Қазақ тілі сабағында қолданылатын жаңа бағыттағЫ Әдіс түрлері адылова Динара Ташкенбаевна Төлеби ауданы «Жыланбұзған»



Дата22.08.2017
өлшемі81,09 Kb.
#23843
ҚАЗАҚ ТІЛІ САБАҒЫНДА ҚОЛДАНЫЛАТЫН ЖАҢА БАҒЫТТАҒЫ ӘДІС ТҮРЛЕРІ


Адылова Динара Ташкенбаевна

Төлеби ауданы «Жыланбұзған» жалпы орта мектебі, қазақ тілі мен әдебиеті пәнінің мұғалімі

Қазақ тілі - оқушыға өмірге араласқанда оның қоғамдағы қызметіне көмегін тигізетін, күнделікті өмірінде қажетіне жарайтындай білім бере алатын аса білікті пәндердің бірі. Ғасырлар тоғысындағы қоғамдағы күрделі өзгерістер , білім беру сапасына жаңа көзқарас, жаңа ағым, жаңа сапалық деңгейге көтеретін іс - әрекет әкелгені заңды құбылыс. Осыған байланысты менің міндетім - мәдениетті түрде білімімен, іскерлігімен қазақ тілінің мемлекеттік тіл ретінде мәртебесін көтеру, осы мақсатқа жететіндей тиімді жол арқылы жүзеге асыру. Қазіргі кезде мектеп оқушыларына терең де, тиянақты білім беруді заман талап етеді. Бұны іске асыру үшін оқу – тәрбие барысының ең басты маңызды мәселесі сабақта жаңа бағыттағы әдістерден пайдалану. Қай әдісті пайдаланған жақсы? Жалпы тіл үйретудің өзінде толып жатқан әдіс бар. Сол әдістерді әр әдісқой өзінше өзгертіп қолданған түрлерін сөз қылсақ, әдіс түрлерін айтып бітіре алмас едік. Бұған дейін сөз болған тіл үйрету әдістердің негізгі түрлерін алып, солардың қайсысы жақсы деп сауал қояр болсақ , оған ешкім мынасы жақсы, мынасы жаман деп кесіп айтып, тура жауап бере алмайды. Педагогикалық технологиялар көп түрлі болуына қарамастан, олардың іске асуының екі ғана жолы бар. Біріншісі - теориялық негізде орындалуы (В.Б.Беспалько,В.В.Данилов,В.К.Дьяченко және т.б.), екіншісі - тәжірибемен жүзеге келуі (Е.Н.Ильин,С.Н.Лысенкова,В.Ф.Шаталов ж.т.б). Я.А.Коменский- ұлы педагог, ғұлама XVI - ғасырда-ақ оқудың «техникалық» ( яғни «технологиялық») болатынын уағыздап , оның мүлтіксіз нәтиже беретін жолдарын іздестіріп бақты. Коменский заманынан бастап, оқуды мүлтіксіз әрекеттегі механизмге сәйкестендіру ұмтылысының талайы күні бүгінге дейін басылған емес.[Оразбаева Ф.Тілдік қатынас пен қатысым әдісінің ғылыми-теориялық негіздері.Алматы,1996ж] Кейін оқу технологиясы жөніндегі көптеген тұжырымдар толықтырылып , нақтыланып отырды. Әсіресе, техникалық прогрестің әрқилы теориялық және практикалық қызметтер аймағына енуімен оқуды технологизацияластыру идеясы нығайып, іске асырыла бастады.(П.Я.Гальперин, Н.Ф.Талызина, Ю.К.Бабанский және т.б). Осы заманғы дидактикада әрқилы оқу технологиялары көрініс беріп жүр. Олардың көп түрлі болу себебі - әр автор мен орындаушының педагогикалық процеске өзінше жаңалық қосып, технология өзгеріс ендіріп баруымен байланысты. Оқу нәтижесін арттыру үшін мұғалім ең алдымен педагогикалық шеберлігі үстінде ізденуі тиіс. Мен де өз үстімде көп ізденіп, сабағымда әр түрлі әдістерді қолдана бастадым.Мысалы: «бартер», «акция», «финиш», «бумеранг», «нартәуекел», «бизнес» т.б жаңа бағыттағы әдістермен сабақ бере бастадым. Міне, осындай жаңа бағыттағы әдістер арқылы оқушыларды өз пәніме қызықтыра бастадым. Менің бұл еңбектерім өз жемісін берді. Базар экономикасында , «бартер мағынасы ақшаға товар алмасу емес, ал затқа -зат алмасу», соған сәйкес оқушылар сұрақ –товар дайындап келеді де оқушылар бір-бірімен товар алмасады немесе өздерінің жазбаша сұрағын бір-біріне береді. Белгіленген уақытта жауаптарын алмастырып , қарсы топтың жауабын өздері тексеріп анализ жасайды. Институтты бітіріп келген мұғалім ең алдымен новатор мұғалімдердің сабағына кіріп, тұрмыс, сыртқы орта және соңғы жаңалықпен байланыстыра білім беріп , сабақты мазмұнды ұйымдастыра білу керек. Осы орайда мен өзімнің іс-тәжірибемді ортаға салмақшымын. Мұғалім оқушылар алдына тұңғыш келгендегі өзін тұтуы, жүріс-тұрысы, сөйлеуі сол сыныппен болатын бірнеше жылдың жұмысының «кілті» болып табылады. Себебі оқушылар «кіші психолог», олар жаңадан келген мұғалімнің «тамырын басып көреді», мұғалім әлсіздеу болып, тұңғыш сабағын дұрыс бере алмаса, мұғалім-сынып иесі емес, ал келген қонақ болып қала береді. Ал егер, 1-сабаққа келгеннен бастап,оқушылармен танысу сабағымен бастаса, оқушы мен ұстаз арасындағы қарым-қатынас мейірімділікпен басталады. Танысу сабағында үшбұрыш сызып, төбесіне –тарихым, оң жағына - кемшілігім деп, мұғалім ойынды бастайды. Менің тарихым деп аты-жөніңді, өзіңнің тарихыңды айтып, жетістігінің өз білімін, мейірімің, ал кемшілігіңе тәртіп бұзар оқушыларды аямайтындығыңды айтып өтесің. Оқушыларға кезек беріп, сыныппен танысасың. Сол күні үйге тапсырмаға қосымша ретінде «өмірбаян» типіндегі «Менің тарихым» деп мақала жазуды тапсырамын. Сол мақаласы арқылы оқушы темпераментін, мінезін, өмірдегі қызығушылығын, нені қадір тұтатынын, немен мақтаныш ететінін біліп аламын.

