Атырау облыстық дарынды балаларға арналған интернаттық мекемесі бар ұлттық гимназия

Сызу пәнін оқытуда Оқушыларды сызбаларды орындауға және оқуға біліктілігі мен дағдыларын қалыптастыру.

«Сызу» оқу пәні бойынша негізгі жалпы білім беретін бағдарламаның стандарты оқушылардың графикалық дайындығының міндетті деңгейін тағайындайды. Мектептің негізгі сатысында «Сызу» оқу пәнінің базалық білім мазмұнын меңгеру бойынша оқушыларға қойылатын талаптар білім, білік, дағдылар кешені түрінде көрініс табады.

Оқытудың негізгі міндеттері:

• 
  оқушылардың логикалық талдауы мен шығармашылық ойлау қабілеттерін дамыту;
  
• 
  оқушыларды сызбаны рәсімдеудің жалпы ережелерімен таныстыру және оларды сызу аспаптары мен құралдарын тиімді пайдалануға дағдыландыру;
  
• 
  аксонометриялық кескіндер және өзара перпендикуляр жазықтықтардағы тік бұрышты проекциялар туралы тұрақты білім қалыптастыру;
  
• 
  оқушыларға нәрсе пішінін талдау және кеңістік бейнесін оның кескініне қарап анықтау туралы білім беру;
  
• 
  оқушыларды сызбаны орындау барысында қолданылатын шарттылықтармен және ықшамдаулармен таныстыру;
  
• 
  оқушыларды тиянақтылыққа, ынталылыққа, ұқыптылыққа және дербестікке тәрбиелеу;
  

Курсты меңгеру барысында математика, бейнелеу өнері, еңбекке баулу (БМС), технология (НМС) сабақтарында алған білім, білік, дағдылар пайдаланылады.

Сызудың математикамен байланысы ортақ геометриялық объектілерді пайдалануда білінеді, ал бұл объектілер жөніндегі негізгі мәліметті оқушылар геометрия сабақтарында алады. Проекциялау тәсілдерін оқып білу математика мен бейнелеу өнерінен алған білімге негізделген. Математика, еңбекке баулу және технология сабақтарында оқушылар сызуды оқып білу барысында қажет болатын жұмыс істеу амалдарын меңгереді.

«Сызу» оқу пәнінің мазмұны мынадай жалпы білім беру бағдарламалары арқылы жүзеге асады :

- білім берудің негізгі бағдарламасы ;

- қосымша білім беру бағдарламасы ;

Білім берудің негізгі бағдарламасы осы стандарт көздейтін оқушылардың графикалық білім, білік, дағдыларын тереңдетіп, одан әрі қарай жетілдіруге бағытталған графикалық кескіндерді орындаудың және оқудың негізгі ережелерін толық білуді, графикалық операцияларды орындаудың негізгі амалдарын меңгеруді қамтиды .Сонымен қатар бұл бағдарламаға графикалық білім, білік, дағдыларды тереңдетуге және кеңейтуге бағытталатын салалық білім беру бағдарламасы енеді. Қосымша білім беру бағдарламасы «Сызба геометрия негіздері »,

«Біріктірулер мен берілістерді және олардың элементтерін кескіндеу» тәрізді факультативтік курстарды қамтиды. Білім беру бағдарламасына сәйкес жылдық оқу жүктемесінің көлемі: МНС-ның 9-сыныбында аптасына 2 сағат, оқу жылында- 68 сағат.

Оқушылар білуге тиіс:

- сызба рәсімдеудің негізгі ережелерін: пішімдер, масштабатар, сызық түрлері, сызба қаріпі, өлшем түсіру;

- паралель және тік бұрышты проекциялау әдістерін, проекциялардың негізгі қасиеттерін ;

- аксонометриялық проекцияларды алу тәсілдерін және тік бұрышты изометрия мен қиғаш бұрышты фронталь диметриядағы координаттық өстердің орналасуын, сонымен қатар бұрмалану көрсеткіштерін ;

- екі және үш өзара перпендикуляр жазықтықта тік бұрышты проекциялау негіздерін ;

- негізгі және қосымша көрініс алу тәсілдерін, сонымен қатар көріністерді сызбада орналастыру ережелерін ;

- сызбада қималар мен тіліктерді жасаудың және белгілеудің негізгі ережелерін ; қима мен тіліктің айырмашылығын .

Оқушылар мынаған берікті болуы керек:

• 
  сызу құрал – аспаптарын тиімді пайдалануға ;
  
• 
  паралель және өзара перпендикуляр түзулер жүргізуге , шеңберді және түзу кесіндісін тең бөліктерге бөлуге ;
  
• 
  екі түзудің, екі шеңбердің, түзу мен шеңбердің радиусы берілген доғамен түйіндесін салуға ;
  
• 
  параллелепипедтің, призманың, пирамиданың, цилиндірдің, конустың, шардың аксонометриялық проекцияларын салуға;
  
• 
  екі негізгі көрінісімен берілген тетікбөлшектің үшінші негізгі көрінісін салуға;
  
• 
  күрделі емес нәрселердің формасын олардың сызбалары бойынша талдауға және аксонометриялық кескіндер салуға ;
  
• 
  күрделілігі орта дәрежеде болатын тетікбөлшектің бас көрінісін және кескіндердің қажет санын дұрыс тағайындауға;
  
• 
  нәрселердің негізгі проекциялар жазықтықтарына қарағанда орналасуын түрлендіруді жасауға ;
  
• 
  сызбада қажеттілік, қима жасауға ;
  
• 
  КҚБЖ стандарттарымен амал жасауға және анықтамалық әдебиет пен оқулықты пайдалануға ;
  
• 
  алған білімді шығармашылық мазмұны бар және конструкциялау элементтері бар есеп шығару кезінде қолдануға.