Атты Республикалық ғылыми конференция материалдарының жинағы 4 сәуір 2022 жыл
жүктеу/скачать 12,12 Mb. Pdf көрінісі
|
collection-of-the-conference-chemistry
|
Кілтті сөздер: оқу-әдістемелік кешен, химия, онлайн оқу формасы, оқу бағдарламасы, химиялық құрал- жабдықтар. Қазақстан Республикасының Президенті Қасым – Жомарт Кемелұлы Тоқаев қыркүйек айындағы жолдауында білім саласына қатысты мынандай пікір білдірген болатын: «Қазіргі жаһандық өзгерістер кезеңінде түлектің білімі еңбек нарығына шыққанға дейін-ақ жеткіліксіз болып қалуы әбден мүмкін. Сондықтан, құзырлы министрліктің алдында оқу бағдарламаларын жаңа жағдайға бейімдеу міндеті тұр. Бұл – кезек күттірмейтін шаруа»[3]. Президентіміздің осы жолдауы бойынша әлемдік деңгейге сай білім беру жүйесін қалыптастыру үшін түрлі реформалар мен бағдарламалар енгізілуде. 2022 жылдың 9 наурызында Парламент Мәжілісінің жалпы отырысында жоғары білім беруде жаңа онлайн оқыту формасы енгізілетіні хабарланды. Енді ЖОО-лар оқытудың онлайн түрінде белгілі бір оқыту бағыттары бойынша кадрларды дайындай алады. Бұл-заман талабы. Білім сапасын жақсартуға арналған оқу бағдарламаларында қаралатын негізгі мәселелердің бірі мамандық бойынша пәнді оқыту. Пәнді оқытуда оқу үдерісін ұйымдастыру және жүзеге асыруға қажетті оқу әдістемелік кешеннің алатын орны ерекше. Онлайн оқыту формасында оқу – әдістемелік кешен жалпы білім беру қызметін ұйымдастыру элементтерінің бірі болып табылады. Студенттерге пәнді өз бетінше оқып – үйренуге мүмкіндік береді. Пәннің оқу – әдістемелік кешені төмендегі міндеттерді шешеді: - білім беру бағдарламасындағы арнайы мамандықтың орны мен маңыздылығын анықтау; - білім беру бағдарламаның пәнаралық логикалық байланысының жүзеге асуы; - сабақ уақытын тақырыпқа және сабақ түрлері бойынша бөлу; - студенттің өзіндік жұмыстарын аудиториялық және аудиториядан тыс уақытта ұйымдастыру; - оқу және зерттеу үдерістерінің ішінара байланыстарын қамтамасыз ету. Пәннің оқу-әдістемелік кешенінің мазмұны: - оқытудың мақсаты, міндеті, нәтижесі көрсетілген алғы сөз, прериквизиттер және курстың қысқаша мазмұны; - пәннің негізгі (типтік) оқу бағдарламасы (егер пән міндетті компонент болса); - пән бойынша оқыту бағдарламасы; - дәріс құралдары; - пәннің оқу-әдістемелік қамтамасыз етілу картасы; - дәріс кешені (дәріс тезистері, көрнекі және үлестірме құралдар, ұсынылатын әдебиеттер тізімі); - семинарлық (практикалық) сабақтың жоспары; - әдістемелік ұсыныс және семинарлық, практикалық, лабораториялық жұмыстарға нұсқау; 219 - білім алушының өзіндік жұмыстары үшін қажетті әдістемелік нұсқаулықтар: үй тапсырмасына арналған мәтіндер жинағы, жеке тақырыптарға арналған өзіндік жұмыс материалдары, ағымдағы жұмыс түрлерін орындау тапсырмалары, рефераттар және басқа да үй тапсырмаларын тапсыратын уақытты белгілеу, бағалар және әдебиеттер. - білім алушының оқудағы жетістіктерінің бағасы және жазбаша бақылау жұмыстары, мәтіндік тапсырмалар, өзіндік жұмыс сұрақтарының тізбегі, емтихан билеттерінен тұрады[1]. Барлық ақпараттар қамтылған оқу-әдістемелік кешен студенттерге электронды немесе баспа түрінде ұсынылады. Оқу – әдістемелік кешеннің тиімділігі студенттер қысқа әрі нұсқа ақпарат көзімен қамтылады, оқудағы ауырпалықтарды жоюға мүмкіндік алып, нақты пәнді меңгеруде ғылыми және идеялық деңгейдегі практикалық тапсырмаларды орындайды. Студентер тақырып бойынша өзіндік жұмыс жасай отырып, білімдерін ұштайды[2]. Химиялық білім беру процесінде тек оқу және тәрбие міндеттері ғана емес, сонымен бірге студенттердің психофизикалық, зияткерлік және рухани дамуының міндеттері де шешіледі (зейіннің, қиялдың, есте сақтаудың, ойлаудың, сөйлеудің, ерік-жігердің, эмоциялардың, қажеттіліктердің, мотивтердің және т.