Жаңа тақырыпты түсіндірместен алдын мұғалім өз алдына үш сұрақ қоюуы шарт: 1. Не үшін оқытамын? 2. Неге оқытамын? 3. Қалай оқытамын? Бірінші сұраққа білім стандарты жауап берсе, екінші сұраққа таңдаған мамандығым жауап береді, «қалай оқытамын?» деген сұраққа – мұғалім шеберлігі, жаңа оқыту әдістері шешіп береді. Мұғалім қанша білімді, сана сезімі жоғары, ойлау қабілеті күшті болса, жаңа оқыту әдістерін ойлап таба беру і мүмкін. Егер сабақты бүгінгі күні тұрмысымен байланыстыру керек, себебі оқыту, тәрбиелеу – мұғалімнің басты міндеті. Жаңа тақырыпты түсіндіріп болған соң «бумеранг» әдісін қолданамын. Бумеранг – ұшырып жіберсең өзіңе қайтып келетін құрал. Жоғары сыныптарда жаңа тақырыпты ұшырғаныңды- түсіндіргеніңді, қай оқушы, бұрын сол тақырыпты дәптерге сұлу етіп жазып, дұрыс баяндаса, ал төменгі сынып оқушыларына «жаттығуларды» ұшырғаныңды кім жаттығу тапсырмасын дұрыс орындаса, бестік бағасын қоятынымды ескертемін. Ал ауызша түрі жаңа сабақты түсіндіру барысында бақылап отырып – тыңдамаған оқушыларға айтқан тақырыптан сұрақтар қоясың.«Бизнес» - бұл үй тапсырмасын орындамай келген оқушыларға жаза әдісі. Үй тапсырмасын орындамаған оқушыларды жинап, алдына шарт қоясың: 1- шарт: сынып бөлмесін тазалау. 2-шарт: 15 минут бойы тұру. 3-шарт: 10 рет отырып- тұру. 4-шарт: 5 бетке ертегі жазу. 5-шарт: журнал мен күнделікке «екі» бағасының түсуі. Оқушылар өзі таңдап алған шартын – «бизнес» істеуге кіріседі. Оқушыларға логикалық сұрақ бересің. Екі аяғына зор түскен, шығынға ұшырған – банкрот болған, сынып бөлмесін тазалап жүргендер кімдер? Отырған оқушылар жан-жағына қарап: - үй тапсырмасын орындамағандар! – Сабақ дайындамағандар! Біз күндегі тапсырманы күнде орындамасақ, болашақта осы күйге түсуіміз мүмкін, - деп мұғалім түсіндіреді.



