Аудан әкімінің 2013 жылдың қорытындылары бойынша аудан тұрғындарымен есепті кездесуінде сөйлеген сөзі
жүктеу/скачать 0,64 Mb.
|
| Денсаулық сақтау
Білім беру Ауданда 50 білім ұйымдары жұмыс жасайды- 22 орта, 1 орталау мектеп, 3 мектептен тыс және 24 мектепке дейінгі тәрбие беру мекемелері. Жалпы аудан бойынша 22 орта, 1 орталау мектепте 8792 оқушы оқып білім алуда. Аудан бойынша мұғалімдерінің жалпы саны 1359. Орта білім берудің жалпыға міндетті стандартына сәйкес 10-11 сыныптарда бағдарлы оқыту жүзеге асырылуда. 10-сыныпта 489 оқушы , 11-сыныптағы 453 бітірушінің жаратылыстану және қоғамдық-гуманитарлық бағытта білім алуда. Бүгінгі таңда ауданда 24 мектепке дейінгі балалар мекемелері жұмыс жасауда, оның 2-уі мемлекеттік болса (190 бала), 19-і мемлекеттік коммуналдық қазыналық кәсіпорында 1524 бүлдіршін, 3 жекеменшік балабақшада 170 бала тәрбиеленсе, 16 шағын 573 бүлдіршін тәрбиеленуде. Барлығы аудандағы 0-6 жас аралығындағы 6050 баланың 2457-і балабақшамен яғни 84,1 пайыз қамытылуда, яғни 2013 жылдың 1 қыркүйегінен бастап «Балапан» бағдарламасының аясында Төретам кентінен 50 орындық «Наурыз», Ақай ауылынан 60 орындық жекеменшік балабақшалар ашылды және алдағы уақытта жұмыс жасап отырған балабақшалардан,мектептердің жанынан қосымша топтар, шағын орталықтар ашу жоспарлануда. Атап айтсақ 12 топқа 295 балаға мемлекеттік тапсырыс орналастырылды. Биылғы жылы 2 білім ордасы қолданысқа берілді. Көмекбаев аулынан №185 орта мектепке 24 320,0 мың теңге қаржы қаралып, ұжым 300 орындық жаңа ғимаратқа көшті. Төретам кентінен 600 орындық №269 орта мектеп ашылды. Оған облыстық бюджеттен 61 785,0 мың теңге қаралды. 2013 жылы №80 мектеп-гимназия, №106, №113 орта мектептерді химия кабинетімен жабдықтау үшін республикалық бюджеттен 12 291,0 мың теңге қаржы бөлінді. Үйден оқытылатын мүгедек балаларды компьютерлік құрал-жабдықтармен қамтамасыз ету үшін республикалық бюджеттен 65 178,0 мың теңге қаржы бөлініп, оның ішінде нақты бала санына қарай 14 997,0 мың теңгесіне мемлекеттік сатып алу жүргізіліп, оқушылар тиісті құрал-жабдықтармен қамтылды. Өткен оқу жылы «Химия жылы» деп белгіленіп, бірқатар іс-шаралар өтті. «Химия жылының» қорытындысында «Үздік мектеп», «Үздік мектеп директоры», «Үздік пән мұғалімі», «Үздік оқу ісі орынбасары», «Үздік сынып жетекшісі» , «Үздік ғылыми жетекші» номинациялары анықталып, марапатталу рәсімі тамыз кеңесінде өткізілді. Ұлттық біріңғай тест қорытындысымен үздік нәтиже көрсеткен педагогикалық ұжымдарды анықтап, тәжірибесін таратуға негізделген бұл байқаудың қорытындысы бойынша №250 мектеп лицейі «Үздік мектеп» деп танылып, аудан әкімінің 1 миллион теңге көлеміндегі сыйақысын иеленді. Облыс көлеміндегі үстіміздегі жылдың қазан айында ұйымдастырылған «Үздік жыл әдіскері-2013» байқауына аудандық оқушылар үйінің әдіскері Ербол Жұмабеков қатысып, жүлделі ІІ орын алды. Облыс әкімінің білім саласы қызметкерлеріне жылма-жыл тағайындайтын сыйақысына биылғы оқу жылында кент орталығындағы Ү.