Әдебиет: Сартр Ж.П. Слова. – М., 1966; Сартр Ж.П. Пьесы. – М., 1967; Сартр Ж.П. Экзистенциализм – это гуманизм // Сумерки богов. – М., 1989; Сартр Ж.П. // Әлуметтік философия. – А.,1997; Кузнецов В.Н. Ж.П. Сартр и экзистенциализм. – М., 1970; Киссель М.А. Философская эволюция Ж.П. Сартра. – М., 1976; Ж.П. Сартр. Первичное отношение к другому: любовь, язык, мазохизм // Проблема человека в западной философии. – М.,1988. СӘБИТ МҰРАТ СӘБИТҰЛЫ 1938 жылы 17 қазанда Павлодар облысы Аққулы (Лебяжі) ауданында туған. Орта мектепті бітірген соң 1955-56 оқу жылында мұғалімдік қызмет атқарды. 1961 жылы Қазақтың С.М. Киров атындағы Мемлекеттік Университетін физика мамандығы бойынша тәмамдап, Қаз ССР Ғылым Академиясының Философия және құқық институтына қызметке барады. 1970 жылы кандидаттық, 1990 жылы докторлық диссертация қорғаған, 1994 жылы профессор атағын иеленеді. 300-ден астам ғылыми, ғылыми-көпшілік және аудармашылық еңбектер жазған. Ғалым 20-дан аса жеке және ұжымдық монографиялардың авторы. М.Сәбит философия саласында 4 ғылым докторын, 15 ғылым кандидатын даярлаған. Ғылым бойынша мемлекеттік сыйлықтың иегері (1984). ҚР әлеуметтік ғылымдар академиясының академигі. Ы.Алтынсарин атындағы және «Еңбек ардагері» медальдарымен марапатталған.
Диалектикалық логика, ғылым философиясы, онтология және таным теориясы саласы бойынша көптеген зерттеулер жасады. Мемлекеттік «Мәдени мұра» бағдарламасын жүзеге асыруға белсенді қатысып, философия мен қоғамдық ой сериясының салалық редакция мүшесі ретінде бірнеше томдарға ғылыми редактор және аудармашы ретінде еңбек сіңірді.
Сәбит Мұраттың біраз еңбектері тәуелсіздік кезеңінде туындаған кейбір мәселелерді (соның ішінде, мысалы, тіл мәселесін), қазақ халқының мүдделері мен болашағына орай қазіргі мәдениеттің, ғылым мен білімнің дамуына қатысты өзекті ойларды қозғады. Абай атындағы Қазақ Ұлттық Педагогикалық университетінің Философия және ғылым әдіснамасы кафедрасының меңгерушісі болған кезінде ғалым көптеген халықаралық ғылыми-тәжірибелік конференциялардың ұйымдастырушысы болды.
Сәбит Мұраттың негізгі ғылыми еңбектері: Принцип противоречия в современной науке. Алматы, 1976., Роль категории «идея» в научном познании. Алматы, 1978., Логико-гносеологический анализ науки. Алматы, 1990. (бірге авторлықта орындалған) және т.б.