«Сәре - мәре» әдісінде сабақта, жарыста ұтқан, белсене қатысқан оқушыларды, бір қатарға тіземін. Ауызша немесе жазбаша үлестірме карточкадағы сұрақтарға жауап беруін айтамын. «Сәре - мәре» әдісінің шарты: Білген оқушы бір қадам алға басады, ал қате жауап берген оқушы артқа қадам қояды, үндемесе орнынан қозғалмайды. Осы жерде сұрақ тууы мүмкін: «Не үшін жауап берем? -деп әрекет еткен оқушы, бірақ жауабы қате оқушылар артқа қадам аттайды, ал «аузын ашпағандардан» жоғары тұрып қалады»-деп. Мұндағы мақсат оқушыларды ойланып жауап беруге, «үндемеген үйдей бәледен құтылатындығын» үйренеді. Көп қадам қойып алға кеткендерге- «5», ортадағы топқа- «4», артта қалғандарға - «3» бағасын қоямын. Бұл әдісте көп сұрақ беріледі, білген оқушы жауабын беріп алға аттай береді.

«Нартәуекел» әдісін үй тапсырмасына кімдер шығатынын сұрап, 5-10 шақты оқушы қол көтерсе бәрін тақтаға шығарып, тақырып бойынша сұрақ беретініңді, егер ішіндегі бір оқушы жауап бере алмай қалса, бірден «екі» бағасын қоятыныңды ескертесің. Көп оқушы қорқып орындарында отырады, қалған 3-4 оқушыға сұрамай «5» қоясың. Бұл әдіс мақсаты көкірегіндегі қорқынышты жоқ етіп, біліміне деген сенімін арттыруға қадам болады. «Лоторея» ойынында оқушыларды тек бір сұрақпен бағалау. Мұғалім тақырып бойынша карточкаға сұрақ дайындап келеді. Мұғалім алдында «төңкерілген» сұрақтар жатады. Журнал бойынша оқушыларды шақыра отырып, сұрақтарды алатынын ескертеді. Бақытына қарай оңай, қиын сұрақтар түседі. Жауап беруіне қарай бағалайсың. «Скарабей» интерактив технологиясымен М. Дулатовтың «Бақытсыз Жамал» романын үйрету барысында пайдалануға болады. «Ата –анасының ақ батасын алмаған, сүйген жігітімен қашып кеткен қыз тағдыры» трагедияға алып келген роман мазмұнын үйренген оқушылармен өздері оқыған басқа әдеби шығармалар кейіпкерлермен өмірді салыстыра отырып қорытынды шығару үшін көрген кинофильмдерді көмекке шақырып , кейіпкерден үлгі алу-алмау жөнінде оқушылармен әңгіме-сұхбат құрамыз.Немесе осы сабақ тақырыбын «сот сабағы» деп Жамалды соттап , куәлерге әдеби кітапты оқыған оқушыларды шығарамын. Ақтаушылар : Жамалды сүйгеніне қосылуы үшін махаббат құрбаны болды десе , қаралушы куәлер: ата-ана қарғысын алған қыз өсіп-өнбейтінін түсіндіріп, сабақ соңында Жамалды жазықты деушіліер бір топ , жақтаушылар бір топ болып бөлінеді. Мұғалім уақытты бөлістіре отырып екі қарсы тарапты әңгімеге тартады.