Томанов атындағы №183 орта мектептің химия пәнінің мұғалімі Көбекова Манат 1 млн теңге көлемінде ие болып, аудан мәртебесін көтерді. 2013 жылдың қыркүйек айында өткен облыстық «Үздік тарих пәнінің мұғалімі-2013» байқауында №269 орта мектептің тарих, құқық пәнінің мұғалімі Г.Жакеева дипломант атанды. «Өрлеу» Біліктілікті арттыру ұлттық орталығы» акционерлік қоғамының филиалы Қызылорда облысы бойынша педагог қызметкерлердің біліктілігін арттыру институтының ұйымдастыруымен өткен облыстық «Дидактикалық материалдар» байқауында Төретам кентіндегі №80 мектеп-гимназияның бастауыш сынып мұғалімі, логопед А.Абдрашова І, Жосалы кентіндегі Ү.Томанов атындағы №183 орта мектептің физика пәнінің мұғалімі М.Хасенова ІІІ орын алып қайтты. Облыстық «Үздік психолог-2013» байқауынан №250 мектеп-лицейдің психологы Қ.Алданазарова ІІІ орын алды. №29 мектептің орыс тілі мен әдебиеті пәні мұғалімі Қыржықбаева Рауа Амзеевна Ресейдің Санкт-Петербург қаласындағы «Перспективы развития системы непрерывного экологического образования» атты семинарға қатынасып, дипломмен және аудан оқушыларының экологиялық тақырыптағы суреттері Халықаралық көрмелерге қойылды. 2012-2013 жылында ауданымыз үшін білім саласында ерекше жетістіктерге жеткен жылы болды. Халықаралық, республикалық, облыстық олимпиадалардан, ғылыми жобалардан жүлделі орындарды иеленді. Сонымен бірге аудан оқушылары қашықтықтан ұйымдастырылған Халықаралық «Успех» олимпиадасына қатысуды дәстүрге айналдырды. Жалпы білім беретін Республикалық олимпиаданың 2012-2013 оқу жылындағы облыстық кезеңінен 5 оқушы жүлделі орындарға ие болып, Тараз қаласында өткен Республикалық кезеңіне №186 мектептің 10 сынып оқушысы Бекниязова Гүлшат құқық пәні бойынша 3 орынды және №250 мектеп-лицейінің 11 сынып оқушысы Айшықова Гүлжазира алғыс хатпен марапатталды. Республикалық І «Өзін-өзі тану» пәні бойынша №30 мектептің 8 сынып оқушысы Шакизада Альбина ІІІ орынды иеленді. 2013 жылдың 5-6 қараша айында Алматы қаласының «Ғалым гимназия» базасында «Өмір ғылым» атты ІІ Халықаралық оқушылар конференциясына аудандық оқушылар үйінің жетекшісі Өткелбаева Айгүл І орын, оқушылары І,ІІ орындарын иеленді және 7-8 қазан аралығында өткен Астана қаласындағы «ЭКСПО-2017» Халықаралық оқушылар конференциясында да №27 мектептің 9 сынып оқушысы Г. Іскендирова ІІІ орынды алды. 2013 жылы 10 желтоқсан айында Қызылорда қаласындағы №264 мектеп-лицейінде өткізілген Республикалық жалпы білім беретін пәндер бойынша ғылыми жобалар байқауына ауданнан 19 оқушы қатынасып, нәтижесінде 7 жүлделі орынды иеленді. Жүлделі орын алған оқушылар конкурстың ІІІ кезеңіне қатысуға жолдама алды. 1-7 сынып оқушыларының зерттеушілік жұмыстары мен шығармашылық жобаларының Зерде ІХ республикалық конкурсының І кезеңі /аудандық/ өткізілді. Нәтижесінде, жүлделі орын алған оқушылар облыста өтетін конкурсқа 5 оқушы жолдама алды. 2013 жылдың 10 желтоқсанында Республикалық жалпы білім беретін пәндер бойынша ғылыми жобалар байқауына ауданнан 7 оқушы жүлделі орын иеленді. Жүлделі