Түсті ажырату– Цветовое разрешение – экранда бір мезгілде жаңғыртылатын әр түрлі түс реңктерінің максималь санын анықтайтын параметр. Нақты компьютердің мүмкіндіктерін бейнеадаптердің пайдаланылатын картасы және монитор анықтайды. Windows 95-ке қойылатын ең аз талап –16 түрлі түс, Windows 98-ге– 256 түрлі түс.
Тыңшылық бағдарламалық жасақтама – Шпионское программное обеспечение (Spyware) – сіз Интернетте не істеп жатқаныңыз туралы сіздің рұқсатыңызсыз ақпаратты әлде-кімге жөнелтетін бағдарлама.
Тышқан – Мышь – графикалық операциялық жүйелерде оңтайлы жұмыс істеуді қамтамасыз ететін орынды анықтайтын құрылғы түрі.
Тышқан көрсеткіші – Указатель мыши – орынды анықтау құрылғыларын пайдалану кезінде орны өзгеретін экрандағы таңбаша. Жанама мәтіндік сезгіштікке ие бола алады.
Тізбекті порт – Последовательный порт – компьютерге шеткері құрылғыларды қосу үшін арналған порт Параллель порттан айырмашылығы сол, мәліметтердің биті ол арқылы тізбектей беріледі. Қазіргі уақытта тышқан мен модемді компьютерге тізбекті порт арқылы қосады.
Тьютор – базалық оқу мекемесі сертификаттаған оқытушы-кеңесші (нұсқаушы, жетекші) немесе тұлғалық оқуды ұйымдастыруда көмектесетін және нақты оқу бағдарламасы көлемінде оқу процесінде оқу-әдістемелік басшылықты жүзеге асыратын оқушының кураторы.
Тьютор – базалық оқу орындарында оқу бағдарламасы бойынша оқу процесін жүргізу, сабақтар-кеңестер өткізу құқығына базалық оқу орнындарында сертификацияланған оқытушы-кеңесші.
