Фотоестелік – күнделiктi өмiрдегi болып жатқан маңызды нақты
оқиғаларды суреттейтiн жанр. Ол күнделiктi қоғам өмiрiн жағымды немесе
жағымсыз жағынан әшкерелейтiн жанр. Фотоестелік жанрын өзiнiң
шындықты ашып көрсете алатын жанрлық ерекшелiгiне байланысты
фотоайыптау деп те атауға болады.
Фотожарқылдақ (вспышка) (Flash) – Лампалы немесе электронды
вспышка түріндегі жарықтың қысқауақытты интенсивті импульсі. Көбінесе,
жарық жетіспейтін түсірілімге қолданылады.
Фотожурналистика – көзқарас пен пікірді фотосуреттердің көмегі
арқылы білдіретін журналистиканың айрықша саласы.
Фотозертхана – пленкаларды айқындап,суреттерді басып шығаруға
арналған жарық өтпейтін бөлме.
Фокустық қашықтық – пленка мен объективтің оптикалық
орталығының арасындағы қашықтық.
Фотоочерк – публицистикалық жанр. Негiзгi бағыты қоғам өмiрiндегi
айшықты бетбұрысқа толы құбылыстарды фотосурет арқылы беру.
Фотоочерк жанрында адамның жеке өмiрi қамтылып қана қоймай, оның
қоршаған ортаға деген қарым-қатынасы көрсетiледi.