орын алған оқушылар аталған конкурстың ІІІ кезеңіне қатысуға жолдама алды. 2013 жылы 1 желтоқсан күні ҚР Тұңғыш Президент күніне орай «Келешекке жастық жалынмен» атты аудандық жастар форумынан білім қызметкерлері №107 мектептің ғылыми-әдістемелік орынбасары Бекенов Шыңғыс «Үздік жас қаламгер», №113 мектептің биология пәні мұғалімі Каденова Толқын «Үздік жас мұғалім» номинациясына ие болды. Қызылорда қаласында ұйымдастырылған «Ғажайыпқа толы Жаңа Жыл» тақырыбындағы Президент шыршасына ауданнан әлеуметтік қорғалуға тиісті 8 оқушы қатысып, ноутбук алып қайтты. 2013 жылдың қорытындысы бойынша ауданның білім саласының ардагері З.Алимбаев «Ауданның құрметті азаматы» атағын алды, ал Қуаңдария аулындағы №186 орта мектептің тарих, құқық пәнінің мұғалімі А.Өтешбаев «Ауданның үздік мұғалімі» номинациясына ие болды. Информатика пәні бойынша Халықаралық қашықтық олимпиадасынан №250 мектептің 3 оқушысы жүлделі орындарды иеленді, олар: 5 сынып оқушысы Құрманалиева Аида, Әлиев Данияр мен 9 сынып оқушысы Қошалақов Алмас. Мұғалімі информатика пәні мұғалімі Серік Динара. Азербайжан елінің Баку қаласында Түркі халықтарының жыр-терме сайысына №30 мектептің 7сынып оқушысы Бақытова Тоғжан қатысып, ІІ орын алып қайтты. Республикалық Ішкі Істер министрлігінің ұйымдастырған «Есірткіге жол жоқ» атты Республикалық шығармалар байқауына қатысқан №183 орта мектептің 10 сынып оқушысы Г.Атуллаева грамотамен, бағалы сыйлықпен марапатталды. Республикалық, халықаралық жарыстардан (самбо,қазақша күрес, жеңіл атлетикадан т.б) 30 оқушы жеңімпаз жүлдегер атанды. Республикалық «Ы.Алтынсарин-2013» пәндік олимпиадасының қорытындысы бойынша №250 мектеп-лицейінің 11 сынып оқушысы Құдабаева Фариза және №121 орта мектебінің 11 сынып оқушысы Нағашыбай Назерке жеңімпаз атанып, Ректор грантын жеңіп алды. Республикалық пәндік олимпиаданың ІІ кезеңіне аудан бойынша 791 оқушы қатысып, оның 178-і жүлделі орындармен марапатталды. Олимпиаданың қорытындысы бойынша Республикалық олимпиаданың ІІІ кезеңіне /облыстық/ ауданнан 24 оқушы жолдама алды. Аудандық Төретам кенті №80 мектеп-гимназия базасында Қ.Игенбаев атындағы математика пәнінен олимпиада ұйымдастырылып келеді. Тараз қаласы мемлекеттік университет базасында өткізілген Халықаралық студенттер мен оқушылар арасындағы «Жас ғалым-2013» ғылыми-практикалық конференциясына аудандық оқушылар үйінің «Өлкетану» үйірме жетекшісі Қосанова Айгүл және үйірме оқушылары жүлделі ІІ, ІІІ орындарын иеленді. Қорқыт ата атындағы мемлекеттік университет базасында облыстық «Жас ғалым-2013» 10-11сыныптар арасындағы ғылыми жоба жарысына математика бағытымен №183 орта мектебінің 10 сынып оқушысы Тиынов Шамшырақ жүлделі 2 орынды алды. 2013 жылдың мамыр айында Республикалық Ақтөбе қаласында болған Кіші ғылым Академиясының №26 мектептің 11 сынып оқушылары Болатбекова Назерке мен Жалғасбаева Малике І орындарды иеленді. «Жырлайды жүрек» М.