Техникалық жасақтама – Техническое обеспечение– оқу процесінде пайдаланылатын техникалық құралдар жиынтығы.
Техникалық шарттар – Технические условия – талаптарды белгілейтін құжат. Ескерту: Техникалық шарттар типін белгілеу үшін өнімге техникалық шарттар, сынаққа техникалық шарттар сияқты анықтауышты пайдалану керек. Тиісті тексеруді жүзеге асыруға болатын техникалық шарттарда сілтамелер бар болуы немесе схемалар мен басқа да тиісті құжаттарды қамтуы және тәсілдер мен өлшемдерді көрсетуі тиіс.
Топология (Topology) – желінің құрылымы немесе желіні құру мен жүргізу, жиірек желілік архитектураға тәуелді болады.
Торап – Host – узел– Internet-ке қосылған кез келген компьютерлік жүйе немесе құрылғы.
Транслятор – бағдарламаның бастапқы кодын процессорға түсінікті объектілік кодқа (машиналық кодқа) түрлендіру үшін арналған қызметтік бағдарлама. Трансляторлардың екі типі болады: компиляторлар мен интерпретаторлар.. Трафик– телеқатынастық желісі бойынша берілетін хабарлар жиынтығы.
Тренажер – әр түрлі машықтарды игеру мен бекітуге арналған, әдетте машықтардың қол жеткен деңгейін бағалау құралдарын және жаттықтырушы әрекеттер қарқындылықтарының (күрделіліктерінің, жылдамдықтарының және т.б.-ының) сәйкес өзгерістерін қамтитын бағдарламалық-аппараттық кешен.