Әр топ өз көзқарасын жақтап шығады. Бұл әдісте оқушылар еркін пікірлеп , өз көз-қарасын жақтауды үйренеді. «Акционерлік қоғам » туралы оқушыларға түсінік беру үшін «акция» әдісі балаларға практикада көргенмен бірдей болады. Оқушыларға әр топ бір өндіріс орнын ашуы үшін акциялары көп болуы керектігін айтып,өздерінің кәсіп орнының атын қойып алуын, не өндіріп шығаратынын ойласуға уақыт бөліп болған соң ,фирма аты ,не өндіретінін білдік, енді сол жұмысты бастау үшін жер, шикізат керектігін, оны алуға акция керектігін ескертесің. Қазіргі, жағдайда сабақта акция: бұл артына сұрақ жазылған үлестірме карточка. Акция алу үшін сұраққа жауап беруі керек. Акция топтап жатырмыз деп , оқушылар қазақ тілі мен әдебиет пәні сұрағына жауап іздеп жүргендерін ұмытып кетеді. Оқушы жүрегіне үлкейгенде «осылай » акция жинауға , сұрақ беру –жұмыс істеу арқылы өз фирмасын ашуға деген сезім пайда болады. Сабаққа деген қызығушылығы да артады. Сабақ барысында үй тапсырмасын беруде КВН жарысында дайындалып келуге тапсырма : мини кітапша жасау, чайнворд түзу, қарсылас топқа сұрақ дайындап келу - бәрі де осы күні өтілген тақырыпқа байланысты болу керектігі түсіндіріледі. Оқушылар үй тапсырмасына дайындалуға шаршайды, ал жарыс басқыштарына жауап дайындау қызық, әрі сыныптастары алдында өз шеберлігін көрсету үшін жағдай туылады. «Мұғалім - оқушы» әдісінде оқушы өзін ересектей сезеді және мұғалімдік мамандықтың қиындығын байқап, ұстазын сыйлауға деген мейірім пайда болады.Бұл әдістерді әрбір мұғалім өз сабағында өзіне сәйкестендіріп өте беруі мүмкін. Қазақ тілі сабағы әрі тартымды , әрі қызықты , әрі сапалы болуы әр пән мұғалімінің өзіне , білім деңгейіне , кәсіби шеберлігіне байланысты.Оқу мен тәрбие негізі - сабақ. Сондықтан сабақ тартымды, әсерлі, мақсатты, айқын, қызықты және толық мәнді болуы тиіс. Оқытушы сабақты дұрыс жоспарлап , мақсатын нақты белгілеп алмайынша дегеніне жете алмайды.Сабақтың мазмұнын , құрылысын, дәлдігін, жұмыс жүргізу тәсілін мұқият ойластыруы қажет.

Тіл дыбыстарын үйретуде: ( Дауысты дыбыстардың жіктелуі)

Тілдің қатысына қарай жуан: а,о,ұ,ы ( Ер азаматтар дауысы жуан - бұл ұл балалар әріптері);

Ә,е,ө,ү,і ( қыз дауысы жіңішке – бұл қыз балалар әріптері);

Жақтың қатысына қарай : ашық: а,ә,о,ө (қолшатыры бар әріптер-үйінің төбесі жабық); түсіндіріп өтейін : а,ә,о,ө – бұл әріптерді салу барысында төбелері домаланып тұрады.

Қысаң: ұ,ү,ы,і –төбесі ашық ,жаңбыр өтіп кететін үйде тұратын –қолшатыры жоқ әріптер, жазу барысында төбесі ашық.ұ,ү,ы,і

Еріннің қатысына қарай: еріндік: о,ө,ұ,ү - күліп тұрып , айта алмайтын әріптер.

