чат және т.б.).
- Дәрістерді оnline режимінде Zoom платформасында немесе басқасында жүргізуге болады, ал егер online режимінде өткізу мүмкін болмаса, ofline режимінде өтеді.
- Білім алушылар үшін әр түрлі материалдар дайындалды: үлестірмелі материалдар, дубляжды және дубляжсыз презентациялар, видео, аудио, интерактивті тапсырмалар, ситуациялық есептер, кейстер, графиктер, сілтемелер және басқа Интернет-ресурстар.