Мақатаевтың өлеңдерін оқудан бесінші Республикалық байқаудан №109 мектептің 9 сынып оқушысы Кәрібаев Шерхан ІІІ орын алды. «Атабаев тағлымы-ІІІ» атты республикалық педагогикалық оқуға ауданнан 5 мұғалім қатысып, олардың жұмыстары жинаққа енді. Астана қаласында өткен «Қазақстандық филологиялық білім беруді дамытудың негізгі басымдықтары» тақырыбындағы Қазақстан филологтарының І съезіне №250 мектеп-лицейінің филолог педагог, қазақ тілі мен әдебиеті пәні мұғалімі Қаратаева Райкүл қатысып қайтты. Астана қаласында «Л.Н.Толстой және Қазақстан» атты Халықаралық тарихи-әдебиеттік конкурсында жүлделі ІІ орынды алғаны үшін марапаттау рәсіміне №99 мектептің 11 сынып оқушысы Жайшылықова Гүлзат пен 10 сынып оқушысы Салмырза Еңлік, жетекшісі орыс тілі мен әдебиеті пәні мұғалімі Есхожа Шәргүл қатысып марапатталып қайтты. 2013 жылдың 8 қарашада аудандық VІІ «Ү.Қошалақов» атындағы математикалық олимпиада №105 орта мектеп базасында болды. Оған аудан бойынша 74 оқушы қатынасып, жүлделі орындармен марапатталды. 2012 – 2013 оқу жылында Қазақстан Республикасы Білім және ғылым министрлігінің «Педагог кадрлардың біліктілігін арттыруды ұйымдастыру жөніндегі нұсқаулықты бекіту туралы» 2013 жылғы 4 қаңтардағы №1 бұйрығын басшылыққа ала отырып, Кембридж университетінің Білім беру факультетімен бірлесіп, аудан бойынша жоспарға сәйкес 102 тыңдаушы білім жетілдіру курстарынан өтті. Бұл аудан мұғалімдерінің 13% құрайды. «Өрлеу» біліктілікті арттыру ұлттық орталығы» акционерлік қоғамының филиалы Қызылорда облысы бойынша педагогикалық қызметкерлердің біліктілігін арттыру институт базасында 10 күндік оқуға 45 тыңдаушы, көшпелі курсқа 25 тыңдаушы қатысып өз білімдерін жетілдірді. Қазақстан Республикасы білім беру жүйесінің басшы және ғылыми – педагогикалық қызметкерлерінің біліктілігін арттыратын республикалық институт базасында өткізілетін 10 күндік курсқа – 25 тыңдаушы қатыстырылды. Бұл аудан мұғалімдерінің 7% құрайды. 2012-2013 жылы 1-10 сынып аралығында 8411 оқушының 7529-ның (89 пайызы) жазғы демалыс және еңбекпен қамту жұмыстарын жүзеге асырылуы жоспарланып, нәтижесінде 8121 оқушы қамтылып,96 пайызға орындалды. Жалпыға міндетті оқу қорынан мектеп жанындағы лагерьге 4.705 мың (38 пайыз), сыртқы лагерьге 7633,5 теңге (62 пайыз) барлығы жазғы тынығуға 12 338,5 қаржы бөлінді. Жаз мезгілінде 1713 оқушы еңбекпен (1262 көркейту-көгаландыру бригадаларында, 451-і еңбек бригадаларында) 1-20 маусым аралығында қамтылды. 2-4 шілде аралығында 60 оқушы тарихи-танымдық жорыққа экскурсияға (Алтыасар, Жетіасар, Ыстық бұлақ, Т.Көмекбаев, Қарақ тауы, Қосқала, Шірік -Рабат, Сырлытам, Кекірелі) барып үлкен әсермен оралды. Аудандағы 22 мектептің 510 оқушысынан 294 оқушы тест тапсыруға қатысты.Орташа баллы -75,64. ҰБТ қорытындысымен 7 бітіруші «Алтын белгі», 3 үміткер «Үздік аттестат» иегері атанды. 2012-2013 оқу жылындағы нәтижесі бойынша ауданның 87 мектеп бітірушісі мемлекеттік грант жүйесі арқылы жоғарғы оқу орындарына түсті. Облыс әкімінің грантына ауданымыздан 14 оқушы жоғары оқу орнына түсті. жүктеу/скачать 0,64 Mb. Достарыңызбен бөлісу:
|