29. Стерильді қолғапты кию және шешу алгоритмі. Залалсыздандырылған қолғапты кию
Мақсаты: пациенттің және медициналық қызметкердің жұқпалық қауіпсіздігін қамтамасыз ету. Қолғап пациенттермен, оның биологиялық бөліністерімен жанасқанда кәсіптік жұқтырудың қауіп-қатерін төмендетеді, аурухана ішілік инфекцияның алдын алады.
Қолдану көрсетілімдері: инвазивтік емшараларды орындағанда, кез келген биологиялық сұйықтықтармен жанасқанда, пациент және медицина қызметкерінің терісінің бүтіндігі бұзылғанда, эндоскопиялық зерттеулерді және манипуляцияларды жасау кезінде, клинико-диагностикалық, бактериологиялық лабораторияларда пациенттерден алынған материалдармен жұмыс істегенде, инъекциялар жасағанда, пациентті күту кезінде.
Дайындаңыз:залалсыздандырылған ораудағы қолғапты, қауіпсіз жинауға және жоюға арналған контейнерді.