Езулік а,ә,е,ы,і – күліп тұрып айтатын әріптер.

Осы әдіспен үйреткенімде сынып оқушылары арасындағы нашар оқитын оқушылар да дауысты дыбысты тез меңгергенін байқадым,бірыңғай ұлттық тестілеудің балл жүйесіндегі бағаға сәйкес келуі үшін оқушы өте жақсы деген баға алудың бір жолы қазақ тілі тест тапсырмасының дауысты дыбыстарды шартты таңбалау арқылы жаттаса ,оқушы есінен шықпайды.Оқушының бірден сұраққа жауап беруі оның дайындығының жақсы екенін көрсетеді.Қазақ тілін үйрету секілді үлкен міндетті жүзеге асыру мектептің, оқытушылардың қызметіне тікелей байланысты және мемлекеттік тілдің қолданылу аясында, қабылданған заңдардың сөз жүзінде емес, іс жүзінде орындалуына да байланысты. Қазақ тілін оқыту барысында оқушылардың пікір айту, ауызша сөйлеу, жазбаша сауатты жазу, қоғамның өзге өкілдерімен дұрыс қарым-қатынас жасау, яғни әрбір адамға керекті коммуникативтік дағдыларды қалыптастыру мәселелерін шешуге міндеттіміз.Тілді мазмұнсыз, мағынасыз меңгеру мүмкін емес.Тіл арқылы қазақ халқының тарихы, әдебиеті, мәдениеті, ұлттық салт-дәстүрі , әдет-ғұрпы, болмысы танылады.Осы мақсатқа жетсек қана Қазақстанның саналы азаматын тәрбиелеп шығарамыз.

Пайдаланылған әдебиеттер тізімі:
1.Оразбаева Ф.Тілдік қатынас пен қатысым әдісінің ғылыми-теориялық негіздері.Пед.ғыл.докт.дис.-Алматы,1996ж.

2.Гоноболин Ф.Н.Психология.-Москва,1973г.

3.Ф.де Соссюр.Труды по языкознанию.-Москва,1977г.

4.Комков И.Ф.Речевая коммуникация и вопросы обучения иностранным языкам//в сб.Коммуникация и обучение иностранным языкам.-Минск,1970г.

5.оразбаева Ф.Тілдік қатынас:теориясы мен әдістемесі.-Алматы ,2000ж

6. «Жаңа мектеп»,1928,№4,3-16 (Мақала «Тіл тағылымы» кітабынан алынды.-Алматы;Ана тілі,1992ж.357-364 беттер)




Каталог: materialy -> makala
makala -> С. торайғыров шығармашылығы дуйсебаева Жанар Канатовна, қазақ тілі мен әдебиеті мұғалімі Созақ ауданы, Т. Момбеков атындағы жалпы орта мектебі
makala -> Тарих пәнінен білім берудің сапасын жетілдіруде әр түрлі тапсырмаларды қолданудың маңызы
makala -> Ана тілі пәнінде интербелсенді оқытудың Қолданудың тиімділігі
makala -> Қазақ тілі сабағында оқушылардың шығармашылық қабілеттерін дамыту
makala -> 1. Отан, туған жер туралы
makala -> Бөрібай Ұлбосын Арыс қаласы «Жиделі» жом қазақ тілі мен әдебиеті пәнінің мұғалімі Көркем әдебиеттің өмір танытушылық маңызы
makala -> Нартаева Нилуфар Абдувахабовна
makala -> Кансеитова Алтынай Баглановна Төлеби ауданы, Ақбастау ауылы, Ақбастау жом, бастауыш сынып мұғалімі
makala -> Әкімбаев Бақытжан Әбдіқадырұлы Игембаева Бибигул Сарсенбиевна білім беру ұйымдарында оқушылардың функционалдық шығармашылығын дамыту


Достарыңызбен бөлісу:




©engime.org 2024
әкімшілігінің қараңыз

    Басты бет