Қосымша материалдар Ж.Баласағұнидің «Құтты білік» дастанынан үзінділер 2 Адам баласының қадір-қасиеті біліммен, ақылмен екендігі айтылады Білік берді – адам бүгін жетілді,
Ақыл берді – талай түйін шешілді.
Кімге құдай берсе білім, ақылды,
Қолы жетіп, алар ол мол асылды!
Ақылды – ұлы, біл, білімді – білікті,
Қонса екеуі, ұлы етер жігітті.
Бұл сӛзіме куә мұндай сӛз де бар,
Сӛзді естіп, аларыңды кӛздеп ал:
«Ақыл қайда болса, ұлылық толады,
Білім кімде, сол білікті болады.
Ақылды ұғар, білімділер біледі,
Түгел болар білімді, есті тілегі!».
Білік мәнін біл, не дейді білген ер:
Білім білсең, бәле жүрмес іргеден.
Білімсіздер бар кеселді кӛреді,
Емдемесе, тектен текке ӛледі.
Кел, ей, надан! Дертке дауа жасағын:
Надан білім алса, құты тасады.
Ақыл-бұйда, ере түссең – жетелер,
2
Ж.Баласағұн Құтадғу біліг / Ауд. А.Егеубаев. – Алматы: Жазушы,
1986. - 616 б.
Сӛйтіп, арыз-тілегіне жетер ер!
Ақылы болса, пайдасын ер кӛп кӛрер,
білім білсе, әзиз тірлік ӛткерер!
Ақыл күллі ісіңді алып шығатын,
Бұл біліммен кӛрер бектер мұратын!
