Байланысты: ПО 042-33 27 01-2014 Баспа №1. 03. 09. 2014
Қашықтан оқытуда лекцияны жазу үшін аудио және видео кассеталар, СД-РОМ дискілер қолданылады. Жаңа ақпараттық технологияларды қолдану (гипермәтін, мультимедиа) лекцияларды көрнекі және мәнерлі етеді. Лекцияны құру үшін кинемотогрофтың барлық мүмкіндіктерін: режиссура, әртістер, сценарий және т.б, қолдануға болады. Мұндай лекцияларды кез-келген қашықтықта және кез-келген уақытта тыңдауға болады. Сонымен қатар материалды конспектілеу қажет етілмейді.
Қашықтан оқытуда семинар сабақтары-оқу сабақтарының белсенді формасы болып табылады. Бұл семинарлар видеоконференциялардың көмегімен жүргізіледі. Оқытушы материалдың меңгерілгендігін дискуссия кезінде оқушының белсенділігі бойынша бағалай алады.
Ал, консультация беру үшін телефон және электронды почталарды, сонымен қатар телеконференцияларды қолдануға болады. Консультация педагогқа оқушының жеке қасиеттерін (интеллект, назар, есте сақтау, ойлау) бағалауға көмектеседі.
Лабораториялық жұмыстар материалды практикалық меңгеруге және іскерлікпен дағдысын дамытуға бағытталған. Дәстүрлі білім беру жүйесінде лабораториялық жұмыстар арнайы жабдықтарды, макеттер, тренажерлардың, химиялық реактивтерді талап етеді.