б. дамуы). Қабілеттерді дамыту үшін студенттерді үнемі өзгеріп отыратын әр түрлі іс-шараларға қосу керек. Бұған теориялық және практикалық жұмыстың оңтайлы үйлесімі арқылы қол жеткізуге болады. Теориялық жұмыс бейнелі және логикалық ойлауды дамытады, ал практикалық жұмыс визуалды-тиімді және практикалық ойлауды дамытады. Мысал ретінде, химия мұғалімі қолдануға болатын әдістер: 1. Мұғалім кез-келген оқу жағдайында студенттерге барлық типтік, сипаттамалық, логикалық жауаптарды беруді үйретуі керек: Бұл химиялық нысанда (химиялық элемент, зат, химиялық реакция, химиялық технология, химиялық өндіріс) ерекше не бар? Бұл химиялық нысан сіз бұрыннан нысандардан несімен ерекшеленеді? 2. Химиялық реакциялар мен процестерді зерттеген кезде мұғалім үнемі студенттерге олар пайда болған сәттен бастап өзгергеннің бәрін байқауға үйретуі керек (жиынтық заттардың жай-күйі, түсі, заттардың еруі, жауын-шашынның түсуі, газдардың, жылудың, жарықтың бөлінуі, иістердің пайда болуы және т.б.). 3. Химиялық мәтіндерді оқу кезінде мұғалім студенттерге мәтіннің мүмкіндігінше көп бөлігіне назар аударуға, тез оқуға, негізгі ойды түсінуге, химиялық терминдердің анықтамасымен жұмыс істеуге үйретуі керек. 4. Студенттерді бірден бірнеше нәрсені орындауға үйрету, бұл назардың дамуына, әсіресе ауысу және шоғырлану сияқты қасиеттердің дамуына әкеледі. Психологтар оқушылардың назарын өз сезімдерінен айналадағы жағдайға ауыстыру пайдалы деп санайды. 5. Химия пәнінің мұғалімі зейіннің шоғырлануы мен таралуын дамытуды үйренуі керек. Мысалы, химиялық эксперименттерді орындау кезінде оқушыларды барлық жабдықтарды (приборлар, реактивтер, материалдар, керек-жарақтар және т.б.) көретіндей етіп өз назарын аударуға және сонымен бірге реакциялық пробиркаға шоғырландыруға жағдай жасау керек. 6. Химия пәнінің мұғалімі студенттерге мүмкіндігінше химиялық затты елестетуге және жадына сурет түрінде бекітуге көмектесуі қажет. 7. Химиялық білім беру процесінде химия мұғалімі студенттерге химиялық заттарды немесе олар туралы ақпаратты суреттер, символдар, схемалар, символдар түрінде суреттеуге, тиісті суреттерге мүмкіндігінше шығармашылық қиялды енгізуге үйретуі керек. 8. Химия пәнінің мұғалімі студенттерге химияны зерттеуде қолданылатын көлемді модельдер мен макеттерді әртүрлі проекцияларда суреттеуге немесе химиялық затты, мысалы, химиялық құрылғыны елестетуге үйрете алады[1, 135 б.]. Пән бойынша оқу – әдістемелік кешенді қолдана отырып білім беру – оқытудың жаңа әдістерінің бірі деп қарастыруға болады. Оқу-әдістемелік кешеннің құрамына енетін әрбір құралдың өзіндік орны мен маңызы бар. Оқу-әдістемелік материалдардың құрылымдық жүйелі кешені студенттердің пән мазмұнын сапалы игеруін қамтамасыз етеді және кәсіби маңызды құзыреттерді тиімді қалыптастыруға мүмкіндік береді.Оқу үрдісінде оқу-әдістемелік кешенді тиімді пайдалану білім сапасынның жоғары деңгейге көтерілуіне жол ашады. жүктеу/скачать 12,12 Mb. Достарыңызбен бөлісу:
|